有冇人做人老豆壓力好大

所以我覺得冇錢唔好生係唔準確
現實嚟講應該係冇能力唔好生
有能力搵錢又肯俾錢只係最最最低嘅要求

炸雞叔就係衰最尾放唔低

你望到入面 同你本人入場完全兩碼事。

所有唔好話結婚生仔
應該連拖都唔拍

可以用少好撚多錢
又煩少好多嘢
求其打份hea工
得閒就四圍飛

仲生？

笑撚左

呢一點真係必要分享下

咪撚信身邊果D同你講：

唔洗特別去補習啦，學校有教
你個女咁靚咁醒，佢一定得嘅
唏！唔好迫佢哋去學咁多嘢啦，比佢哋自由發揮
唔洗上果D乜鬼面試班，呃錢㗎
洗乜學英文吖，第時讀書個個同佢講英文，一定識

結果，佢啲仔女全部都係乜柒都學乜柒都上，又話攞獎又話上台，去到學校面試個個都手到拿來，但永遠唔會話你知佢地喺邊度學得一手好嘢，收收埋埋，真係一件好撚奇怪嘅事

冇用嫁 你要接受其實社會個價值觀真係咁
今時今日中小學生個世界仲raw

屌唔係仲養兒防老呀嘛？
老咪老囉，後生搵多啲到老果陣自己洗又好、去瑞士安樂死又好
仔女孝順就話啫，萬一生出嚟攞債你就含撚

我覺得自己真係好矛盾
返去屋企個女一句爸爸好掛住你又好冧
但一返屋企冇理由地好大壓力
自己又唔捨得個女掉比工人
所以一放工又衝返屋企

樓，車，工人，車位，生活費樣樣都係錢
暑假又黎啦又要準備個女學咩學咩
老婆湊女果時最叻就攞個女出嚟情緒勒索你要你接手

最大個問題係我都唔知個壓力邊到黎點解決

其實都係呻下
我老婆其實都算唔話得，有時知我返工累都唔會迫我要陪佢帶呀女去玩

揀岩個老婆贏撚左一大半 如果唔係都係悲劇

你要加油
由佢發現有左之後起碼到個細路介夜奶
都係佢話1就1，果時佢坐月我朝早5點就起身煲粥佢食
之後就佢老母或者我老母黎
直到我放工返黎煲啲唔知咩葉水佢沖涼，沖完再陪到佢訓
之後就可以開始做家務洗奶樽果啲
起碼都2點先訓 但訓一陣夜奶又黎
訓死左第二日就準備比人插唔好駁嘴佢地話喊就喊架啦
我都唔知自己果時點捱 好彩個女好快介夜奶
同埋好彩我老婆唔港女 唔會打蛇隨棍上keep住佢大曬

所以點解啲老婆呀女會成日話爸爸好鍾意屙屎
次次都好耐
見到有時fb十萬個咩咩咩果啲page
啲女人仲係到話唔明點解啲男人咁多屎屙就知原來從來屋企冇人去諗過點解你會咁做

請左工人都唔可以掉比工人架
小朋友需要既係陪伴
如果唔係就算你幾努力搵錢比到咩物質佢都好
大個都只係會覺得自己由細到大冇人理（身邊識咁既人）

同埋有時落會所見到啲工人湊既細路係特別曳特別冇禮貌冇規矩

45歲，發現自己所有野都係為左人而活，番到屋企你要做一個你老婆心目中既好老公，做一個好爸爸。

番到阿媽到，你要做一個所謂既孝順仔，你能力高d,兄弟姊妹就睇哂你頭。 一句講盡左力大哂。

老豆走得早，真係好想問下佢當年點頂。

你嘅問題好似都係圍繞着錢，如果可以嘅話就諗辦法開源，唔得嘅話就睇吓可以喺邊啲地方慳錢，識得點用錢 同識得搵錢一樣咁重要架

我比較想知點解當初會想生小朋友？
我個人認為結婚係幾好
但生小朋友係可預期地會多好多負擔同壓力
點解唔淨係同另一半過好日子 最多養吓寵物咁？
純好奇

唔防老點解生
一味蝕冇嘢賺都照去生 冇嘢啊嘛

個囡10歲
完全無後悔
辛苦係辛苦
但我覺得開心多過辛苦

幾辛苦都好見到個囡開心就咩都夠
不過我係無比佢學咩學物
自由發揮 鐘意玩咩就玩咩
開心最緊要
我要求讀書過得去已經得
只要合格對於我已經係
好好好好好滿足
我自己細過讀書咪又係垃圾
我唔明點解對佢要有過分要求
我只對佢有一個要求

盡咗力就得

見老師講Reading 已經係14歲程度
對比其他人可能唔夠好
但我已經好夠

個囡10年無迫過佢寫一個字
一頁copy book都無寫過
結果佢啲字靚到不得了
無迫過要英文好好
結果佢睇YouTube學英文流利到一兩年己經唔洗任何翻譯
任何影片任何文字任何溝通暢通無阻

返工加日常家務係已經無咩時間淨
有時睇套戲2個鐘都要分開3日睇
不過我唔洗太多感謝
個囡開心老婆開心
已經係最好嘅感謝

唔生唔知
當自己抱住自己個小朋友個感覺
自己過去30幾年就算有咩成就
揾到幾多錢
食過咩正嘢
揸過咩靚車
都比唔上見到個囡係公園玩
個囡笑同開心個種滿足

我都知唔係個個同我一樣諗法
我都唔會迫人同我一樣諗法
純分享下

不過利申係英國

可以咸濕，但唔好中出

agree

生仔=犧牲自己成全別人

Agger
啲咩興趣班有幾多係個細路有興趣
好多都係開左個頭買哂架餐
覺得唔好浪費夾硬逼啲細路學落去
搞咁多野都無人開心唔知為乜
有本事嘅留啲錢俾個細路大個買層樓俾佢好過

趁有時間攬多幾下個囡
過多一兩年就開始青春期反叛期

屌你巴打，好撚有同感，睇到喊咗出嚟，好似講緊自己