【科幻故唔係科幻幻故/幻幻故】《今次一定救到你》(4)

飛揚

467 回覆

6 Like 0 Dislike

飛揚 2025-07-15 18:06:42

縱使俾你改變到過去，又可以拯救到未來嘛？

逢星期一至五，準時七點正有文出。

鍾意嘅朋友記得Like同Share俾身邊嘅朋友一齊睇～

有咩都可以留言同我講～有你哋嘅意見，我先會有進步～

下面係Penana嘅Link，想睇返之前嘅章節都可以Click入去。

Penana
https://www.penana.com/story/181998/今次一定救到你

鍾意我呢條廢腸寫嘅故可以Like Facebook同Follow Instagram～

感激大家長久以嚟嘅支持～在座各位都係讓我光合作用嘅陽光～

Facebook專頁
https://www.facebook.com/whirlingdancer

Instagram
https://www.instagram.com/whirling666/

Penana
https://www.penana.com/user/122935/飛揚/stream

第一個Post 第1, 5, 7, 11, 13, 24, 26, 29, 31, 33, 38頁有文
https://lih.kg/3930758

第二個Post 第1, 4, 6, 9, 17, 20, 22, 24, 26, 28, 32, 34, 36, 37頁有文
https://lih.kg/3938939

第三個Post 第1, 3, 6, 8, 10, 14, 16, 18, 20, 23, 27, 29, 31, 33, 35, 38頁有文
https://lih.kg/3949763

熱檸茶走冰 2025-07-15 18:09:16

飛揚 2025-07-15 18:11:53

走冰

小新之助 2025-07-15 18:18:41

飛揚 2025-07-15 18:20:17

小新

飛揚 2025-07-15 19:00:13

上回講到大家都到齊～
咁時世就同安哥仔去買早餐啦～
時世問安哥仔有冇諗過要打鳩佢～
無時無刻都有㗎啦～
講就咁講～不過咁耐以嚟，安哥仔都冇打過時世～就只有啱啱醫院嗰次囉～
買齊嘢返去～大家都有傾有講有笑～
時世都係唔知柔柔幾時對家嘉產生妒忌之心…
而柔柔都好似平時咁對時世一樣咁好～
搞到時世有啲避忌…但又唔敢太明顯…怕刺激到柔柔…
大家食完個早餐，就一齊行返學校。
「小息見啦～」柔柔帶住微笑向時世揮揮手～
『小息見…』時世同柔柔揮揮手，『記得！有咩事搵我就得喇…我一定會喺你身邊…任何時候…任何事情…』
「嗯～」柔柔帶住微笑點點頭～
「小息見～」大家都向柔柔揮揮手～
目送住柔柔行返去自己班房，佢哋都入返自己班房...坐返自己位...
朝早用多咗時間一齊食早餐...
“叮叮叮噹叮叮叮噹”上堂嘅鐘聲就好快響起...
都係唔專心咁上堂㗎喇...今次比起上次更棘手...
話晒上次都經歷過...好清楚咁知道家嘉幾時出事...喺邊度出事...點樣出事...
但今次...只係知個日期...知道係被柔柔殺害...咁確實時間呢？點樣殺呢？時世係完全唔知嘅！
冇錯喇！時世都冇問清楚柔柔...佢就跳咗喇...
所以話呢...有幾多嘢要諗呢...
仲有仲有...最最最重要嘅係今次唔單止係要救家嘉...仲要救多次柔柔！
要救晒佢哋兩個嘅話...只要阻止到柔柔殺家嘉...佢哋兩個都唔使死！
跟住嘅劇情發展又會係點呢？

準備出文

飛揚 2025-07-15 19:00:54

[Day 07－再回一次] PART 02

“叮叮叮噹叮叮叮噹”唔覺唔覺又到咗小息～

當我想行去搵家嘉之時...

「時世～」柔柔已經走咗過嚟～

『咁...咁快吖今日又...』我都仲係有啲避忌...

都係搵安哥仔攝喺中間擋擋先...

「係吖～」柔柔隔住安哥仔咁望住我點點頭，「我哋英文好準時放㗎嘛～」

『哦哦～』都係行快幾步...搵埋家嘉先！

飛揚 2025-07-15 19:02:35

家嘉一見到柔柔，就立即走埋去翹住佢隻手臂，再推推我：「快啲落去買嘢先啦～」

『係係～』都係快啲同安哥仔閃人先！

落到去都係我買嘢，安哥仔就去搵位啦～

一切都好似好平靜...又好正常...

好似缺少咗一啲...咩咁？

缺少咗啲咩都好啦～唔好再有太多不必要嘅附加麻煩就好喇！

而家要諗柔柔呢個問題已經夠晒煩！

呢頭講完，嗰頭就見到柔柔翹住家嘉行落嚟...見到我仲同我揮揮手添！

我都只好尷尷尬尬咁同柔柔揮揮手...擰轉身繼續排隊買嘢啦...

飛揚 2025-07-15 19:04:05

買齊晒嘢，就行返去搵家嘉佢哋～

我都坐正喺家嘉對面！

情侶吖嘛～對住坐啱㗎喇～

最大問題都係柔柔坐喺家嘉身邊姐...

柔柔不時都會望住我...

「喂喂～」就算係家嘉問佢嘢，「你今日Lunch想食咩吖？」

「我冇所謂吖～」柔柔都會望住我，「時世呢？」

『我我？我都冇所謂吖...』我都只好撞撞身邊嘅安哥仔，『安哥仔呢？』

「人哋問你吖嘛...」安哥仔冷冷淡淡咁，「又唔係問我...」

『咁我而家問你吖嘛...』幫拖啦仆街...

飛揚 2025-07-15 19:05:09

柔柔都點點頭：「安哥仔想食咩呢？」

「我我...」安哥仔又口窒窒，「Err...拉麵？」

「好吖～」柔柔帶住微笑拍拍手，「我好鍾意食拉麵㗎～」

魚魚都點點頭：「好吖好吖～我今日都想食吖～」

威姐邊食薯片邊點點頭：「呢排食得太多M記嗰啲炸嘢喇～食到厭喇～」

「係囉係囉～」魚魚點晒頭，「都係你想食囉～」

威姐睜大對眼望實魚魚：「係你話想食咋喎！我哋陪你咋喎！」

「咩吖？！」魚魚指住威姐手上塊薯片，「你睇你而家咪又係食緊炸嘢！仲唔係你想食？」

柔柔同家嘉都笑得好開心～

飛揚 2025-07-15 19:06:17

暴風雨來臨之前...係唔係一定風平浪靜㗎呢？

如果有咩風吹草動...都話可以預早提防...

好似話叫家嘉小心啲柔柔...

不過你睇而家佢哋幾咁好感情...點講得出口？

講得出口都俾家嘉反問返要小心啲乜啦...

真係難搞...唔單止對家嘉...柔柔對我嘅態度都係...

「時世～」柔柔遞咗包紙巾俾我～

『哦哦...唔該...』對我鬼咁好...

飛揚 2025-07-15 19:07:33

即係可能你話呢啲嘢都好平常姐～大家Friend嚟㗎嘛～

係～Friend嚟講係好平常嘅～

之但係而家我同家嘉一齊咗㗎喇嘛！呢啲嘢係唔係應該由女朋友做㗎呢？

最慘就係家嘉又好似冇乜嘢咁喎！又好似你哋咁講好平常姐咁喎！唔覺得呢啲嘢應該係由身為女朋友嘅佢做返喎！

又即係我唔係話咩大男人想要個女朋友服侍嗰啲！

而家個問題係我知道柔柔會因為妒忌家嘉而對佢產生殺意吖嘛！！！

哎呀！究竟我可以點做吖？！

係諗唔到解決方法...用幾多時間諗...點諗都係諗唔到個解決方法...人往往就係咁...

飛揚 2025-07-15 19:08:35

直到小息完咗...各自返翻班房...

直到又到Lunch...一齊去食拉麵...

面對住柔柔...我都係諗唔到有咩好啲嘅解決方法...

「時世呢？」柔柔突然問我～

『吓吓？』咩吖？講緊啲咩吖？

家嘉就幫柔柔問多次：「你想唔想睇？」

『睇？睇咩吖？』諗得太入神...完全唔知大家講緊啲乜...

家嘉冷眼打量住我：「想唔想睇戲吖？柔柔今日放學唔得閒，同唔到我哋一齊睇，睇吓你想唔想睇咗先？」

『我？我唔使吖...等埋一齊都得㗎～』哦～原來係講緊睇戲...不過呢個好似唔係重點...

飛揚 2025-07-15 19:10:37

「今次又同唔到你哋一齊...」柔柔有啲難過，「呢排都忙...」

『係？忙咩吖？』我又不自覺咁關心柔柔...

安哥仔就冷眼打量住我：「咪話咗佢哋班要整Board囉...你有冇聽㗎？」

『有！梗係有啦！整Board吖嘛！』我屌你咁樣走嚟入我嘅？

只見柔柔帶住微笑點點頭...

死啦...會唔會覺得係因為我同咗家嘉拍拖...所以唔留心佢啲嘢...又對家嘉增加恨意㗎？

柔柔呢種微笑真係好難捉摸吖！

如果係咁我真係要屌死安哥仔！

不過講開又講...點解安哥仔好似句句都窒住晒咁㗎呢？

飛揚 2025-07-15 19:11:46

魚魚都掃掃柔柔手臂：「唔緊要啦～唔緊要啦～套戲都係啱啱上～有排都未落～一定可以一齊睇嘅～」

威姐都點點頭：「再唔係今個禮拜六都得㗎～」

家嘉都搭住柔柔膊頭：「今個禮拜六我哋都得閒吖～一齊去睇～」

「嗯嗯～」柔柔帶微笑點點頭，然後又望住我～

『係咯～禮拜六啦～』我都望住安哥仔，『得閒㗎嘛～』

「嗯嗯...」安哥仔又尷尷尬尬咁點點頭...

點解我好似...諗到啲嘢...又好似...忽略咗啲好重要嘅嘢咁㗎呢？

飛揚 2025-07-15 19:12:47

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～