【四月新番】藥屋少女的呢喃 / 藥師少女的獨語 第三季等候區（5）

睇原作者解說之前可以望下

《藥師少女的獨語》六個版本：

1. 出版時間線：Web版→Ray Books版→文庫版→BG版→GX版→小蘭外傳漫畫

2. 原作文庫版小說：《薬屋のひとりごと / 藥師少女的獨語》　作者：日向夏
【書籍版，連載中，2014年開始由「主婦之友社」既「英雄文庫」出版，有時會加web版冇既劇情細節同糖，今年5月30號出日版第16卷，7月24號出台版第15卷】

3. 原作Web版小說：
正篇 https://ncode.syosetu.com/n9636x/
番外篇 https://ncode.syosetu.com/n8967bb/
【得生肉同部份機翻，作者2011年10月開始喺「成為小說家吧」上面投稿既網絡連載版小說。作者會先喺web版上面連載，再修改出文庫版，今年年頭2月5號岩岩連載完第16卷】

4. Ray Books版小說：
《薬屋のひとりごと / 藥師少女的獨語》 (Ray Books)
【2012年「主婦之友社」Ray Books出版既一卷單行本，收錄左後宮篇，相當於web版同文庫版第一卷既內容】

5. BG版漫畫：
《薬屋のひとりごと / 藥師少女的獨語》　作畫：貓海月（ねこクラゲ）
【連載中，2017年5月開始喺「月刊BIG GANGAN」上面連載，逢25號更，畫風精緻啲Q啲但進度慢啲，呢兩三個月網上面既熟肉更得好慢，想早啲睇可以down同日本同步更新既「Manga UP!(英文正版)」同「B站漫畫(簡體正版)」，睇生肉可以down「マンガUP！」同買月刊&單行本，
目前改編進度：最新80.5話=文庫版小說第4卷18話=動畫45集】

6. GX版漫畫：
《薬屋のひとりごと～猫猫の後宮謎解き手帳～ / 藥屋少女的呢喃～貓貓的後宮解謎手帳～》　作畫：倉田三之路（倉田三ノ路）
【連載中，2017年8月開始喺「月刊Sunday Gene-X」上面連載，app版半月更，進度快BG版10話左右，熟肉暫時得76話，生肉已經更到89話，
down「サンデーうぇぶり」app可以睇哂第1至最新話生肉（用每日都送既無料ticket同睇廣告攞既點數免費睇漫畫，每話每次可以睇72個鐘，7月26號前限時免費公開1-29話＆85-86話），或者直接買月刊&日版單行本最新出既19卷＆20卷（=77-87話，85話後係動畫第3季/小說第5卷後劇情），
目前改編進度：最新89話=文庫版第5卷5話=動畫第3季，黎緊出既90話=文庫版第5卷6話】

7. 小蘭外傳漫畫：
《薬屋のひとりごと外伝 小蘭回想録 / 藥師少女的獨語外傳 小蘭回想錄》　原作：日向夏　作畫：七緒一綺
【連載中，得生肉，今年3月開始喺「マンガUP！」上面連載，用小蘭視角寫既第一部官方外傳故事，第2話開始要down佢個app，1-4話分冊版8月1號發售，原作者有過解說補充(https://note.com/melza/n/n5f497b1a6c7a)】

原作者：《藥師》第四卷為止既補充 

　　《藥師》動畫48集，下半季完滿結束！  　　

　　對應「英雄文庫版（ヒーロー文庫版）」小說既話，動畫劇情進度到第4卷。就好似我一直以黎喺唔同地方講過既咁，原本《藥師》呢個故事係預定喺呢度完既，所以我嗰陣將所有重要元素都擺哂入去，係咁塞係咁塞。

 　　依家仲好深刻記得，當我寫完第4卷嗰陣時，「終於搞掂啦～」我用蹄抹走額頭啲汗。

 　　跟住落黎，等我講下我創作《藥師少女的獨語》既來龍去脈啦。我諗呢個內容我應該都講過好多次架啦下嘛。今次集中一次過寫出黎所以會好長架～ 

　　提提你，跟住落黎既內容建議你睇完文庫版小說1至4卷（動畫黨就係睇完第1至48集）先繼續睇落去。

 　　「我先唔想知乜鬼來龍去脈，快啲直接講補充啦」嫌睇呢啲好麻煩既人由
↓↓↓
既下面去到
↑↑↑
呢到為止都skip左佢就得架啦。
【網入面/pdf/epub撳目錄既「ここまで↑↑↑飛ばしてね」就可以直接跳去睇原作者細節補充】

原文：https://note.com/melza/n/ne1272aa2d366
(日向夏「薬屋四巻まで補足」　2025年7月5日 00:38)

呢度開始↓↓↓可以飛走架～

 　　《藥師》最初係喺「成為小說家吧（小説家になろう）」上面連載。冇記錯既話，第一話應該係2011年10月尾左右出既。嗰陣時岩岩好係東日本大震災之後既自肅期當中。係電視係咁狂播「ぽぽーん」廣告既時期。

 　　嗰時好得閒丫嘛，心諗「橫掂冇野做，不如寫下小說啦」。

 　　講得詳細啲，就係實在冇野做，所以我「好想睇嗰位已經好幾年冇出新刊既作家寫既續集。冇記錯嗰間出版社接受投稿架可？既然係咁，不如寫篇小說，用投稿既名義去催更啦」，嗰陣差啲真係做左。 

　　我係行動力爆棚既monster級讀者。好恐怖呀呢～

 　　《藥師》除左正式投稿用嘅版本之外，仲有啲為左練習而隨手寫低既版本。當時冇諗咁多就噠噠噠噠係咁寫落去。所以喺早期，連一個段落完左要換行之後應該要空一行都冇做到。點解會咁係因為，每次由Word先生度copy過黎，就算隔左一行，排版都會被壓縮，啲行距都會黐埋一齊，所以我心諗「哎！麻鬼煩！如果要空一行，就算唔分段都睇得明啦下嘛？」當時我就係咁樣寫架啦～
【日本基本排板：一個段落同一個段落之間要空一行】

 　　咁樣會好難讀，但又唔執靚佢/唔執整齊，係因為我既宗旨就係與其執靚佢不如索性開新一話黎寫。 

　　就係咁，就變成兩部作品同時兩邊一齊連載啦！如果再係咁落去，好快就會出現一啲聲稱去出版社投稿而造成麻煩既monster級讀者架啦。

　　但係，呢件事冇發生到。因為「主婦之友社（依家既Imagica Infos）」邀請我出書呀！

 　　順帶一提，我當初諗住突襲既，就係而家同我工作上有來往既O田先生/小姐之前所屬既編輯部，總覺得我而家呢份工，好似係靠奇妙既緣份維繫住咁。之後我就順住呢個勢間唔中問O田先生/小姐：「不如出新作丫？」。我內心某個角落入面仲殘留住呢份monster級讀者既心。

 　　言歸正傳。就係咁，由「主婦之友社」出版既就係呢本書啦。

https://www.amazon.co.jp/dp/4072853798?tag=note0e2a-22&linkCode=ogi&th=1&psc=1
（薬屋のひとりごと / 藥師少女的獨語 (Ray Books)　發售日：2012/9/26）

　　係Ray Books版。
　　已經冇新貨，淨係得中古貨。內容同「英雄文庫版（ヒーロー文庫版）」第一卷幾乎冇分別。反而故事內容仲少啲。所以冇第二卷，採用一卷完結既形式。
　　理由係，一卷既長度岩岩好將故事埋尾。之後雖然曾經以蛇足篇既形式寫過啲野，但始終只係蛇足【多餘既野】，所以我同出版社講冇必要出版。
【蛇足篇=番外篇，中文既畫蛇添足寫做日文漢字一樣都係蛇足（だそく），係作者覺得雖然多此一舉但都係想補充既內容】

 　　封面係松田恵美小姐畫。

　　呢個時候成為「小說家吧版（なろう版）」既《藥師少女的獨語》已經完左 。
　　之後我改寫左相當多野，而改寫前既版本就喺呢到啦。【下面條link】 

https://ncode.syosetu.com/n8967bb/
（藥師番外篇：舊蛇足篇＆後日談＆其他） 

　　舊蛇足篇。結局有好多唔同。角色都有好多唔同。番外篇同樣都係用呢個故事去創作出黎架。  　　本來覺得唔特別寫主角既成長背景都得，但如果大家都咁想睇，我就以「寫唔寫好呢？好啦寫下啦」呢種心態去寫左啲喇。
　　所以呢，各種劇情都快快手粗略收尾啦。

  　　但係，喺出版Ray Books既兩年之後，就決定喺「英雄文庫（ヒーロー文庫）」重新出版啦———。

　　嗰陣時，感想欄上面有留言寫住「年邁既母親喺到等緊後續」……。 　　如果要喺「英雄文庫（ヒーロー文庫）」出版既話，呢下真係冇得唔改寫啦。
　　就係咁，我大幅改稿蛇足篇。點知改到過左龍，同舊版本比已經變左做完全唔同哂既野啦，所以我將呢個完全唔同哂既新版本放左去第二度。 

　　而家大家睇到既版本就係經我改寫左好多野之後既樣啦～

 　　蛇足篇變左做宮廷篇１同宮廷篇２。

https://ncode.syosetu.com/n9636x/
（Web版小說宮廷篇1＆2）
【對應：
文庫版第2至4卷 / 動畫第12至48集 / GX版第14話至完整84話 / BG版第22至80.5話（仲畫緊）】
【宮廷篇１簡介：
為左唔令蛇足篇變成蛇足［多餘既野］，而家成篇改寫緊啊！】
【Web版封面簡介：
舊蛇足篇，收錄喺藥師番外篇入面。
已經正式書籍化。
Ray Books發行全一卷，「英雄文庫（ヒーロー文庫）」出版到第15卷［依家已經出到16卷，作者未改］。文庫版第一卷係以Ray Books版呢一卷做基礎去加筆修改。】

　　所以，應該有唔少睇過「成為小說家吧版（なろう版）」既人都會諗：「欸？之前有呢啲野架咩？」 

　　寫蛇足篇嗰陣，我一直耿耿於懷既係，樓蘭呢個角色塑造得太過cheap。
　　於是，我決定要改寫，要令樓蘭永遠成為焦點，要比佢做出色既惡女。 

　　所以，所謂既第四卷一度完結，其實係因為我最早期plan好要寫既內容去到呢度就寫完，所以先會曾經想喺第四卷完。

 　　我將改寫過既成為「小說家吧版（なろう版）」再進一步加筆修改，出黎既就係「英雄文庫版（ヒーロー文庫版）」。究竟要改寫幾多次啊？
　　所以第四卷既內容有好大變化【同web版&舊蛇足篇比】。
　　既然變左，就緊係優先考慮已經買左書既讀者既滿足度啦！，冇必要要人白白犧牲【樓蘭&子字一族(?)】。

 　　所以，「成為小說家吧（なろう）」係普通結局（Normal End）。
　　而「英雄文庫（ヒーロー文庫）」即使多少有啲劇情調整，但都稍為偏向Happy Ending。【eg加壬貓糖】

 　　好～！咁就到此為止啦！我要幫佢完結！就喺呢個時候，
「要開始漫畫化啦，請繼續寫落去」

 　　……。 

　　好，咁我繼續。

 　　至於，關於點解會變成有兩個漫畫化版本既來龍去脈，我自己都唔係好清楚，去問下編輯啦。（＊唔好真係去問呀）

　　就係咁，本來今次會喺第12卷完結架～，不過冇完到，依家仲繼續緊。

原文：https://note.com/melza/n/ne1272aa2d366
(日向夏「薬屋四巻まで補足」　2025年7月5日 00:38)

Thx 巴打