一手居屋/綠置居/首置盤討論 - 52

木紋磚ok？

唯有咁安慰自己啦

幾時要搵律師？

白表幾時要搵律師？

我都唔知呀 應該係搵咗按揭先？
我都要做下功課呀

我咁啱喺嗰邊做嘢,順便去望下
不過係上晝,唔好意思打搞人

我主要睇木紋磚,有睇埋spc,岩士塘膠地板

暫時有以下發現
木紋磚200x1000
大陸特價$20/25
一般$65

意大利磚特價$50
一般$138/148

特價多數係貨尾,屋細就可以用
要留意埋防滑系數,主要係R9-R13
其他等我買完樓再開裝修PO,一齊學嘢

木紋磚主要問題係有少少難清潔，同埋長條形既磚出廠比較容易彎

大陸磚比較平，但D色同質素睇下你接唔接受到
歐洲磚比較好，中檔D有德國，西班牙之煩
意大利係最好，不過一分錢一分貨
一塊貴少少，全屋就貴好多

我貪佢多縫隙,冇拋光磚咁滑
長者想要老人院,醫院用嗰種膠地板,因為跌到冇咁傷
但我唔想,不過都會留意下
有諗過SPC,但間屋預算住10-15年後大裝修,我怕SPC頂唔到咁耐

我係整長者屋,會以安全為重,其次價錢,最後先美觀,同大家嘅需求唔同

律師係搵隔離座,或者其他屋苑
咁就可以保障你,同時佢又熟手

關鍵日期前3-6個月
或者等房署出第一封信

點解反而係搵第2個屋苑既律師既？

用左家有初生買到居屋 但同另一半無結婚
仲可唔可以比bb入另一半既公屋戶籍？

綠表申請須知
15.5 購買居屋單位： 請注意，房委會所委聘的律師只代表房委會，並不能保障買方的權益。
(a) 買方宜自行聘請屬意的律師行代為處理購樓交易，惟相關的交易契據文件內容則由房委會訂定。如買方自行聘請屬意的律師行代為處理購樓交易，有關的律師行便能夠在購樓交易的每個階段向買方提供獨立意見，例如轉讓限制、印花稅等。買方須負責支付代表他們的律師的費用及開支。買方須於成交前的合理時間內或房委會指定時間內通知房委會其自行委聘的律師行名稱和聯絡資料。

(b) 如買方沒有另行委聘律師代表他們完成購樓交易，便需在房委會委託的律師事務所簽訂轉讓契據。房委會的律師只會向買方詮釋轉讓契據的內容，並見證其簽訂轉讓契據，而不會在交易中擔任買方的代表律師，亦不會就買賣協議或與交易有關的任何其他事宜，向買方提供意見。在該等情況下，房委會就交易支付所委聘的律師的法律費用以及其他法律費用及開支，須由買方（而非房委會）承擔。由於房委會的律師在交易中並不代表買方，因此不能保障買方的權益，買方並須向房委會所委聘的律師查詢法律費用、其他法律費用及開支的詳情。


用房署指定律師全部包哂1萬左右,其他律師平少少
前輩們建議A座搵B座律師,或者其他屋苑嘅
因為有啲律師樓可能唔熟居屋文件

我估唔得,點解會玩到咁盡
唔結婚,層樓冇名,唔好出錢供...

「居屋2024」今天有301名家庭申請者到樂富房委會客務中心揀選單位，有178個單位獲選購，當中包括149間新居屋、11間重售單位及18間租置公屋。

今期居屋其中四成單位屬家有長幼配額，並且是按每個新居屋屋苑單位數目作分配，啟德啟盈苑配額早前已耗盡，油塘高曦苑則餘1個配額。

明天（6月11日）約有900名家庭申請者獲邀揀選單位。

原文網址: 居屋2024揀樓│售178伙 高曦苑家有長幼餘1個配額 兆湖苑沽67伙 | 香港01 https://www.hk01.com/article/60230111?utm_source=01articlecopy&utm_medium=referral

另外想問下當宜家儲錢 儲到樓花期完搞按揭
係咪可以到時再補錢首期 等之後供少啲？

唔係錢銀問題 我有我供自己層樓
因為另一半層公屋係同老人家名
但老人家身體每況越下，唔想到時要大屋搬細屋
想加埋bb名落去 維持住間公屋

例如而家白表買300萬,比咗10%,30萬
剩低270萬尾數可以收樓問銀行借全數,或者借少啲(例如借200萬,另外比70萬),到時通知律師樓

千祈,絕對唔好揀樓日比多一大筆,冇利息,而且唔小心會爆資產而DQ

理論上你個bb已經係居屋係戶藉入面