探討三號幹綫興建上落葵涌道嘅支路

觀塘繞道嘅設計，除咗炒車之外根本冇可能塞車

你話係就係？睇你記錄都冇乜判斷能力。實際知唔知而家車流同使用率係幾多？而且你係講緊要承受埋觀塘道車流，唔係現況。

我每日返工九點出車都行觀繞，完全唔塞，去到藍田匯景落東隧先塞

不如你唔好揸車

其實小弟只係睇唔過眼行北橋上荃灣路要塞荃青嘅巴士乘客，揸車嘅話我一定揀第二條路

睇咗幾個回覆
都未理解到樓主講緊3仔南行定北行方向
一時又話葵涌道
一時又話北橋 (南北橋出都係入荃灣路，葵涌道應該無回旋處
同埋其實目的想去邊

如點3仔南行，3號出口其實已經係美孚荔枝角電話機房
3仔北行4b出口都係葵涌道
3仔去美孚就行下路出番去
荃灣路，葵涌道南行係荔景都有入口上3仔

只於貨櫃碼頭
都有出入口駁回旋處去1至8號
所以根本就已經有出入口

另外ge就係深長荔上3 仔北行
個出入口得東京街
相對行葵涌道荃灣路
其實會順路d

我係想三幹南行有條路直落葵涌道美孚方向，葵涌道去葵涌方向有路上三幹北行，令去東涌同青衣嘅唔駛行荃灣路塞葵青同荃青交匯處

南行落葵涌道ge目的想去邊?
美荔長深?
四個地區其實可以3仔經下路出口出
仲有幾個出口分流咗.
同經葵涌道經長沙灣道燈陣.
應該唔會快得去邊?
其次就係假設有依條路
繁忙時間ge車流
應該都係會同3仔落呈翔道一樣.
齊齊排隊出

油旺地區
都係3 仔油麻地出
同葵涌道經5仔
都應該係差唔多.
仲有無咁大需求起多一個分支出黎?
-------------------------------------------------------
至於葵涌道葵涌方向3仔
唔係你畫得咁簡單.
首先要避開東涌線走線.
變上個條支路要穿過咗成條3仔
先可以開始上斜
咁條支路即係要擺佔貨櫃碼頭ge地方

其次就係要預黎番緩衝區俾出入口
唔係就會積聚車流
即係呈翔道上3仔同3仔落荃灣同葵涌出口
咁就應該得番接近3號貨櫃碼頭個道做到入口
但就以經有building係隔離
連埋緩衝區都應該難再加多條線

但如果想行晒成條長沙灣道嘅話經三幹出口會好兜

3仔南行
用東京街，欽洲街出長沙灣道
咁都得叫好兜？
同你經美孚出口之後長沙灣道燈陣
唔見得有着數

再遠少少
用埋海輝道回旋處/油麻地西交匯處

仲有就係3仔車流
屯元天要入長沙灣道就直取屯公荃灣路
東涌個邊其實都係預你由下路入番市區

仲有3仔南行
繁忙時間而家觀塘出口都慢車
隨時頂住咗葵涌道上黎車流
如果再係個到加個出口落番葵涌道
會變咗第二個油麻地尖沙咀出口
倒灌番轉頭

唔好為駁通而駁通

我講緊嘅係巴士走綫，唔係私家車

荃青交匯處而家幾塞，改善工程又冇起北橋荃灣方向上荃灣路嘅支路，可想而知唔係為駁而駁

咁你應該係同巴士公司反應
而唔係開一條新支路駁落去

冇新路嘅話，同巴士公司反映乜柒？點都要行嗰條路

北橋荃灣方向上荃灣路，關3仔咩事？
青衣上北橋，主要青衣北，要行3仔就要兜青衣市
東涌大嶼山方向？直接下路深水埗啦

明明而家每日放工時間九龍灣至觀塘段東行無炒都塞緊

我講緊青衣南行南橋同東涌上荃灣路去長荔深成日塞車，關青衣北咩事？少咗東涌車行荃青咁青衣北行北橋上荃灣路係咪會少咗塞車？

巴士要行晒成條長沙灣道嘅話，係咪要一定要行荃灣路？巴士改行三幹直入深水埗嘅話，係咪做唔晒成個長荔深？

唔好同我講咩同巴士公司反映呢啲，巴士公司唔會有魔法憑空變條路出嚟畀巴士行

嗰段係因為迴旋處，觀繞上面有迴旋處？

Sor，柒咗

講車流.
3仔車流
屯元天本身
不論巴士定私家車
就可以經荃灣路出
只係可能晉昇慢車
時間同行番3仔唔會差好多

東涌
其實現有出口網
可以經下路出番美孚
經電話機樓同九巴廠轉番現有美孚道路網
時間同距離上令到巴士公司無誘因吸引到轉
所以先用番現有道路網
夠竟有幾大量巴士係需要咁行?
東涌出深水埗區現有網絡得
A20,A23同E21系
咁又會因而少咗幾多巴士經過荃青交匯處
A21都可以行3仔出番長深荔邊皮
依個唔係討論範圍

之後青衣
青衣南行南橋經葵青交匯處上番荃灣路
而家都起緊新引路配合番荃灣路車速
繁時X42C都係咁行出觀塘就知上面觀塘出口情況其實唔理想
行舊路同行新路又唔會差好多
青衣北行荃灣路又係唔關3仔事
--------------------------------------------------------------
技術上
3仔要駁落葵涌道
地點一
過荔景地鐵站至荃灣路3仔個段
要橫誇葵涌道來回10條線
每條線都要有相關高度限制下
變咗一條起支子嘅路線先可以落斜
仲會阻到荃灣路落葵涌道車流
唔太可行

地點二
啱啱荃灣路上3仔開個出口
落番葵涌道上呈翔道路口
即係救世軍個附近
明顯會阻到上3仔ge匯合車流
又係唔太可行

地點三
就係而家接近落觀塘開出口
而家朝早同夜晚繁時
就以經有龍尾慢落去呈翔道
新增出口新加ge流量
就唔止因為巴士而改行新支路
仲有私家車貨車等
到時隨時變咗倒灌番去到荃灣路3仔入口
或者更後(即係而家朝早南昌情況)
咁同塞荃青交匯處其實可能一樣.
仲搞到落觀塘情況同荃灣路上黎情惡劣咗

而經荃青交匯處GE流量可能只係少咗個三條線GE巴士
同少部分東涌出黎GE私家車同貨車

屯元天又唔知會唔會因為咁而改行新支路
但改行新支路都係將塞車位由晉昇位變咗3仔出口位

---------------------------------------------------------------

你確定行九巴廠嗰邊出可行？行返出美孚要兜大圈，東涌方向停完美孚之後係上唔到三幹

改善交通服務唔係淨係睇有幾多條巴士路綫經過，仲要睇啲綫有幾多乘客，E21系客量龐大（小弟都間中會搭），但經常受荃青交匯處塞車影響，所以希望三幹有條路可以出入葵涌道，語氣可能激咗啲唔好意思

九巴廠無禁區牌
點解唔行?
https://maps.app.goo.gl/4bkvgf4zgjRM3QrW6
時間上一樣先無誘因咁行


咁如果起新路可能可以慳番少少時間
但你邊個位由3仔出
又唔會阻到現有荃灣路上黎GE匯合車輀/
加重現有3仔落觀塘支路流量?/
出口又唔會阻到荃灣路/葵涌道GE車流?

邊個位3仔入
會唔阻到現有呈翔/下路上番3仔
收番貨櫃碼頭部分土地係橋墩
又唔阻到現有建築物呢?

幾樣野加埋
最終只係會將個問題變咗去第二到
真係改善到交通服務?
只會令第二區GE人承受更多
希望你明白唔係起條新路
就咁駁通就得
仲要配合番現有/未來車流..出入口等等
繁忙時間你係葵涌道望番上3仔就知

同埋3仔西九龍快速公路係駁通新填海區
再從新填海區進入番現有市區
即係而家荔枝角出口

美孚大大個葵涌道係隔離
跟本預你用舊路進出新界同大嶼山
而家荃青交匯處都起緊入青衣專線
等多陣啦

最弊就係北橋荃灣方向起唔到路上荃灣路九龍方向，未來都係焗住行迴旋處，所以我先開呢個post探討

講嚟講去你咪又係想荃青交匯處整右轉專用車道（北橋去九龍，唔洗入迴旋），雖然真係有用，但技術上太難