探討三號幹綫興建上落葵涌道嘅支路

今日睇咗個講德士古道迴旋處嘅post，心諗點解當年唔起落葵涌道嘅出口同上三號幹綫嘅入口，明明就喺下。如果起咗嘅話，咁就可以減少好德經德正古道迴旋處同葵青交匯處嘅來往長荔深嘅車，做到分流（成日坐出長荔深嘅巴士由葵涌道開始塞塞迴旋處真係好炆）


北行（藍色）由葵涌道入貨櫃碼頭路出口興建支路，駁上三幹；南行（紅色）由三幹接駁葵涌交匯處落葵涌道嘅出口

其實唔止呢度，三幹基本上同五幹平行，好多位都可以起支路連接，例如油麻地交匯處就可以起條支路上五幹，然後將加士居道天橋擴闊到四綫行車，甚至再喺佐敦道上面起多條雙綫單程天橋，令嗰段路成段四綫行到，可以解決大半個東西九龍塞車問題，甚至可以唔駛起中九龍幹綫

太多字無睇
有時都會諗吓還掂家吓要重建彩虹村
都會想像吓有無得利用塊地改善彩虹交匯處之亂

地下繞道

起條由龍翔道上觀繞嘅支路

首先觀繞北段得2+2線都冇容量，機電署同宏天之間都擴建唔到。唔係淨係彩虹邨冇位，大磡段唔夠長，麗晶段你要咁近啲樓跨過彩虹交匯處咁高。

1. 屌你起碼用衛星相睇吓啲路要幾闊啦。本身已經同呈祥道交織緊，你仲要再加條路，真係有咁多車用個長度同行車線都唔夠。
2. 油麻地警署係歷史建築，駿發花園已經反對過
3. 2線已經因為環境問題否決過，橋腳收窄地面車路製造更嚴重塞車問題
4. 漆咸道北、東九龍走廊、啟隧冇容量冇位

咁喺佐敦道上面起多條雙綫單程天橋，加士居道嗰條改單程都得啩，咁咪唔駛擴闊囉

根據呢幅圖，藍色嘅係由三幹南行同北行入五幹東行，紅色係新嘅佐敦道天橋，綠色係佐敦道天橋入三幹南行同北行（下面嗰條入南行，上面嗰條入北行）

補充：
由此可見，假設唔起中九龍幹綫嘅話，完全唔影響任何現有建築物，甚至可以保留油麻地停車場大樓

咪講咗點解否決，同有咩問題囉。中九龍繞道係3+3線。

度下你啲彎嘅半徑先啦小畫家。咁得閒塗鴉，唔睇下書先？可以淨係睇下街景，油麻地交匯處、連翔道、麗翔道都係橋。你都未答佐敦道路口以東點擴闊

我都知係橋啦，起架空支路咪得囉，你諗住落地面又上橋變過山車？

仲有佐敦道以東嗰段加士居道天橋，雖然我都諗唔到點擴闊，但呢個係政府曾經提出過嘅改善加士居道天橋擠塞計劃，既然政府提出過，即係可行啦，你覺得唔可行嘅話政府會提出咩？

你係咪唔知嗰段西九龍公路喺地面，隔籬係機場鐵路？講緊你話唔起中九龍繞道問題。

照你咁講，油麻地交匯處都唔可以起，點解油麻地交匯處又冇呢方面嘅問題？

Btw 不如講返三幹落葵涌道條支路先？油麻地支路唔係我重點想討論嘅建議

乜嘢邏輯嚟？所以西九龍公路分叉出嚟咪維持喺地面囉。唔知仲有咩好講，已經解釋咗。

佐敦道上西九龍公路同連翔道支路喺地面？西九龍公路出窩打老道條支路喺地面？

覺得自己反問得好醒？你頭先話照我咁講，明唔明係講緊北面南行？

因為我條支路係駁天橋出口，所以冇呢方面嘅問題

btw都係討論返三幹落葵涌道支路先啦，始終呢個先係我最想討論嘅建議

1-8號貨櫃碼頭交匯處<->葵涌道 咪有你想要既支路囉

兜咁大個圈，不如行返北橋

姐係點撚樣啊，叫人逼上三號仔塞埋一份？
你南行荔景站已經有個入口，點解仲要加？
我唔知你邊度坐出長荔深，你應該叫巴士唔好行葵涌道
仲有，條路係下面就要搵條路駁埋一齊？
搵你設計真係死得啦，你知唔知自己講緊乜啊

拆機電署擴建啦
不過依家醫院嗰度都好似冇位

我意思係三幹起個出口落葵涌道去美孚同美孚去葵涌道起入口上三幹，唔駛下下塞德士古迴旋處（因為北橋劃綫問題令北橋荃灣方向起唔到入口上荃灣路九龍方向），麻煩你睇清楚先！

向宏天、信和嗰邊擴建得唔得

嗰度只係最窄，求其舉個例子啦。個根本係大磡段唔夠長，同蒲崗交匯處相隔太近，又同大磡村發展區爭位。
實際成條路都唔夠容量要擴建晒，雙向加夠4線。仲要修改九龍灣交匯處，中段都唔夠容量，再加2線啦。正如你想講，要起醫院嗰邊就冇位。南段都冇可能擴建，要例如沿茶果嶺道海邊另外起條路。
結果等於格硬起多條新路出嚟，但只係取代觀塘道。駁嘅龍翔道、將軍澳道、東隧，交匯嘅宏照道、偉業街、蒲崗村道，一樣唔夠容量。變相只係轉移塞車問題，甚至吸引多咗車行製造新問題。冇成本效益可言，唔值得起。再者佢仍然係市內架空，只係轉移污染，喺另一度製造新嘅環境問題。