就要有同屋企人割席嘅心
見到樓主仲係會繼續畀錢屋企
就知道佢係孝順嘅兒女
但係有時都要畀父母知道自己唔係一定老奉要畀錢
同埋你先係決定自己人生嘅主
去到呢個位就要決定好你同屋企人關係嘅定位
真係接受唔到同屋企人同住，就睇下自己接唔接受到依家搬出嚟嘅成本同風險，衡量完之後再作下一步嘅部署，諗一個可行嘅方法係自己接受到。
同埋大學嘅時間好寶貴，要諗點樣去運用呢啲有限嘅時間，去投資係人脈、事業、學業身上，遇到機會，爭取接觸，有時候你唔會知道依家嘅努力會換到咩，但總會有回報。
當你累積到一定嘅能力同底氣，你會知道屋企人影響唔到你啲咩。
加油！
利申：曾經自己讀緊大學都諗住搬出去，個陣計曬GrantLoan同大學Funding一年可以賺幾多，Parttime搵幾多，畢業夠數就離開香港。最尾都係冇走到（成本同風險太大
），但就搬左出嚟一個人住，依家叫做減少左屋企人對我嘅影響，維持住我健康嘅心靈
