國安法座談會 丁子朗:國安法重點就係愛國愛港 莊雅婷稱被中學老師諷刺「你成個人都大陸晒」感到非常心傷

政府昨日（6月21日）舉行公布實施《港區國安法》五周年論壇及兩場座談會，其中下午一節由律政司司長林定國、前奧運金牌得主江旻憓、藝人丁子朗及西貢區議員莊雅婷交流。江旻憓稱20年前曾到內地交流，獲安排優待。莊雅婷則稱考入北大後，被中學老師打量，諷刺稱「你成個人都大陸晒」，故一直想證明愛國沒有錯。

江旻憓座談會上分享指，20年前作為12歲的青年運動員到內地交流，當時運動員的食堂按成績分派到不同樓層進食，成績最好或頂尖運動員才能到3樓，享用最好的食物。她當時獲得優待，「一嚟直接俾我哋上3樓去食，咁我個陣覺得我都無攞呢啲，全國冠軍先可能先上到3樓去食，咁我哋因為中國香港嚟交流訓練，平時食得好好嘅，就會特別優待我哋食得好啲。」她因此非常珍惜機會，並好好練習代表香港。

江旻憓又提到曾在美國修讀國際關係，指美國人不太了解中國人，更發現自己亦如是，有感「既然代表中國香港，我一定要好好明白我哋身份，唔好失禮人。」她認為國家安全如同家庭，稱「家既感覺就係有呢種安全感，就算失禮人，家人都會覺得我最好。」

她提到即將舉辦的全運會，國內每個省市的運動員競爭激烈，相反香港代表不需要打外圍額便可獲得比賽資格，亦不用進行體能測試，令香港運動員獲得更多機會比賽進步。

https://www.inmediahk.net/node/%E6%94%BF%E7%B6%93/%E5%9C%8B%E5%AE%89%E6%B3%95%E4%BA%94%E5%91%A8%E5%B9%B4%E5%88%86%E4%BA%AB-%E6%B1%9F%E6%97%BB%E6%86%93%EF%BC%9A%E5%B9%B4%E5%B0%91%E5%88%B0%E5%85%A7%E5%9C%B0%E4%BA%A4%E6%B5%81%E7%8D%B2%E5%84%AA%E5%BE%85-%E8%8E%8A%E9%9B%85%E5%A9%B7%EF%BC%9A%E5%85%A5%E5%8C%97%E5%A4%A7%E8%A2%AB%E4%B8%AD%E5%AD%B8%E8%80%81%E5%B8%AB%E6%8C%87%E3%80%8C%E6%88%90%E5%80%8B%E4%BA%BA%E5%A4%A7%E9%99%B8%E6%99%92%E3%80%8D

莊雅婷則憶道，當年18歲考入北京大學，非常自豪及開心地與中學老師分享，惟該老師「由頭掃到落尾，由尾掃返上去」打量自己，諷刺道「你成個人都大陸晒」，稱當刻感到非常心傷，至今仍然想證明愛國沒有錯，「相信我應該可以好自豪咁同大家講我愛中國，我係一個自豪嘅中國人。」

她又分享去年一家人到英國旅行，乘搭地鐵時爸爸身份證及現金被偷，追賊「追咗兩條街」，並一手「撳住佢落地下」取回失物，「呢一種唔安全感，令我更加深刻體會到社會安全重要性。」

莊雅婷又以巴勒斯坦小朋友在戰爭中生活為例，稱他們最大夢想可能是生存，故深刻體會「國家安全同國家強大有幾咁重要。」

TVB藝人丁子朗指，「國安法對我嚟講得一個重點，就係愛國愛港」，愛國要對國家有歸屬感和自豪感，亦要幫助提升國家的軟實力，如身為演員可為國家拍攝主旋律愛國情懷劇集。他又提到，香港演員到內地拍劇並不容易，不論拍劇集、做節目或直播都須經過審批，如檢查政治取態是否正確、刑事罪行紀錄等，甚至要簽「生死狀」，但實施《港區國安法》後，內地劇組放心選用香港演員，帶來更多拍攝機會。

對於港人北上，丁子朗指可從小細節感受內地城市文化，由硬件至軟件，包括微信、抖音及小紅書等，「當你開始欣賞到、明白到、了解到當地嘅嘢，你真係會愛上呢個地方」，又對擁150億票房的國產電影《哪吒》及人工智能程式DeepSeek感自豪。

林定國在開場致辭時指，維護國家安全是持續恆久憲制責任。國安與發展是「一體之相逆，驅動之相鄰」，若要平穩路上飛快奔馳，兩個輪子必須要大小直徑相同，橫軸等設備確保滾動的速度和方向一致。他又指維護國家安全「冇商量嘅餘地」，當前地緣環境政治異常複雜，香港受某敵對國家及勢力不公平及不合理打壓。

座談會中他又提到，港人對於安全概念相對不太敏感，對身分認同亦感困惑，「我要介紹自己係中國人好定香港人好呢？好似有啲唔自在」，「我喺香港生活嘅中國人，如果介紹我話我係香港人，一啲問題都冇，但你要記住其實香港本身就係中國嘅一部份，呢樣嘢係不言而喻。」他舉例指自己是北角人，但並非否認自己是港島人，認為不需要在這個問題上糾纏，無論內地任何地方的人，包括香港均與國家同根同生。

早上港澳辦主任夏寶龍在開幕典禮中指，要加快推進香港由治及興，並發揮香港內發外通獨特優勢。他指港府是香港的當家人、治理香港第一責任人。

丁子朗
國籍
加拿大
中華人民共和國（香港）
母校
康傑幼稚園
培僑小學
培僑書院
馬克維爾高級中學
滑鐵盧大學
宗教信仰
基督新教

放棄加藉先唔該

cctvb
viu一個人都唔會咁做囉

話你大陸 點解唔係讚緊你

江旻憓都唔駛扮

原來讀培僑，咁唔怪之得奶得咁落力

我都奇怪
明明讚緊佢夠晒愛國愛港

愛國愛黨啲友點解會對大陸，共產黨呢啲字眼咁反感
咁讚你，應該要請人食飯啦

2017年參加快樂男聲唔計啦

睇莊小姐IG應該都係加籍

成班有外國護照過嚟叫大家愛中國

愛國是工作
移民是生活

依家啲離地中產abc興愛國愛黨

外國勢力仲咁多野講

係囉
如果有人話我成個人日本晒，我會講多謝

諷刺稱「你成個人都大陸晒」

點解覺得係諷刺?

垃圾

奶得落力 但有加籍🤣

我愛我的國加

她又分享去年一家人到英國旅行，乘搭地鐵時爸爸身份證及現金被偷，追賊「追咗兩條街」，並一手「撳住佢落地下」取回失物，「呢一種唔安全感，令我更加深刻體會到社會安全重要性。」

佢老豆最少都4，50
仲可以追賊追兩條街
都好fit下

你成個人都大陸晒係譏諷？
又要親中認做中国人又唔鍾意被人話係中国人

大陸好失禮佢？？？

婷婷對奶好大陸

又係呢班離地擦鞋狗