不存在的國度-德涅斯特河沿岸共和國兩日一夜遊記

lm

你由頭睇多次師兄
我仲係摩爾多瓦

行左一個鐘夠鐘返車站等車，呢個車站有好多去唔同其他摩爾多瓦城市既巴士，而所謂既巴士其實係Benz 既廂型車入邊塞廿幾人，係前蘇聯國家好常見叫做Marshrutka

早知早少少到，成架車得返司機隔離個位同最後個排有一個位，眼見最後個排迫到仆街我都係坐司機隔離個位算數

但係坐坐下司機就同我講呢個位唔坐得，叫我去最後坐 屌迫到仆街

準時就開車(仲準時過英國啲巴士)
都滿哂坐但估唔到途中仲可以有人上車企

去個日陽光普照車外都有啲熱，莫講話廿個人迫係架無冷氣既小巴到，熱到仆街 話說車入邊竟然有另一個亞洲人，睇佢個樣都知係中國人黎，我同佢係車到無任何對話，不過之後到步後有交流，慢慢再講

經過1個鐘多啲既車程開始見到有路障，見到全套武裝包哂樣既軍人手臂有俄羅斯國旗，開始feel到好真實，個心開始有啲怯，畢竟我手攞住既係BNO護照，近期關係咁緊張會唔會留難我呢？車慢慢繼續駛去邊境終於到關口，全車人要落車過關，我見到坐我隔離既少女係攞住烏克蘭護照準備落車


小資訊 - 德左既人主要係攞三種國際認可既護照包括摩爾多瓦、烏克蘭同埋俄羅斯，另外仲有好多係無國籍人士，但當然佢地全部都係所謂既「德左公民」啦

見樓主同當地人交流到
係佢哋識英文？
定樓主識俄文？

99%人唔識英文
我就識啲俄文單字
同埋世界同通既身體語言大概都知佢地想講咩

懷住緊張既心情就排隊過關，結果關員淨係用英文問我留幾耐，住係邊，叫我俾住宿地址佢，搞左幾分鐘到就俾張入境紙我，過程十分順利，但揸住BNO既我既國藉就變左愛爾蘭


估唔到關口竟然會有俾遊客既小冊子，而且印刷精美，證明的確有一定數量既遊客，不過重點應該係為左營造自己係「正常國家」既感覺


過完關就上返車，因為我岩岩坐最後個排所以差唔多最後先上返車，所以無位坐，好彩過左關之後20分鐘到就到Tiraspol 市區，個中國人早我兩個站落左車，而我就去到總站先落車，即係Tiraspol 火車站

我最後落車個司機知我係遊客仲好好咁同我講記得尾班車時間，我同佢講聽日先走，佢話聽日尾班車都係同樣時間

Tiraspol火車站係典型蘇式既火車站建築，烏俄戰爭之前每日都有火車經呢度去烏克蘭各大城市，而最近既就係奧德薩，但俄羅斯正式入侵烏克蘭之後就停止服務，而呢個車站都變左半荒廢狀態

點解我話半荒廢因為上邊張圖左邊你地見到少少既一個counter唔知點解有開，但明明已經無火車服務