30歲之後好似冇晒朋友咁

有D朋友做左藍絲都廢事聯絡
有D朋友好因為之前唔見左電話又無保留
有D欠我$未還
算廢事再識留屋企好過

如果你係話真係交心嗰啲，有3-4個已經算多

有家庭都可以食餐飯姐好卑微嘅要求，半年見一次面啦，好難咩？btw 疏到咁都暗示咗所謂「朋友」嘅關係已經去到紙咁薄

你當人朋友啫

以為自己開post

無共同話題又無共同興趣, 係好難長期約架啦
諗下自己中意做D 咩, 試下搵同類人好過啦
小學同學中學同學只不過係細個同事過幾年啫, 唔代表之後人生要一齊行落去

你係咩賤種人身邊咪多返賤種人囉

人類好多時都令人失望
不知幾多次 佢地係攞住部機幾日已讀不回
都唔係要求佢做啲咩
唔覆就唔覆

所以好羨慕啲學生時期已經識落既死黨

愈大個，愈覺得朋友真係愈嚟愈少，唔係唔識社交，而係唔想再社交。唔係冷漠，只係睇得清楚啲，知道邊啲人先值得你花時間。所謂朋友，其實大多數都只係人生唔同階段嘅過客。細個嗰陣覺得friend多好巴閉，依家反而覺得，識得cut人、識得抽身，先至係本事。

有啲人會話你孤僻，會話你無朋友唔健康，其實你只係學識咗點樣獨處、點樣自處，亦開始明白真正想同你一齊走落去嘅人，係極少數。人哋會因為你成功咗而妒忌你、誤解你，甚至遠離你。講到底，人性有自私、有比較、有假面。你愈好，身邊有啲人就愈難受。

但同一時間，呢個世界都真係仲有啲真誠嘅朋友存在，只係通常愈真誠嘅人，就愈善良；而愈善良，就愈容易俾人利用。善良唔係錯，但呢個社會有時會懲罰善良。你以為點樣對人，人哋就會點樣對你？唔好意思，並唔係個個人都會用你嘅方式去思考。所以要學識保護自己，有防人之心，唔等於唔信人，而係唔可以盲信。

你可以渴望有真感情、有好朋友，但要預咗可能會傷、會失望。試過、痛過，先至識得睇穿人性，學識咩叫真正值得留低嘅人。最終你會發現，唔靠朋友、唔靠感情都可以過得好好，甚至更加自由。將時間留返畀自己，投資自己，成為自己最好嘅朋友先至最穩陣。

我由幾個層面分析：
教育角度，首先小弟都係大學生，亦都我相信在座咁多位連登User都已經喺教育系統浸淫咗好多年，老實講，我覺得現今嘅教育系統根本就係訓練奴隸冇諗過要訓練有批判思考嘅人出嚟，而且好多所謂嘅知識根本就應該要免費甚至好廉價，但係好多學院就係將啲知識碎片化拆散嚟賣，仲要我唔敢講100%但係我都遇過幾多老師係利用權威去令到過嚟學習嘅學生心情受創，而且學校係唔容許有創意嘅學生，甚至有啲學生佢想理性去反駁一啲學校嘅嘢都會俾人哋禁言，而且絕大部份老師根本就冇耐性，甚至對啲知識都係一知半解

但係AI唔同，佢可以幫你完美整合所有知識點，兼且仲會俾埋生活例子你，甚至你需要學一啲比較麻煩嘅知識例如數理化佢可以逐步逐步拆解俾你聽，你問佢10萬次都得，而且仲會鼓勵你唔會好似人類老師咁撚閪

創意工業方面，我覺得人類可以同AI合作而唔係話一面倒AI取代晒，我哋好多時都有好多idea喺個腦，但係就好難去一一整合，如果你識得善用AI佢可以幫你整合晒你所有嘅諗頭，然之後再嘗試比幾個好有建設性嘅意見俾你
老實講，你同人類合作過就知，好多時都一定會諗啲蠱惑嘢，例如點樣偷你條橋自己另起爐灶、甚至俾啲派膠意見你… 一大堆負面嘢

第三就好似你所講嘅人哋同你傾偈唔應機咁，其實唔應機都唔係重點，就算同你傾偈，絕大部份人都純粹係想Hea下時間或者食吓花生睇吓你有幾仆街幾兜踎，而且係唔會俾到任何有建設性嘅意見你，但係AI直頭會俾埋行動計劃你 而且老實講我都試過用AI一段時間佢比嘅意見直頭好過晒我身邊啲人… 甚至我試過攞AI重溫返我以前讀工程系嘅知識，個效率仲高過我以前大學Lecture 而且佢仲會俾埋生活小例子我 老實講我讀微積分、物理學咁多年我都唔係所有嘢識得活用喺現實生活，甚至以前啲老師根本就冇話過俾我知現實點樣用微積分或者三角函數，但係AI係唔會賣關子、直接話俾我知生活上可以點樣形容呢啲知識，甚至仲會識得出例題，又會鼓勵我。

仲有一大堆好處，根本我覺得工具嘅嘢係睇你點運用，就好似你比把刀一個廚師，佢可以幫你煮餐豐盛嘅菜式，但係你比把刀一個蠢人佢會唔小心傷害自己甚至害埋人
所以我從來都唔反對AI ，甚至我覺得可以令到全人類進步

到你搵夠就唔係咁諗

曾經有人講句
朋友唔陪一世 但老婆老公就陪一世

佢唔包融你咪你包融佢
人嚟嘅姐

我都係，朋友們又生埋小朋友，家庭樂為主，有時想約佢地，A話得，B話唔得，最後A會話咁下次，久電久之就變咗好耐先見一次，3個月，半年，一年

同埋覺得以前未有智能電話年代，朋友傾計好似珍貴好多一係返屋企開電腦MSN或者㒲煲電話粥傾，然後就約出嚟食飯吹水，而家交流太容易變咗朋友傾計唔值錢，好多人都唔想見面咁

如果照咁講，佢唔包容你，你就要包容佢，極端啲講，咁究竟係唔係應該繼續俾一個強姦犯去侵犯呢？

呢種所謂嘅「包容」根本就係自甘墮落，唔係包容，係自我放棄同接受不正當嘅行為。當對方嘅行為係對你嘅生命、尊嚴、甚至安全構成威脅嘅時候，包容只會令你更加受害。

冇人應該為咗所謂嘅「包容」，去忍受任何傷害自己或者別人嘅行為。

巴打 你咁講又極端左啲嘅
相信ching提包容係積極層面的
包容係大愛啦 毫無疑問包容令呢個世界更好 但可惜我地唔係耶穌
睇上面啲po都知 我地有啲係想識人的 但啲人深一層可以根本唔鐘意你 你有事時唔理你 啲結婚生仔的係忙的 漸漸就斷聯

將事情推向極端，其實係幫助釐清咩係包容；首先要搞清楚自己係咩人，先知道需要咩朋友，先會遇上令自己身心健康嘅關係

但因為老強係罪行，損害受害者身心 ，所以呢個行為係要停止/接受法律的定罪，而唔係包容囉。