有冇人做人老豆壓力好大

你係想生3個定係老婆想？

好應

因為個個都係咁
做咁耐人悟到既就係呢樣野，個家自己唔做，就冇人做問題同負面野既終結者

老婆係咁鳩up煩惱8掛野都係受左壓力使然，放負煩住哂就由d野響自己身上終結，如果唔係生活壓力既負面就會散到落家庭每個人身上

經濟好之前就煩錢
到錢好左之後發現心理壓力先係一家之主最要承受既野，有冇錢富唔富貴呢樣野都會存在，有錢冇錢都不斷有煩惱出現，男人既撐起頭家就係連精神意志都撐起埋

一句冇問題，一句冇野喎，乜都聽，乜都氹，乜都處理，乜都做到決斷，最後家人先會和樂

好多時錢到位，待遇夠好，臨門一腳都係衰唔受得煩惱，孭唔起決斷責任，問題就會被煲大

再煩既女人，人生大事，子女入學，睇醫生，安排補習讀書，興趣班，去旅行，甚至整容矯形，總係有野定奪唔到，孭得起漸漸就分到邊個庄邊個閒

冇女人係唔煩得，佢都辛苦，先會咁鳩煩，好多時唔係真係有野未解決，聽落成件事好似fuckup咁小到不得了，但女人就係有野就要發泄，好多時只係要你聽要你受，做肉靶，呢d真係睇器量，器量夠，俾佢情緒舒發到，處理到d小煩惱，佢就會愈黎愈依賴你，咁先會團結

好撚大壓力

好想知當初哪來的勇氣生，唔係一早生之前就有心理準備架咩

好多人知道係會負擔大
但無諗到係大成咁
當你個仔得幾個月,剩係奶粉,一罐5舊水只係夠你飲5日,一個月剩係奶粉都幾千蚊,仲未計尿片濕紙巾呢D消耗品
然後再大d就各種興趣班,又嘥時間又嘥錢,跟住幼稚園學費一年成4,5萬,個幼童又痴身,樣樣都要睇住,又無自由又無錢

唔好講到弱智咁慘
淨係adhd嗰啲已經玩殘你
依家好似越嚟越多
見到有frd經歷緊都有啲驚佢哋頂唔住

成立家庭後的確有好大轉變，同未婚前無可比性，會有好多新體驗，想法方面由自己轉變為家庭整體，放假可以一齊去做D咩，一齊放鬆開心玩下。

好多時壓力來源都係自己身上，唔好將大人複雜既世界擺係小朋友身上，亦要接受改變唔到呢個社會風氣，可以改變既只有自己既心態同想法，想過咩生活選擇權係自己手上，要上流就要夠膽去衝同博，或者要知足常樂。

我係個仔兩歲果時辭左份安穩工去創業，出發點係想有多啲時間可以陪伴佢成長，有個開心既童年回億，每日都見到佢有唔同，覺得佢叻過自己就好滿足。

試下用多D唔同角度去睇每件事，體驗會唔一樣，不過係香港做老豆心態真係要好撚強先搞得掂。

師兄你家底都好好喎

舊屋苑嗰班老豆閒閒哋都50-60歲
一早經歷晒呢啲階段

香港月入中位數得2萬
即係全港有一半人收入得2萬
然後你話好多普通家庭,老公同老婆都各搵4,5萬
咁到底係政府個統計錯丫,定你個現實係錯

搵下兒時興趣 砌下模型 會開心啲
冇得諗太多 10 年後可能60% 工都比AI 淘汰

錢唔係我主要壓力來源
而係個仔好chur我
有時想坐低休息幾分鐘
佢都要過嚟拉住我
放工已經好攰
咁個人喺極度疲倦之下再畀人咁樣chur
我覺得個壓力都幾大
然而我個仔都仲未夠兩歲
我真係唔知之後會點

未夠兩歲係最好玩既時間

最後一句好撚True

喺最好玩嘅時間我都覺得好有壓力
咁唔好玩嗰時會點？？？

未夠兩歲真係最sweet時間
開始左trouble 3你就仆得街

正常架
換轉係你係你個仔
你諗下,爸爸由朝到晚都唔見左人(咁細個唔識咩返工搵錢做呢樣果樣野)
到夜晚老豆返黎啦,終於見到最親既人,緊係想痴到實嗲到爆
係佢眼中係對你表達佢既愛,呢種純粹係得呢個年紀既小朋友先獨有
你應該好好珍惜就真,你個仔咁痴你即係代表你係佢個世界估左最大部份,佢無時無刻都想見你痴你同你玩

多d深呼吸

窮人生仔

最緊要另一半唔好當老馮
識體諒已經差好遠

岩呀，大人既世界有好多野，3歲前佢地世界只有父母，試下投入d陪佢地玩，享受當下。