每消滅一隻怪獸，我條女對波就大一個cup！

（故事純屬虛構，如有雷同，實屬巧合）


係男人都鍾意大波，但唔係每個男人都可以搵到大波妹做老婆或者女朋友。

尤其係喺香港呢個地方，要識到大波妹（E cup或以上）更加係可遇不可求。

我女朋友Yanny就係一個典型嘅90後平胸港女。

我地兩個從中學嗰陣開始拍拖，到依家已經一齊咗十年。

當初大家喺埋一齊嘅時候，年紀只有16歲，當其時Yanny嘅上圍只係得A cup。

年少嘅我以為「波」呢樣嘢係會隨住時間而慢慢變大，點不知經過咗十年時間嘅成長，Yanny個心口並無變大到，依然都係得A cup。

但如果唔講身材，淨係講樣嘅話，Yanny絕對稱得上係一個靚女。

佢五官精緻，輪廓分明，三七面更神似後生時期嘅鄧麗欣（當然心口都好似）。

除此之外，佢仲有一對又白又滑嘅42吋長腿，再加上平時佢有練開瑜伽，練到個屎忽幾firm幾有彈性，假如有埋波嘅話，咁就真係100分完美。

只不過Yanny已經過咗發育時期，若然佢想由「飛機場」變成大波妹，最直接同最快嘅方法就係隆胸。

問題係做手術點都會有風險，兼且價錢亦都唔平，最重要係隆出嚟嘅假波，手感一定無真嘅咁好。

因此站喺我同Yanny嘅立場，都覺得隆胸唔係一個好嘅選擇。

於是我另外搵其他方法幫佢豐胸，例如定時定候幫佢個胸按摩、制定豐胸食譜、仲有每個禮拜同佢一齊做健胸操等等。

可惜呢啲方法一直都未見成效，Yanny個胸依然波平如鏡，未見有一點起伏。

所以我唯有參照古人嘅做法，暫時望梅（奶）止渴。

「朱大志！你條友仔又喺度𥄫女？」

「下？有咩？無呀！」

「仲扮嘢？我見住你望住嗰邊個大波妹，望到眼都唔眨！」

「Er…我…」

呢個問到我口啞啞嘅人，就係我親愛嘅女朋友Yanny。

我同佢呢刻正身處喺機場嘅巴士站。

我地啱啱去完日本旅行返嚟香港，落咗機出咗閘之後，就嚟到車站等車返出市區。

而就喺等等下車期間，我睄到附近有個大波妹豬，心口漲卜卜。

佢身上著住一件灰色吊帶背心，對波大到好似攝咗兩個木瓜喺件衫入面咁。

我雙眼完全俾嗰對「車頭燈」吸引，忍唔住去偷望，結果一個唔小心就俾Yanny發現咗。

「朱大志！」Yanny突然間又大嗌我個名。

但我已經無𥄫女，因為嗰個大波妹啱啱上咗巴士走咗。

我望一望Yanny，見佢神色慌張咁指住個天。

「你…你快啲望下個天！」

我岳高頭向上一望，之後嚇咗一跳。

嘩！好大隻怪物呀！

終於等到你痴線故！！！

Lm

你咪撚玩到個波大到落膝頭就得

未睇先 bookmark + 正皮

大還大，太大食唔落😂

未睇先留言
咁如果係貧乳控
咁咪要忍手唔殺怪

我見到個天穿咗個好大嘅窿，然後有一隻體積巨型嘅螳螂，穿過個窿，出現喺天上面。

我嚇到呆咗，心諗唔係眼花下話？

接住下一秒，隻螳螂從天空急速降落到地面，「砰」一聲一下泰山壓頂，即場砸爆咗一架準備埋站嘅巴士。

成架車連埋個司機當堂被砸到變「柿餅」，車身零件同碎片飛散一地。

見到咁嘅畫面，在場所有人個個都嚇到we嘩鬼叫，走夾唔抖。

我同Yanny亦都第一時間揼低所有行李，手拖住手，轉身逃跑。

其實幾日前我地喺日本旅行嗰陣，喺網上面已經見過一啲傳言，話香港有地方出現咗怪獸，甚至有人拍片擺咗上網。

當時我仲以為係啲AI合成片，以為係流料，點估唔到原來係堅嘢！

嘭唥！！！

隻螳螂佔據喺馬路中間，揮舞住巨大嘅手刀肆意破壞，隨手一嘢就劈穿咗機場巴士站嘅上蓋。

我同Yanny跑跑下，見到頭頂有好大塊假天花冧緊落嚟，於是即刻停低兼向後退。

但喺後退嘅過程中，我地唔小心互相kick親大家隻腳，搞到我地兩個人一齊向後仆低。

跌低之後我無咩事，不過Yanny就好似撼親後尾枕，成個人暈咗。

「Yanny！你無事呀嘛？醒下啦！」

我拍一拍佢塊面，嘗試嗌醒佢，但對方完全無反應。

眼見隻怪物就嚟殺到埋身，危急之下，我雙手抱起Yanny，帶住佢一齊逃跑。

呢一刻，巴士站內非常混亂，大家你推我撞，爭相逃跑。

然而就喺呢個人人自危嘅時刻，突然出現咗一班人。

一班著住黑色盔甲、揸住刀槍嘅裝甲人。

啊！！！！！！！

佢地一邊大嗌，一邊挺身而出，衝過去攻擊隻怪物。

啊！！！！！！！

雖然雙方體型相差巨大，但係嗰班裝甲人卻毫不畏懼，勇往直前。

我唔知呢班人係何方神聖，我淨係知依家我要做嘅係有咁遠跑咁遠。

我抱住Yanny一路向前跑，大約跑咗百幾二百米，我發現左手邊轉角有個暗角位。

佢個位置睇落都幾隱蔽，加上同隻怪物相隔一段距離，應該都算安全，於是我就抱住Yanny匿入去暫避。

行到入去，我將Yanny慢慢放落地下，然後再嘗試叫醒佢，但係對方依然都係不省人事。

喺咁嘅環境之下，我都做唔到啲乜咩，只能靜靜咁等佢醒返。

𡁻𡁻𡁻！砰砰砰砰！鏘鏘鏘！

匿喺暗角嘅我，遙遠咁望住嗰班裝甲人同隻巨型螳螂激烈戰鬥。

我心諗究竟發生咩事？點解香港無端白事會出現怪獸？

「Hello！」

我個心啱啱先定返少少，點知突然間有個人無啦啦喺後面拍我膊頭，搞到我又嚇咗一跳。

擰轉面，我見到一個白色爆炸頭，睇落好似科學怪人咁款嘅老伯。

佢身上笠住一件白色嘅風褸，件衫嘅左上角印有「森立製藥」四個字，而喺佢手上就拎住一部iPad同一沓傳單。

「阿伯，咩事呀？」

「唔好叫我『阿伯』，我個名叫做『晴天博士』，我係一名科學家。」

個阿伯先自我介紹，然後伸手遞咗一張傳單俾我：「後生仔，你有無興趣加入我地成為『升cup戰士』？」

Hello

留名

幾大先算太大

留名等睇今次樓豬啲故痴到去咩地步

樓主啲故個個都咁cls

留名

我最愛嘅佐治返嚟啦

今日出多幾篇得唔得

「升cup戰士？咩嚟架？」

我望一望張傳單，見到上面印有幾個大波妹嘅泳衣相，同埋有一句用粗體大字寫住嘅宣傳標語：

想由『飛機場』變成『巨乳娘』？咁就立即加入成為升cup戰士啦！

「唓~我又唔係女人，升cup關我咩事？」我塞返張傳單俾對方。

「你無需要啫，或者你女朋友有需要呢？」

晴天博士睄一睄昏迷咗嘅Yanny，然後問我：「呢個暈咗嘅女仔係咪你女朋友？」

「係呀。」

「我睇佢心口平平無奇，估計佢嘅上圍應該只係得A cup，甚至係AA cup。」

「喂阿伯！你唔好借頭借路喺度𥄫我女朋友喎！」

「你千其唔好誤會，我並唔係有心𥄫你女朋友，我只係想問您，你想唔想你女朋友變成好似佢地咁樣嘅大波妹？」晴天博士指住印喺傳單上面嘅大波妹問我。

「想又點，唔想又點？」我反問對方。

「如果你想你女朋友變成大波妹嘅話，咁就去戰鬥啦！」

晴天博士離遠指住嗰隻被圍攻嘅巨型螳螂：「只要你打低嗰隻怪獸，咁就可以令你女朋友個胸大一個cup！」

「下？咩話？」

「唔怕話你知，隻怪獸體內有一粒我稱之為『紫石』嘅物體，喺紫石入面有一種特殊嘅礦物元素，假如將呢種元素抽取出嚟，再調製成豐胸丸，吞落肚之後，咁你女朋友個胸就會立即變大…」

「等等，你可唔可以講慢少少？你一輪嘴講咁快，我聽唔切。」

「簡單啲嚟講就係你去打敗隻怪獸，拎到粒『紫石』，跟住嗰粒紫石就可以令你女朋友個胸變大。」

「點樣變大法？」

「俾條片你睇下，咁你就明架啦。」

晴天博士打開手上部iPad，show咗段片俾我睇：「嗱，呢舊就係『紫石』，只要我用儀器抽取裡面嘅礦物元素出嚟，再喺人體入面吸收，唔使三秒，個胸就會二次發育。嗱嗱嗱，你見到啦，對波真係漲大咗架。」

條片入面嗰個人睇唔到樣，我淨係見到佢個胸慢慢由一座「山丘」變成一座「山峰」。

雖然我唔肯定佢個size係咪準確咁大咗一個cup，但的而且確佢個胸係變大咗。

「你呢條片同埋片入面嗰個人對波係咪堅架？唔會係嗰啲AI片下話？」我帶住幾分懷疑問對方。

「梗係真架啦！唔信你自己睇下！」晴天博士突然拉高身上件風褸，露個心口出嚟。

「嘩我屌！片入面嗰個人係你？」

對方胸前隆起嗰兩座「山峰」，同條片入面嘅一模一樣，睇到我眼都突埋。

「身為一個科學家，我本住求真嘅精神，親自示範，咁先可以令人信服架嘛。點呀？我呢個size ok嗎？想唔想揸下？」

「唔…唔使啦…」

「嚟啦，使乜怕醜，揸下啦！」晴天博士夾硬捉住我隻手，去摸佢對波。

試想象下，一個塊面皺曬皮、個樣好似科學怪人咁款嘅爆炸頭阿伯，心口有一對好似西柚咁上下大細嘅乳房，我腦入面除咗「驚嚇」之外，都諗唔到第二個形容詞。

我頂唔順打咗個冷震，拿拿臨擰歪面兼縮開手。

雖然只係摸咗一秒，感覺好核突，但有樣嘢不得不承認嘅係，條友對波好淋好軟熟，完全唔係嗰啲整容假波嘅硬膠質感。

留名

個個都勁好睇

博士好過癮

Live咗

打5隻怪獸好喇 大過F cup已經無晒美感

「覺得點呀？你想唔想你女朋友都好似我咁，擁有一對大得嚟又軟綿綿嘅波呢？」晴天博士問我。

「我…」

砰！！！

地下忽然間震咗一下，巴士站嗰邊傳嚟一聲巨響，打斷咗我嘅說話。

離遠望過去，嗰隻巨型螳螂喺被人圍攻之下，不停揮動兩隻手刀，猛力一鋤，直接鋤爆咗成條馬路。

成個巴士站連帶附近嘅建築物，統統都被隻怪物摧毀，化成一堆頹垣敗瓦。

雖然班裝甲人喺人數上面佔優，但係隻螳螂非常之頑強，不斷作出抵禦同還擊。

「大家之所以會戰鬥，同隻怪獸以死相搏，就係為咗得到嗰粒可以令女人對波變大嘅紫石？」我問晴天博士。

「無錯！佢地每一位都係英勇不屈、為夢想而戰嘅『升cup戰士』！」

「為夢想而戰嘅…升cup戰士？」

「你有無夢想？你鍾唔鍾意大波？你願唔願意好似佢地咁挺身而出，為巨乳而戰？」晴天博士一輪嘴咁追問我。

「但就算我打贏咗隻螳螂，咁我女朋友都係大一個cup啫，咁都未算係巨乳。」

「呢層你放心，怪獸並唔只得一隻，除咗呢隻螳螂之外，以後仲會有其他怪獸出現。總之消滅得越多怪獸，得到越多紫石，咁你女朋友對波就可以變得越大。」

「咁…咁啲怪獸又係咩來頭？」

「呢樣嘢遲啲先同你解釋，總之當務之急係要消滅咗眼前呢隻怪獸先。」

晴天博士伸隻手入去衫袋入面，拎出一隻黑色手環。

「呢個係變身器，佢採用咗最先進嘅納米粒子科技，只要你㩒一下中間粒掣，咁就會立即披上戰甲，變身成為『升cup戰士』，如果你想去戰鬥嘅話，咁就唔好猶豫，立即變身啦！」

一直以嚟，我嘅夢想就係希望Yanny變成大波妹，家陣眼前有個咁樣嘅機會，實在令我非常之心動。

開頭嗰陣我都講過，Yanny個樣有幾分似鄧麗欣，算係一個靚女，佢對腳又長又直，籮柚又大又趷，如果有埋波嘅話，咁就真係無得彈。

我吸一啖大氣，瞇埋眼，試幻想一下Yanny變成大波妹之後個樣：

豐滿軟熟、前凸後翹、瘦底大波、天使面孔魔鬼身材……

我一路幻想，個心就一路湧現出無比嘅勇氣。

就係憑住呢股勇氣，我下定決心要變身成為升cup戰士。

雖然係要同兇險嘅巨獸埋身肉搏，但呢個世界無嘢係不勞而獲，只要能夠令Yanny變成大波妹，就算上刀山落油鑊我都在所不辭。

於是，我戴上變身手環，決定去戰鬥。

推