陳朗昇康體通帳戶無法訂場 康文署：不評論個別個案

前記協主席陳朗昇日前在社交媒體發文，指無法透過「SmartPLAY 康體通」預訂球場，曾致電康文署查詢，「調查」至今兩個月仍未有回覆。康文署回覆《獨媒》表示，不評論個別個案。陳朗昇向《獨媒》表示，康文署的回應「精彩」，認為自己被列入黑名單：「都幾明顯㗎喇，我當咗係。」他坦言感到不開心，「帶來生活上好大不便又不是嘅，但原則上咁樣剝奪一個人租場自由，係咪可以咁樣呀？」

https://www.inmediahk.net/node/%E6%94%BF%E7%B6%93/%E9%99%B3%E6%9C%97%E6%98%87%E5%BA%B7%E9%AB%94%E9%80%9A%E5%B8%B3%E6%88%B6%E7%84%A1%E6%B3%95%E8%A8%82%E5%A0%B4-%E5%BA%B7%E6%96%87%E7%BD%B2%EF%BC%9A%E4%B8%8D%E8%A9%95%E8%AB%96%E5%80%8B%E5%88%A5%E5%80%8B%E6%A1%88

陳朗昇於上週五（6月20日）在社交媒體 Facebook 上載一條影片，顯示其帳戶無法透過「康體通」預訂球場，指：「就算係執雞嘅場，冇人用嘅場我都 book 唔到。」片中顯示即使球場列出有可租用時段，他按預訂後會顯示「網上輪候中」，但最後會彈出「無法提供」。陳朗昇在影片中稱，預訂球場只打算作「私人活動」，「同一啲我認識嘅小朋友去踢波」，曾致電康體通查詢，惟「調查」至今兩個月仍未有回覆。

陳朗昇向《獨媒》講述事情經過，他指個人一直擁有「康體通」帳號，但過去一段時間未有使用，至近期失業，望租場用作「私人活動」，不過就發現未能成功租場。他及後曾致電「康體通」查詢，當時職員指：「無理由㗎喎，除非成日 book 咗無嚟，先會黑名單。」職員表示會「調查」跟進，惟相隔約兩個月仍未有消息，遂再次致電查詢，職員再次表示：「調查緊㗎喇，調查緊㗎喇，我哋有結果覆你啦。」

陳朗昇提到，「康體通」職員從未有主動回覆「調查」進度：「真係好離譜依家香港地。你話調查其實有幾難查呀？打開個 account 望一望就見到啦！15分鐘嘅事，得就得，唔得咪失德囉。」陳認為如職員無法處理，應直接表明：「好話唔好聽，你要講，咁你咪話囉：『有啲人係處理唔到，詳情你問返康文署啦。』咁最起碼我知擺咗落黑名單。」

對於康文署表示不評論個別個案，陳朗昇指回應「精彩」：「佢無否認係黑名單」、「都幾明顯㗎喇，我當咗係。」他坦言對事件感到不開心，「咁樣嘅事都會發生」，「啫係咩事啫，大家都係香港人，我宜家又唔係做乜……都估到嘅，你驚我 book 個足球場踢記協盃嘛，你咁擔心咪嚟監視住囉。」他自覺被康文署針對：「帶來生活上好大不便又不是嘅，但原則上咁樣剝奪一個人租場自由，係咪可以咁樣呀？」

其實都應該預咗㗎la

終身剝奪政治權利

唔單止政治權利啦
我諗佢會嚟考個車牌都有難度
所以牽涉政府嘅嘢都冇㗎喇佢

根本轉左smartplay之後book場仲麻煩左

即場租用得唔得

政府好小學雞

係生存權利

有餐廳請佢做嘢嘅 應該會畀人釘牌
真係大把方法孤立你

信用評級0

lan 嫂又做到野

香港已經行緊社會信用制度，唔出奇

踢波都係軟對抗

同伊朗差不多了

mark低做左D 乜

除左 respect 同 salute. 又做到d 咩 。走吧啦 。一間比人屈 。坐幾年仲無謂

港版剝奪政治權利？

等陣如果有急事，公立醫院都唔睇你

佢選擇留低都預左架啦
淨係邪骨牙姐做佢生意架咋

是咪可以交少d稅

唔係政治
直頭係政府服務權利