上星期情緒終於頂唔順第一次睇咗精神科醫生

醫生開咗三隻藥俾我
Pristiq extended-release(血清素）25MG
Diazepam (鎮靜劑）5MG
Neo-active vitamin b1(維他命B1） 100MG
想請問有食開或者食過有經驗嘅巴打絲打 開咁重MG既藥俾我係咪代表我已經精神問題好嚴重
但食完一星期之後個人的確係開朗咗唔小 由本來食野都唔想食 做咩都冇心機 由失眠失到可以碌成五六個鐘都訓唔著或者瞓着咗兩個鐘左右又會扎醒之後瞓唔返 但呢個星期居然可以一覺瞓天光 然後慢慢開始個人又變返積極 呢幾日居然仲會本身唔運動既我都每日去做下運動
打個譬如本來我精神狀態得返20% 睇完醫生食完之後慢慢感覺已經升返到50%
我應該下次複診再加重MG嗎 因為我真係好想快啲好返
但我又好怕會長期依賴呢啲藥物
因為其實我知道其實只係治標唔治本 到最後都係要靠自己企返起身

加油！入面有用嘅應該係同醫生傾計+食Pristiq，之前有朋友睇過精神科傅子健醫生，好似都係開呢隻藥，佢食完之後又係好返好多。睇精神科醫生其實冇咩問題啫，又唔係犯法，有需要咪睇囉，唔使理其他人點諗喎

血清素應該唔駛加，因為25mg都幾多下
將自己食藥後既正面/負面影響記低，下次覆診同醫生講

最緊要唔好急
呢d藥唔會上癮
醫生理論上會track住你精神情況，佢覺得你可以減藥自然會話你知

凡事唔好太上心
加油

你唔好睇，我平時好似戇鳩鳩咁
但係其實我都有相同經歷

過去八年我都係喺情緒病之中渡過
你食嘅咁多隻藥除咗嗰隻咩維生素我都食過

我一開始都好似你咁好驚會倚賴咗

但係慢慢發覺冇得驚咁多

病咗就係要食藥 你越驚佢 你內心對佢抗拒越大就越需要食更加多嘅藥

我食咗一年鎮靜劑就已經開始減得份量

差唔多兩年就可以唔食鎮靜劑，淨係食血清素

血清素就更加容易戒

呢個係我嘅親身經歷，但係並不能盡信
每個人都有佢自己嘅節奏

情緒病係好辛苦
未經他人苦 莫勸他人善

我只可以用我呢個例子去俾到你少少嘅正面證據

呢啲藥係有戒到嘅一日 唔使太過擔心

好嘅分享，畀個讚你

加油 巴打
聽落好有用
你好有勇氣去睇醫生

我見過有人係食緊60MG血清素 我諗真係非常之嚴重
同埋本身好抗拒去睇精神科醫生嘅其中一個原因其實係好驚有好強大既副作用 但呢個星期一路食都唔覺得有啲咩副作用出現 除咗食完超級眼瞓之外都冇咩唔舒服嘅感覺。

8年先至真正好返哂嗎？
個隻維生素B1可能因為我有同醫生講我每日淨係食一餐 食咩都冇胃口我諗所以咁先會開俾我
情緒病的確係好辛苦 曾經有諗過輕生 亦都爭啲實行 但又覺得就咁死咗好似太嘥 起碼都做埋自己全部想做既野先去死都未遲

Pristiq 25mg唔算大劑量
我100mg食咗3年，今年先可以改食50mg

正路黎計，血清素食2個星期之後先會表現出劑量個真正效果，唔洗心急的

另外起效唔代表加重劑量就會好得快d，有d事情係需要時間黎解決，千奇唔好心急打亂自己陣腳

同埋覺得自己好返之後一定唔可以自己停藥，好多時候個大腦慢慢恢復返，開始無症狀，但實際上個大腦仲未完全復原，係需要keep住食多段時間藥，先提升到斷尾嘅機會

師兄 睇政府排期？？

人生只係過客，祝巴打早日康復

唔係好嚴重啫，血清素我食緊80mg

100mg代表你真係好嚴重 同埋副作用應該大到黐線
未睇醫生之前既日子你到底係點捱

點先知自己需唔需要睇？

明白哂 唔該哂巴打 但睇一次就幾千 一星期覆一次診 一年真係十幾皮噴出去 但唔睇又唔得 因為feel到自己真係好唔妥

醫生有建議寫信俾我排期公立 但公立醫院要排到世界盡頭先有得睇 同埋通常都係hea醫 所以當時拒絕咗排

當你感到人生絕望 開始有自殺既念頭 手震腳震 小小事都驚餐死 食野都食唔落 瞓又瞓唔到
覺得人生做啲咩都係嘥氣既時候就要睇了

Pristiq 50食落都好左
一開始食50本身以為會好多，但係發覺冇乜唔舒服

食藥係比自己
有能力處理返自己啲問題

治標藥 治本cp

情緒唔好 好難諗到其他方面解決問題方法

可以試下去政府普通科門診 一樣有血清素開 但唔知會唔會開返私家果堆俾你

上google睇就話血清素會有好多副作用 但我自己就唔太覺
可能25太小 又或者本身慣咗嘅痛苦仲大於副作用所以唔覺