貓糧資料庫（21） ！唔好再俾全乾糧！

去寵物店每款買一兩罐黎試下啦，真係好多都冇乜問題。基本上水份唔係高過85%，冇膠類/碳水化合物都ok。

我覺得怪獸部落幾香口
Ziwipeak風乾糧就肉味重D
Orijen就重口味D
有D貓會唔鍾意食魚，真係要試先知

如果撇除身體本身問題，可以試下鴨肉/鹿肉/兔肉呢D比較低敏，或者係肉泥罐/顆粒比較細既貓糧。
太密都係睇醫生調理好腸胃先，如果唔係擺咩都一樣繼續嘔。

如果飲水不足，體內水分減少可能導致尿液濃縮，腎臟為咗保留水分可能排出更多鉀。
另外長期食魚罐頭可能導致鎂/磷攝取偏高，間接影響電解質平衡，都有機會導致缺鉀。
轉到雞罐頭會比較好，同埋可能每日需要多一罐補充水份。正常成貓係需要三罐，一罐太少，長期落去會有問題。

來緊想轉canagan 雞三文魚罐頭做 主食k9 做輔助
請問呢隻罐罐OK嗎？

supermarket冇乜邊款OK，去返寵物店買。
只要冇膠，水份少過85%，冇加碳水化合物既主食罐都可以考慮。例如汪喵，好味小姐，肉球世界，applaws，thrive，canagan，K9…其實勁多。試下睇多d成份表去分辨。

多數肉絲罐偏向低脂，確實係可以避免脂肪太高既問題。
雖然鎂/磷既問題轉冇魚類既會比較好，但係呢款三文魚含量唔高，照食都應該冇問題。

因為睇咗貓糧資料庫 好似得依隻比較好

個資料庫有D舊，近幾年大家開始買多D罐頭，出多咗好多唔同罐頭都冇包係入面，都係學識睇成份自己分析好D。

一直餵開 wellness core 雞乾糧
係咪可以成包棄 買其他細包裝試下

新手一問
想問下九龍區邊到可以買到比較齊全嘅貓用品同糧

後尾我見汪貓罐頭 寫明冇膠質同埋冇木薯粉等 好似比canagan 好 買左扁鱈雞味比佢 都幾中意食 想請問食呢啲罐頭？仲使唔使加水落去？

如果淨係頸，耳背痕，又r
會唔會食物敏感？
因為肚又無，大髀罅又無

口味既嘢一時時，可能你過兩個月拎出黎佢又肯食，或者你慢慢溝下。
佢唔肯食乾糧你咪餵多個罐頭，仲好

所有罐頭都可以加水，大前提係加完佢都會清曬。
加完水食得一半就無謂啦，始終都要吸收營養既。

有機會係食物敏感/環境/細菌/天氣乾燥/蟲，好難講。
另外食物油脂不足都對皮膚冇咁好，可以考慮加D魚油。
如果有食物敏感，可能會伴隨便秘/腹瀉之類腸胃症狀。
持續係咁或者越黎越嚴重就考慮睇下醫生啦，有時搽下嘢就好返，好過你拖幾個禮拜，當學多樣嘢都好。

收到，但又無便秘，腹瀉，血便

魚油你食開邊款

你搵個容器倒200ml水出黎，你每日就係要諗辦法令佢吸收呢個水量。乾糧/凍乾本身幾乎冇水份，如果你冇任何方式俾呢個水量佢（冇200ml都俾100ml啦），好快就要睇醫生。
佢身體唔舒服又會更加冇胃口，約遲越難搞。
如果凍乾加水肯食就加水，總之要佢食落肚先計。
一係就轉主食罐，一罐80g都有約60ml水。

魚油冇乜研究，我買汪喵就算

咁儲定錢睇醫生，唔夠水都唔止腎病泌尿道，會影響埋身體內分泌/胃口等等，同好多病都有關係，係身體最基本需要既元素，無可避免。
你自己都要睇下佢D尿清唔清，痾時順唔順暢。
刷牙剪指甲呢D每隻都唔鍾意，始終要搵個方法去做，做慣咗知道冇危險就自然唔會咁反感。

貓貓 之前有struvite 鳥糞石入過院 （果陣尿Ph值7）
食開Thrive罐 + instinct乾糧

導完尿出院 食hills cd 罐同乾糧 食左幾個月
覆診照超聲波冇晒結晶 （抽尿驗 ph值6.0） 叫做康復左
但hills cd 食到佢好瘦

之後可唔可以試下轉食生肉糧？（應該可以控制到ph值微酸？）
e.g. 早晚K9凍乾溝水 + 中午Ziwipeak 風乾雞肉糧

生肉係偏酸，但係太酸都有機會形成草酸鈣尿石。
講到尾最緊要都係有足夠水份去稀釋。
揀一款佢鍾意食同時水份最高既就得啦。
佢已經有前科就真係要計下有冇足夠水份，可能要另外自己餵水。