【歷史PO】從波斯到伊朗

SuiYuMoa

64 回覆
33 Like 4 Dislike
執頭執尾 2025-06-29 23:58:42
【歷史之筏】藍絲親戚話中國人先有得收利是,我share呢篇文畀佢,佢之後唔睬我
https://lih.kg/2394936
雪糕爆谷 2025-06-30 00:23:03

伊朗亡國,復興波斯
我都係波斯人呀屌
雪糕爆谷 2025-06-30 00:24:10
馬其頓後無波斯?
要叫咩名好 2025-06-30 07:16:18
不會吧
SuiYuMoa 2025-06-30 10:28:12
波斯時間綫快過桂枝300年左右。
林秀貞 2025-06-30 10:43:16
薩珊之後無波斯
SuiYuMoa 2025-06-30 12:18:45
祅教喺阿朝皇帝支持下,喺公元前5世紀成為事實上嘅國教,傳播到帝國各個角落。

坎二世繼續拓展波斯版圖,攻入另一老牌帝國埃及,昔蘭尼(希臘喺北非嘅殖民地)同利比亞都自願臣服。

據阿朝正史所載,坎二世因為窮兵乜武不得人心,公元前522遠征埃及時老巢發生內亂,喺回程途中不明不白死去。政變由一個祅教祭司高馬塔發動,佢自稱係坎二世胞弟巴爾迪亞,叛亂最後被大流士一世聯合其他貴族所平定。



大一世自稱中山靖王之後,係居二世堂細佬個姑媽個妹夫個契仔,因此有王位繼承資格。由於佢嘅身世喺族譜(果碌柱)中未有提及,因此被後世史學家(樓)稱為大流4。

高馬塔(巴爾迪亞)好快就俾大一世所擊殺,大一世仲屌埋居二世個女。條仆街從細已經古𠹌惑惑,居二世生前已經覺得佢好25。喺坎二世出征埃及時,佢亦作為侍衛從行

由於佢身世可疑,各路人馬紛紛起兵反佢,大一世雖然手無重兵,但因為各路反軍互不協調,最後被逐個擊破。

根據後世歷史學家(非樓豬)所推理,高馬塔好可能眞係巴爾迪亞,但史書係由勝者所書,大一世條𨶙屌就係咁空手套白狼套咗個帝國返嚟。

SuiYuMoa 2025-07-03 00:20:00
大一世為阿朝同波斯帝國體系嘅奠基者,佢將全國劃分為20個省,明文確定各省嘅貢賦數目,統一貨幣同度量衡。佢又為波斯建立第一支海軍,而大一世最有遠見嘅政策係建立一個覆蓋整個帝國嘅交通網,令軍隊可以暢通無阻。後世以其豐功偉績,尊其為阿流土大帝。



內部叛亂平定後,大一世開始拓展帝國疆域,目標係一路向西,打到去歐洲大陸,令波斯人遇到生平首個勁敵。波希兩族雖然拜同一個太公,但互相視對方為生番,野蠻人barbarian嘅詞源據說就係諷刺波斯人講嘢barbar聲,喺希臘人嘅文獻中,波斯人只係滿身銅臭肚滿腸肥嘅獨裁者。



但受惠於釋放巴比倫之囚,大一世同佢嘅繼任人都得到猶太人歌頌,視佢哋為明君。



終於喺公元前490年,雙方為咗爭奪希臘半島上嘅愛奧尼亞,爆發咗馬拉松戰役。

要叫咩名好 2025-07-05 01:40:32
黎啦繼續等緊你 2025-07-05 16:31:51
SuiYuMoa 2025-07-06 22:34:25
🈚️錯‼️渣馬嘅由來就係馬拉松戰爭‼️傳說有個希臘步兵為咗傳遞消息跑咗10萬8千里最後仲死9埋,後世為紀念佢於是爬龍舟慶祝。



愛奧尼亞位於今日土耳其,當時有12個城邦,自公元前547年成為波斯殖民地。帝國任用當地人為特首,愛奧尼亞嘅上弦一米利都當時係由阿里斯塔格拉斯做超哥,野心勃勃嘅佢一直想為阿爺做嘢立功。

公元前5世紀愛琴海上嘅納克索斯島係一個近似香港嘅富裕島嶼,而未被波斯所征服。當時有啲富豪因為比政府割韮菜,於是流亡到米利都城邦。佢哋懇求阿清幫拖,於是阿清就揾中聯辦求助,成功說服波斯政府派兵,但可惜戰敗。

阿超領功唔成仲搞到欠下波斯大筆軍費,把心一橫化身阿偉。佢喺公元前499年成功煽動愛奧尼亞12城邦其中4個(尸兄、tiger 、大表哥、ak)幫拖,另外兩個希臘城邦雅典和同埃雷特里亞亦都派出艦隊支援。

但因為各邦軍隊雖然同文同種,但就缺乏統一訓練同配合,加上封建武士離開本土就如魚失水,發揮受到影響。最終喺前493年,波斯帝國軍成功止暴制亂,由治及興

大一世喺平亂後決定主動出擊,誓言要向雅典報戰爭中神廟被焚之仇,而雅典城前僭主之囝希庇亞斯就為佢充當帶路黨,希庇亞斯信誓旦旦話自己有好多人撐佢。由於畏懼帝國軍人多勢眾,雅典城內亦有好多鴿派主張同波斯議和。



前490年夏,波斯艦隊帶住大量士兵殺到埃雷特里亞。埃雷特里亞人向雅典、斯巴達同普拉蒂亞求援,但因為防守薄弱好快被攻陷。

波斯人好快殺到雅典城外,大戰喺城外嘅馬拉松平原爆發。波斯軍有成6萬幾人,而希臘人只有1萬。但因為平原地勢狹窄,限制咗波斯騎兵嘅機動性。熟悉地形嘅雅典軍喺泥濘地帶設伏,最終以少勝多擊敗波斯人。
黎啦繼續等緊你 2025-07-07 10:01:27
SuiYuMoa 2025-07-07 17:01:51
希臘人勝利原因除咗地利外,人嘅因素亦係關鍵。一來雅典人保家衛族士氣高昂,二來不同於中央集權嘅波斯,希臘人分為多個敵對嘅城邦,得閒就會切磋下,因為咁佢哋一直保持戰鬥力;而帝國嘅士兵只係各地拉伕而嚟嘅順民,無咩戰鬥經驗同意志。情況就好似秦漢面對匈奴,就算帝國一時憑資源優勢將蠻族壓下,總會遇到五胡入關一日。

封建武士以少戰多嘅戲碼不斷重演,要麼就佢哋以弱勝強好似馬拉松咁擊敗對手,要麼就俾狡詐嘅東方君主利用謀略同人海戰術挫敗,悲壯而死。大一世喺馬拉松戰役失敗後,本來想馬上重整旗鼓。但前486年埃及爆發嘅叛亂拖慢咗佢嘅進程,同時亦都拖垮咗佢嘅健康,佢無幾耐就死Q咗,留下帝國由嫡子薛西斯一世繼承。

薛西斯係大一世同居二世之女所出,喺大一世諸子中最為尊貴,其名字喺波斯語中意思為「戰士之王」,喺下一集!戰王就會繼承亡父遺志!再次攻打希臘!(未完待續)
黎啦繼續等緊你 2025-07-07 18:04:57
未完待續係咪即係呢個post 要完?
回首向來蕭瑟處 2025-07-07 18:06:48
波斯真係有啲慘 俾班阿拉伯佬亡完國仲要俾人強迫變包頭佬
亡到依家都要搵d阿拉伯佬做最高領袖

對比返中國都算好彩 最多都係著下旗袍當傳統服飾
無俾清狗文化洗劫
黎啦繼續等緊你 2025-07-07 19:53:01
但係有文革
回首向來蕭瑟處 2025-07-07 20:26:45
文革本身個諗法係啱嘅 洗清返滿清遺害
如果唔係依家都仲有扎腳都似

不過俾老毛攞左嚟批鬥工具姐
老絲忽 2025-07-07 20:26:54
之前啲人重話搵返末代皇帝上去
係搵都去印度接正統返黎啦
黎啦繼續等緊你 2025-07-07 20:35:59
咁又極端左少少,至少留返D文物後世有得睇有得學有得吸引人過黎,唔係下下都遺害既
回首向來蕭瑟處 2025-07-07 22:51:03
所以咪話個形式係好撚粗暴
但係個 concept係啱嘅
黎啦繼續等緊你 2025-07-07 22:54:19
咁過濾到個concept 做「攞走唔好既野,留低好既野」,我又同意既
回首向來蕭瑟處 2025-07-07 22:57:03
文化上梗係應該去印度搵返d 帕西人返嚟復興拜火教
但係伊斯蘭已經根深蒂固
佢又自居什葉派大哥
其實我覺得佢好進退失據 兩邊都自完其說唔到
回首向來蕭瑟處 2025-07-07 23:04:16
樓豬去咗邊
椒鹽蝦米 2025-07-08 00:19:49
強貼留名
椒鹽蝦米 2025-07-08 00:41:30
60年代仲有地主有錢佬大小姐中軸鄉紳咩?
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞