[七月新番] 章魚嗶的原罪

個尾其實完得幾爛

我覺得由希望之光一下轉成絕望深淵
個種反差好正，動畫仲要有音樂加成

但其實真係似作者為咗出個 good end 而夾硬咁樣埋，等個故事唔好咁絕望。

無錯，兩位女主本身背景有相似嘅地方，都係破碎家庭，確係有成為好友嘅potential，但呢個potential只會係出現喺欺凌事件發生之前。

先講黃毛角度，佢本身就係欺凌事件嘅發起者，因為佢覺得黑毛搞到自己家庭破碎而遷怒於黑毛，所以就算佢知道黑毛嘅屋企生活都係唔如意，佢都只會覺得對方抵死，而未必會同情對方。

再者佢對黃毛嘅欺凌唔係一對一，而係聯群結黨對黑毛嘅集體欺凌，喺呢啲情況，佢對黑毛停止/收斂欺凌行為有可能，但180度反轉同黑毛做frd就唔多現實，因為有可能喺自身朋友圈做成反彈。如果當中又有其他會主動欺凌黑毛嘅朋黨，黃毛咁做隨時自己都變埋被欺凌對象。再者黃毛自己都有朋友，亦冇一定要同黑毛做frd嘅必要。

至於從黑毛角度，佢第一次笑，就係章魚用相機扑死咗黃毛時，亦講明希望黃毛消失，所以佢對黃毛嘅恨意一早已經因為欺凌事件而入晒骨。當然喺最後一次輪迴，隻狗狗仲未畀黃毛整走，仇恨值應該未拉到滿瀉，但喺恨意高企下接受黃毛做frd嘅機會其實相當低。除非你話佢斯德哥爾摩症候群發作嘅啫，否則欺凌受害者點會肯同加害者做frd，極其量都只會原諒佢嘅惡行，但就唔再來往。

話因為發現對方都有關於章魚嘅模糊記憶，而突然同理到對方而frd到，情況就似發現對方同自己都中意chiikawa/hello kitty咁而發展出友誼囉。喺互不相識情況下好有可能，但喺互相仇恨嘅背景關係底下，就真係唔多合邏輯。

睇到章魚p 心智慢慢成長
少少強行happy end都唔錯

人地個星球無仇恨無暴力 大力啲摸下人都唔會
你一返黎屋企就話我要殺人
唔洗你腦既話 你將暴力傳比成個星球咪大撚獲
我覺得老母完全無做錯喎
你遙遠地球啲細路幾癡線關佢地鬼事咩

我反而掉翻轉咁睇
冇章魚（章魚死咗）嘅世界先至更貼近現實、合理
片中都講，一個人就算壞，唔會壞到底，佢都會有好嘅一面
正正因為咁個ending 茉莉奈先至去到某一刻會收手唔打

之前三個人嘅故事線
所有細路完全唔識反抗
個情緒一負面就只會一直低沉落去
蠢嘅會蠢到底，惡嘅只會惡到底

但現實你只要有一點點人性、道德覺醒，你就會有彎轉
章魚就係represent追尋理解嘅人性，而每個人心中都有隻章魚喺度

係咪黃毛繼續死，呀靜繼續黑化，入埋兒童院先係good end
佢哋都係比章魚陪過既人，知道有人陪先係過得比較好，果啲咩新仇舊恨放低佢咪即係放過自己

作者整個good end出嚟係為咗講對小朋友溝通、了解、陪伴就會有好事，咁如果bad end仲點帶出到正面訊息

有冇大佬答到:
1. 章魚p違反咗咩Happy星守則
2. 究竟係細佬定吖哥自首, 如果係細佬點解佢仲可以周圍走, 不過佢都話唔會再見靜

性欲推使都會屌黑毛

咁就完 咁撚無聊

套野講原罪就係嗰啲改變唔到既不幸，但有更多悲慘結局係因為人俾感性主導思想偏執，將問題愈推愈激烈，回頭一諗發覺好多野其實都好無謂

所以佢最尾就係好理想地表達，啲悲劇根本唔應該發生，啲憎恨同偏見本身就毫無意義，但凡各方思想改變少少就唔洗去到咁

呢個唔係個人喜好good end 同 bad end 嘅問題啦，而係講緊故事合理性嘅問題

如果要帶出小朋友要「溝通、了解、陪伴」嘅message，其實黑毛用石暴打章魚同嗰時佢地之間嘅對話，已經帶晒出嚟，亦都相當感人（當然呢點要畀返credit兩位聲優，上田同間宮）。如果章魚唔做最後一次輪迴，喺已經成長嘅章魚陪伴下，黑毛應該唔會再黑化落去，黑毛亦講明唔想佢走，明顯章魚嗰一刻已經係黑毛嘅心靈支柱。呢個位章魚仲堅持走，反而係違反咗「溝通、了解、陪伴」呢個重點，我覺得章魚算係再一次做錯嘢。喺章魚再犯錯嘅前提下，其實係唔應該迎來good end。

章魚嘅做法順粹係賭一次輪迴會有好結果，但自己冇得再參與，其實同祈禱冇乜分別。而再輪迴一次，班大人對班細路嘅處理方式有冇改善，去「溝通、了解、陪伴」班細路？起碼黃毛老母應該冇，其他就好似冇交代。喺大人都冇改善嘅情況下，都迎來good end又點帶出到「溝通、了解、陪伴」嘅重要呢？所以咁樣夾硬砌個good end出嚟，其實有啲突兀，亦都帶唔到感動畀我，有啲畫蛇添足嘅感覺。

第六集又估唔到佢變返咁普通嘅結局 1-5集啲嘢一嘢冇晒

唔係想個故事咁黑暗
只係想和解都和解得合理啲
而家好似好求其就無事咁 好突然既感覺
無咗溝通既過程

土星兔子原子筆係臨尾帶嚟好大嘅餘韻

如果你接受有平行世界時間線的話, 其實bi咁樣自爆都係罪, 呢條時間線既靜再一次失去同伴而傷心, 而家只係俾個好既 if ending 大家, 話兩個女仔可以和平共處, 我想問東哥話最後一次見 bi 之後去左邊?

呢隻公仔筆有咩寓意??

但臨尾又要補句咩想溝通假惺惺
根本一唔合佢意就直接用強硬手段去洗腦

成件事就好似d怪獸家長「我咁做係為你好」

快樂道具之一

好似章魚嗶其中一個濕鳩道具就係呢隻野

呢幕兩個不約而同講土星兔子
即係佢地隱約記得曾經同過章魚嗶相遇既記憶
所以先造就呢一個結局

強行good end

表面冇咩用嘅嘢，估唔到最後都可以成為幫到佢哋兩個嘅快樂道具

係
如果係單一時間線嘅話都仲算係咁
但係如果係平行宇宙嘅話留低靜自己一個嘅世界線就真係好sad

就係驚啲人蠢
會唔明點解新時間線未遇過章魚嗶都有GOOD END
不斷提醒其實佢地係有同章魚嗶既零碎記憶