30歲之後好似冇晒朋友咁

同意，AI 確實係睇邊啲人用，當用得好，可以為生活帶黎巨大進步，亦能帶來滿足感。無論係解決問題、提升工作效率，甚至創造新機會，AI 係一個強大嘅工具。

如果將 AI 推向極端使用，亦可能出現其歪用。最極端嘅情況係，某啲人會將 AI 用作詐騙工具，誤導他人，達到個人私利。

更深層嘅問題係，過度依賴 AI 進行情感交流，譬如將佢當作情侶或伴侶，最終會令情感變得冷漠甚至變態。人類之間嘅真誠連繫將會受到侵蝕，關係變質，因為真正嘅情感交流唔應該建立喺非人類介面之上。

AI 可以幫我哋，但唔應該取代真實嘅人與人嘅互動。過度依賴會讓人越來越孤立，甚至喪失對情感交流嘅基本認知，未來，我哋甚至可能見到人同 AI "拍拖"。隨住科技嘅發展，AI 嘅情感模擬愈加精密，人類可能會迷失於這種無需面對現實挑戰嘅關係中。人類同 AI 之間嘅情感互動，唔再需要面對誤解、爭執或者妥協，只要根據自己嘅需求去定制對方。雖然呢種關係可能會帶來短期嘅滿足，但長遠睇，呢種情感會逐漸變得扭曲，甚至可能令我哋失去真實嘅情感交流。當人類越來越依賴 AI，對真實人際關係的需求逐漸減少，最終可能走向情感冷漠嘅極端，甚至面臨人類絕種嘅風險。當人類同 AI 成為唯一嘅情感寄託，社會嘅結構同文化將會徹底變質，呢個有可能係世界末日嘅開端。

又係啲垃圾NGO為R Funding而整啲咁嘅垃圾出嚟

大把人係咁，因為香港地太多好運的人

我唔知佢哋點去定義我作為朋友有幫過佢哋
At least佢哋唔開心/失戀我一有時間就會陪佢哋

但我諗之後都唔需要，因為我自己嘅時間只可以留比我自己，無朋友都無問題，我認為我人生餘下嘅時間都唔需要朋友

反而應該要學習下點樣去識啲''可以利用嘅工具人''

我理解你講嘅意思，強姦的確係罪行，損害受害者身心，佢需要被停止，同接受法律嘅處罰。如果呢個社會無道德規範，強姦犯唔需要有任何社會責任，無法可依嘅時候，或者當強姦發生喺親屬之間，某啲人會選擇隱忍、包容，係咪代表呢個時候先可以用到「包容」呢個字眼？

我提出極端情境係想探討包容嘅多面性，強姦犯只係極端例子去探討包容呢個行為，推向極端有助思考，你明唔明咩係推向極端？

唔好話30歲
小學 中學 永遠有D稱兄道弟既朋友 一畢業就唔見哂

有d朋友約極都約唔到，初初以為佢好忙，其實係疏遠你想同你絕交，你控制唔到，呢個係對方感覺。
你揀朋友，朋友都揀你。
尤其是讀完書轉左工作有其他環境圏子，佢當時需要你陪 現在唔駛 以家已冇利用價值了，尤其是d老同學以前稱兄道弟係因為細個要互相支持先可以迎接成長挑戰（如失戀失業畢業之類），時間又多活力又多又唔鐘意返屋企因為冇空間。
人大左，絶交冇所謂！
做人好現實，時間係佢，你掛住佢又點？

點解唔試吓約出嚟打機或者唱k？

得番幾個打機認識的網友
可能因為算係共同興趣愛好
相反上大學同學一年都唔知見唔見到一次
同事私生活完全無聯絡
聚餐應酬可免則免

40歲了

呢個真係無就無中學果陣都叫有1-2班幾frd下，成日群埋玩的，但一中學畢業，有我呢班繼續讀上去，亦有一班直接出去做野，後者根本已經唔同世界咁，聚埋大家傾大學點，佢地都傾唔埋，而佢地講返工野，亦少人有共鳴。
到大家真係出晒黎做野，再聚果陣，大學的多數office工，唔同行業都叫勉強交流到，增廣下其他行業的見識。但就算真係有1-2次咁岩撞到一早出黎做野果班去食個飯，就發現太市井太狹窄之後更加唔會點特別再聚，費事無野講同易踩中d咩咁
就算以前點frd都好，大家一去左唔同環境，難免都係要搵返果個圈子的人先易溝通到。見市井果班的，廿尾三十都約人都係晒時間去打麻將，機鋪咁，又無目標唔進修，完全無志向咁。。。

中肯真係唔係唔識社交，而係唔想社交。自己屋邨大，公立中學出身，極大部分以前的同學都係基層，入到大學的，真係好少，之後其他入到政府做消防海關入境，都已經叫做算唔差果d，但唔會見到升到好高咁。
就算大學果班，都有人出黎做野就好霉，唔知係性格定入錯行定both。。。咁其實佢見到大家讀書差唔多咁，但出到黎個個都大公司慢慢咁爬到上經理位，就開始摺埋唔想出黎咁亦有d一味chur升職，又我呢班結埋婚有仔女，大家根本無時間出黎
維持社交，基本必要條件係時間，之後就係共同野。根本出左黎做野就兩樣都開始無，唔似讀書大學困埋一齊大半日咁所以開始疏離，大家各有各忙，係好正路
人愈大，真係愈要識改變心態，調整自己的預期。真係幾廿歲人就咪咁多幻想，幻想d自己根本無，或者根本無可能的野。真係要發夢，咪去買張六合彩咪算

咁你咪搵返啲同事傾工事

你啲朋友放假約出嚟想玩下超下你就係度講事業
人地又唔係一定鍾意工餘時間後傾呢啲話題

唔一定係公事，男人最簡單，唔係講車講樓講洗錢賺錢，就講興趣講錶講相機講旅行，根本連呢d比較廣的topic都難的時候，你會有乜傾

咁傾旅行

其實有仔女果d已經冇得搞

你仲勉強約人地係搞住人

當你見到果班唔少未結婚，傾大陸/泰國之類，而你有屋企唔太好呢味，好難搞

咁咪絕交唔來往
我都同咗班唔啱傾/際遇分别越嚟越大既人絕交

所以好多人到咗咁上下年紀都要搵個人結婚
唔係跟風人結佢又結，係因為朋友結婚同話你聽絕交係冇乜分別，生埋仔更加唔會有咩機會見到佢

我結婚請到一個朋友去，都識咗好多年
佢早過我結婚都有請我去

樓主想識朋友姐
又唔係同啲人過人世
hi bye friend多幾個其實心情會好啲
唔一定下下都交心嘅
更加唔係強姦呢啲咁嚴重嘅話題
下下都講自己有咩權利唔係唔得
份人難相處啲咁解囉

有經濟能力點都要搵啲興趣玩下，起碼有個圈子吹下水

講真，識朋友都係一種互相嘅事，唔係邊個想識就要人哋接受。唔通因為你講你「冇諗住下下交心」，就預設人哋要接受 hi bye friend 嘅模式先叫正常？

做人有界線唔代表難相處，唔係唔交心就要人哋唔出聲、唔表達自己底線。講自己有咩權利唔係唔得，咁人哋表達自己原則都唔係唔得掛？點解表達立場就要俾你標籤做「難相處」？

再講，唔係所有關係都要好 casual、講笑就算，有啲人想搵真朋友、有啲人唔鍾意虛情假意，都係選擇。你鍾意 hi bye friend 無問題，但唔代表人哋唔迎合就有問題。