要去呢個「國家」而家有兩個方法，一就係由摩爾多瓦坐巴士去，二就係烏克蘭坐巴士去，咁我當然取易不取難由摩爾多瓦入去啦
由英國Luton機場收工飛去
夜晚22:10飛機個仲有啲光
同機坐我隔離係一個27歲去英國做左三年野既摩爾多瓦男人
一坐低就問我叫咩名同埋係邊度人
我一講香港之後佢就問我地同中國關係係咪唔好
佢完全知道哂香港、英國同埋中國既關係
但有一個位我要更正佢既係佢以前成個香港都租借左俾英國99年，其實係界限街以南係永久割讓，佢連2019既都知道得7788，結果明明打算上機大訓教變左同佢傾左足兩個半鐘計。
由香港傾到烏克蘭俄羅斯、摩爾多瓦入歐到「德涅斯特河沿岸共和國」下稱「德左」，原來佢都有親戚係德左居住，而有摩爾多瓦護照既德左居民有部分竟然係之前既入歐投票入邊投入歐盟，令我有啲驚訝，不過佢話好簡單，就係人始終要向錢看。
講下講下就兩個半鐘落地，而降落之後全機當然依照蘇聯傳統就係全機拍手掌。
過關既時候個男人問我有無cash，塞左20蚊當地貨幣俾我話夠搭巴士出市區，咁我就好多謝佢之後就簡單講聲再見
摩爾多瓦首都基希訥烏（Chişinău）既巴士都係好傳統有個人係車到賣飛，6蚊就夠我出到市區，真係多謝佢俾左20蚊cash我出到市區先換錢
好蘇聯式既地標令我即刻有種興奮既感覺
有無巴打勇者敢挑戰？
咁真係永遠唔會收復
？
