《不赦之罪》集中討論區（6月5日上）

係初戀媽媽身上尋找初戀嘅影子

喺後樓梯強埋佢老母

劇本係寫得好 但係真係感受到個導演功力有限

黃秋生啲對白寫到差唔多句句都要拋書包引聖經
佢同蘇玉華喺車入面鬧交嗰場本來係好有張力 但係就係因為佢不停講聖經睇到好出戲
牧師講道嘅時侯引兩句聖經好正常 但當佢連同老婆講嘢都全部聖經就over咗了

仲有導演好鍾意拍人大頭 close up演員啲表情
本身黃秋生同蘇玉華都好戲 應該冇乜問題
但係啲劇情就編到冇乜鋪陳咁 好似乜都冇剩係要靠演員表情同內心戲推進劇情咁
喺天橋底見返個男仔嗰幕剩係影係黃秋生面部抽搐咁 一嚟個男仔先出咗兩幕 冇人明你抽搐啲乜
就算我入場前已經睇咗預告知係老強 我都覺得成場戲好浮 好似嬲就係嬲 驚訝就係驚訝咁 同個故事內容冇乜關係咁

啲演員內心戲都跳得好奇怪 黃秋生見佢派飯捐50蚊就突然對佢多咗善意 到臨到最後話原諒佢個女佢又突然暴走 睇到我r晒頭
蘇玉華又係 啱啱話原諒唔到 轉個頭又叫佢食多兩啖飯 跳tone跳得咁犀利真係跟唔到

有好幾個scene其實應該幾爆幾有張力嘅 我感覺導演都好似拍唔到嗰種衝突同掙扎出嚟
成套戲個半鐘都唔夠其實大把空間可以再鋪排得好啲同描寫多啲

主編個個無記錯係虔誠基督教徒，有返開教會，都幾敢

唔講其他，淨係講第二段
我覺得睇戲又好，真係現實去識人都好
唔係睇嗰個人符唔符合我心入面嘅印象
而係直接去理解嗰個人到底係點

佢不停講聖經，連對老婆都講聖經，代表啲咩呢？
代表佢心底裡係唔相信，個狀態係等於講大話
佢咁樣就反映人性同神性喺度打交，因為如果佢人性都信服嘅，就會講人話，講自己嘅話啦
所以，點解軟弱嘅人特別講原則？因為軟弱嘅人責任唔想負，將一切推搪落原則
亦即係話，梁牧根本連原諒阿樂嘅責任都唔想負，要將個責任推落耶穌

香港最高票房三級片女主角

我諗阿女自殺係秋生日積月累咁樣重視宗教多於屋企人或者阿女嘅感受，佢出於半報復半心碎嘅心態先咁做，係對秋生嘅反抗同報復，自殺喺基督教本身都係一種罪