先旨聲明，這是一個正經ＰＯ。
卡扎爾王朝一路都在波斯地區做沙阿（意思係王中王，近似天可汗稱謂），統治了很多（133）年，已經是senior。點知有日（1921年2月21日）有個叫禮薩·巴列維嘅軍事強人，發動政變推翻咗佢。25年10月31日，末代沙阿艾哈邁德被正式罷免，巴列維王朝成立。禮清又喺36年將國號改成伊朗意思係雅利安人之家。
鬍鬚囝喺歐洲搞到雅利安成為禁語，但係喺波斯人心目中尊貴無比，而伊朗波斯就好似中華同漢族一樣可互相替換不違和。源於烏克蘭嘅游牧民族雅利安人分成三支，分別去咗中亞，歐洲同食蕉。中亞一支喺公元前約2000年移入伊朗。根據在伊朗發現的一些來自阿契美尼德王朝時代的楔形文字，證明波斯一詞的當地用語在王朝建立時已用以指稱伊朗。
雅利安人大洪水結束咗舊世界，三大分支分別走向歐陸，南亞同中東。當中以中東一系最為核心，因為佢哋進駐嘅，係最古老嘅第一代文明 — — 肥沃新月地帶。
但富貴往往係雙刃劍，好多人中完六合彩反而破產。征服巴比倫後嘅伊朗人難以抵受誘惑，好似滿州人入關後慢慢地漢化成自己嘅降虜，逐漸不如東西兩側同儕。
如果話蒙古人係馬上民族，阿拉伯人係的士民族，咁雅利安人一定係屬
。佢哋嘅神譜同好多重要詞彙都同牛有關，牛崇拜喺印度分支保存得最為完整。雅安利人嚟到伊朗高原後建立咗米底王國，以近似周朝嘅封建制度統治。亦因而難逃下克上命運。公元前549年，米底末代國王阿斯提阿格斯被外孫居魯士二世推翻。
居二世，波斯部落世襲領袖，祖父居魯士一世，父親居1.5世。佢宣稱自己係古代王室阿契美尼德嘅後代，以此名建立王朝。佢喺懷念公公之後繼續東征西討，連老牌帝國巴比倫都被打敗，睇下佢塊嘢(版圖)幾𨶙柒大:
因為疆域廣闊，居二世採取宗教自由政策，佢入主巴比倫後選擇尊重返當年嘅神明，仲釋放咗一班叫猶太人嘅監躉，又發佈咗一碌圓柱體話係人權宣言。
居二世不是在打仗就是在打仗的路上，前522年，佢喺出征中亞嘅游牧部落馬薩革泰人時戰死。傳說馬薩革泰女王割下佢頭顱放進盛滿血嘅革囊，讓居魯士「飽飲經血」。
居二世死後，龐大嘅帝國就由兒子坎比塞斯二世繼承。
。
