貓糧資料庫（21） ！唔好再俾全乾糧！

貓糧資料庫Excel請查閱以下連結：
https://docs.google.com/spreadsheets/d/1hjy163OufDpiu5Y1VlN1ATCVcehya2t2Xmu3_lKnJak/edit?usp=sharing

貓糧資料庫Excel有分析如何選擇貓糧，如果新出貓糧不包含於貓糧資料庫，可根據營養素及成分自行分析。

日常飲食請以濕糧為主，乾糧為副，確保貓咪充分水份(KG x 50ml)吸收可以大大大大大大減少醫藥費。
濕糧唔似乾糧有磨牙作用，請勤刷牙保持牙齒健康。
奉勸大家唔好覺得自己隻貓會主動飲水就以爲「我隻貓好鍾意飲水，所以夠水」，好多「鍾意飲水」嘅貓咪去到醫院檢查都有泌尿道問題。
每一隻生物口渴唔夠水份都會主動飲水，全乾糧佢仲唔主動飲水一早死咗。
貓每舔一啖水只有0.15ml，假設一個罐頭80G，含水量80%，食一罐已經等於貓咪舔427啖。
請自行計算每日透過各種方式吸收的水量。
如果罐頭已經吸收到足夠水份，係完全可以唔額外主動飲水。
是否有足夠水份亦可以透過尿液觀察，尿液清澈接近冇色為佳。
唔好再俾全乾糧，除非你有辦法確保到佢可以透過其他方式吸收到足夠水份。

日常飲食請購買主食罐，冇寫明主食罐都默認為副食罐。
主食罐是經過專業營養調配，符合AAFCO等營養標準，可以作為貓咪的主食長期餵食，提供均衡營養和水分；
副食罐則主要用來補充蛋白質和水分，不適合長期單獨作為主食，容易造成營養不均衡。
主食罐請選擇大概75-85%水分左右，水份太高有機會唔夠飽兼性價比較低。

世界上仍然有唔少人覺得「罐頭=唔健康=午餐肉之類」，然而罐頭只係一種保存方式，好多罐頭都冇額外落調味料，健康與否係睇成分，絕大部份罐頭都比乾糧健康。

不必需要刻意選擇無穀糧
FDA有提及過發現狗隻食無穀糧比起有穀糧（貓隻樣本好少），心臟病風險會增加，但係個研究冇搵到確實問題出係邊度。
後續有研究懷疑係豆類或馬鈴薯替代穀物影響牛磺酸吸收或代謝（有待證實）。

有冇人買過怪獸部落新果隻魚油罐
好似幾好咁, 但唔知貓貓肯唔肯食

想請教下
貓貓依家食緊ziwi鹿乾+濕
基本上乾糧一日60g，夜晚就會開一罐85g
嚟緊諗住轉早晚一罐
中午下午可能40g乾糧
咁食得唔得？

鹿肉係咪對關節會好啲？
佢1歲仔
每日會瘋狂跑，成日好驚佢整親
諗緊想轉返雞⋯ 因為平啲

早晚各一罐至少啦，補充到約每日所需一半水量。
中午可以考慮俾少D乾糧，要確保佢夜晚會肚餓肯食罐頭。
鹿肉同雞肉比，對關節都差唔多，始終都係用緊肉唔係骨/筋之類，鹿肉好處係比較低敏。
如果對雞冇咩敏感問題，可以食返雞。

我一直都係乾糧+晚餐自己煮雞配好味小姐營養粉
想請教下 咁樣其實健唔健康定轉全濕糧好啲？

朝早未必煮到雞但貓貓好挑主食罐頭食 所有mousse質地一律唔食 鹿鴨雞罐又唔太食，淨係中意食Canagan 吞拿魚罐罐，但吞拿魚好似重口味所以唔敢日日比，所以想問下意見

蟹撚左

好睇隻貓本身，所有罐頭第一次試一律買1-2罐就算。

自己煮其實唔清楚實際每種營養成份/水份係幾多，所以都好難講有冇健康D，只可以話成本平D，安全同埋材料新鮮。
我自己就方便D選擇罐頭算。
或者你一次過煮定多D擺雪櫃，食既時候先整暖返，無謂因爲呢樣嘢增加咗壓力，食慣咗第時唔方便蒸時都幾麻煩。

想問吓Hill’s kitten雞罐好唔好？
兩隻衰仔食厭晒k9同ziwi，想搵隻健康嘅替代品
價錢無所謂，佢哋健康就得

成份幾好冇問題，只係水份偏多所以CP值冇咁高，同埋冇咁飽肚。
對比汪喵75%水份，佢就85%。

唔好 如非醫生建議有必要，否則我個人都唔太建議RC同Hill’s。你可以望下D成份有幾多碳水化合物，貓唔係雜食性動物。
搵D成份簡單D既主食罐啦。

佢哋偏偏好鍾意食呢隻 好快清晒碗
Given that試過好多罐佢哋都唔係特別鍾意 唉
另外想問吓food chain呢隻包裝濕糧好唔好？
我見佢話係生骨肉主食包
唧出嚟又幾方便

汪喵其實重唔重味精

首先天然味精唔係唔健康既嘢，主要係睇納含量。
AAFCO指引最少0.2%納含量，0.2%-0.4%都係屬於正常範圍，汪喵約0.28%，冇特別高。

英短九個月大，之前爛便同屙血，轉左毛肉毛球鮮食糧同Ziwi鹿肉好返
但食咗一個月後，突然連續嘔Ziwi鹿肉糧，好似消化唔到咁，唔知係咩原因呢？

依家醫生要佢轉Hill’s W/D糧，你覺得OK嗎？
好驚會令佢變返血便，暫時我繼續主力俾鮮食，停咗Ziwi鹿肉，俾少少w/d 佢試吓先😅

VIIM 貓糧有無人試過，好唔好

既然佢唔舒服就處理咗眼前問題先，食住W/D罐等好返再轉返正常罐頭，腸胃唔舒服而家轉再健康既食物都一樣嘔出黎可能。
雖然鹿肉算係低敏肉類，但係都唔排除有可能你隻貓對佢敏感。
或者你可以試下鹿肉放少量多餐，睇下係咪真係適應唔到。
另外都有可能食太急而唔舒服嘔返出黎，我隻貓次次食太急就轉頭成罐嘔曬落地下。
不過如果嘔出黎既係未消化既食物，又唔洗太擔心既，除非頻率真係好高。

有冇人會比依隻佢哋食佢哋以前細細個食依隻，之後轉左汪貓，食咗一排佢哋就唔食，買過其他罐罐佢哋又係唔食，餵咗兩個月乾糧，諗住再俾佢哋食返汪貓會食，都係唔食，今日一買返依隻之後極速清哂

首先我見到產地中國就…大家明啦
成份的話有米同木薯，不過多數乾糧都有類似既碳水化合物幫助成形，唔係大問題。
營養成份方面，粗纖維去到成9%，一般係1-3%，容易消化不良同腹瀉。
雖然話係主食糧，但係冇寫符合AAFCO應該標準。
佢話「取得SGS安全認證及QPP獸醫評估證書」，但係前者係講食物安全，後者認受性不及AAFCO國際標準，所以究竟係咪真係咁適合長期食用要打個問號。
其他都屬於正常範圍。

偉嘉出品
佢肉類同海鮮冇寫清楚有咩肉，用個乜乜”等”。第三原材料係穀物，第四個原材料已經係調味料。加上88%水份，其實60g食曬都唔夠飽，三包dry content加埋先等於人地一個80G罐頭。
雖然話補充水份好緊要，但係最基本既蛋白質脂肪卡路里都要夠㗎。

建議唔好比肉乾
油分太高
你可以試下用ziwi steam dry 對1,2歲貓好d
我自己maine coon就早晚80g雞
乾就用k9+ziwi steqm dry
希望幫到你

近排領養英短買咗royal canin乾糧俾會食
呢隻會唔會有冇問題

ziwi鹿風乾肉冇問題呀，得23%油脂，正常範圍15%-30%。
仲低過steam dry雞肉既28%。