讀緊書 每個月返10幾日pt
屋企人要求每個月比$3000佢哋
話係幫我儲起嚟交學費
如果唔夠錢洗嘅話睇佢哋心情比
就算要俾都會鬧一餐 哦好耐
同埋會叫我唔好出去食飯唔好玩
係咁話而家經濟唔好
叫到我一蚊都唔好洗咁
仲會叫我開銀行app俾佢哋check洗幾多錢同埋出幾多糧
之前試過企硬唔俾 借學貸
已經俾人摙頸郁手郁腳
又話唔俾錢嘅話唔好用屋企嘅任何嘢
唔俾我沖涼瞓覺
凌晨都會一直喺度嘈
真係唔知點算
見着啲同學可以自己儲錢去旅行
屋企人俾晒學費又俾零用錢
自己仲讀緊書 就已經比屋企人當係應份要返工俾錢佢哋
仲話之後出嚟返工每個月比一萬蚊家用佢哋
仲話俾一萬蚊家用係幫我哋儲喺到時幫我買樓
但係其實我只係想盡快離開佢哋
唔想同佢哋有任何錢銀瓜葛又要搵嚟搵去
喺佢眼中青春呢個階段好似直接pass咗
一有少少搵錢能力就要係咁貢獻俾屋企
佢又成日都話大家搵嘅錢係屋企 唔好話係自己嘅錢
Cls
明明大家都水火不容係都要搵啲嘢嚟綁住人