《不赦之罪》集中討論區（6月5日上）

究竟阿蘇知唔知佢個女咁曳

犯罪個刻係心智未成熟
但會唔會坐左三年出黎都仲係抱住 因為條女玩鳩我，所以我姦佢；你原諒我犯嘅錯，所以我原諒佢犯嘅錯 咁樣心態？
係嘅話呢條友都真係仆街黎

我大概Get到編劇想表達阿樂嘅放下，但呢句台詞用得唔好

我比較覺得佐治係因為第二件事而坐監 只不過劇情無交代到
咁先會合理解釋返點解淨係坐咗3年 / 唔認得黃秋生蘇玉華

但佢有講話諗住坐完出返嚟就無嘢 (之類)
同埋最後話自己係強姦犯
所以明顯係因為強姦而坐

有冇一種可能佢真係一個仆街
個人覺得佢由頭都尾都冇真係悔改
佢做所有嘢都只係想自己好過啲

佢話自己係強姦犯係因為佢真係強姦咗啫 唔一定係因為強姦而坐
但當然呢個只係我幫導演諗嘅解說
如果佢真係因為強姦而坐 真係無可能唔認得黃秋生

所講冇人知阿女點解自殺，可以係被姦嘅打擊或者係秋生因為宗教原因唔比阿女墜胎阿女先自殺

我覺得依句嘅巧妙位在於，依句說話會令佢贖罪你誠意大打折扣，佢喺行苦路嘅時候一路都心懷怨懟，證明佢唔係對阿女懺悔。

其實秋生嘅罪同阿樂嘅罪都貫通成套戲，只係一個明一個暗

冇人知，因為阿女已經死咗

個人覺得阿女有左bb後父母唔畀墜胎+唔關心自己心情>>>被姦嘅痛苦
（可能因為無拍到佢啱啱被強姦後嘅痛苦）
但起碼喺佢啱啱被強姦完嘅時候佢無去自殺
發現有左&父母唔畀墜胎之後佢先自殺
咁就算唔係主因都係壓垮佢嘅最後一根稻草

知，所以先會收起哂啲熊仔，同埋因為咁，最後先可以對佐治寒暄兩句，即使未原諒到佢
今日謝票場講嘅

george演出黎個樣好似好誠心悔改咁
但其實睇返佢講嘅嘢
佢真係諗自己多過諗人哋
同埋坐左3年都咁
有少少仆街

阿女仲要專登喺生日附近嘅日子自殺，都算係對父母嘅報復

同埋兩公婆反差咁大都係秋生都有覺得自己唔比個女墮胎係有份害到佢自殺，佢自己一路守既教義係導致個女自殺既其中一條線，佢自己一路都有條刺，
佢對住後來大肚既女仔有補充一句個最後決定係你做，佢自己都有反思可能係自己逼死左個女，所以有改變

佢去引導佐治贖罪既方式都個好形式上，要佢苦行，差在無叫佢釘埋十字架，呢D都個信抑上佢自己諗到要做既野，不過佐治講返D經文個陣佢多數都有個反感既樣，連佐治幫完人呢樣野佢都無理到，究竟佐治無講個句野，佢仲係咪會放唔低都好難講

而老婆個邊由佢一開始仲keep個女既電話，仲有買公仔放係床，對老公接收佐治嬲就嬲，對住佐治鬧就鬧，去到知道個女都做左衰野引致佐治強姦，收埋哂D公仔，呢到睇到佢對個女既印象係改變左，但係始終原諒唔到佐治做既野，而佢肯去睇受洗都睇到佢對佐治個睇法係改變左

死啦同你哋討論完，再諗返阿樂前面對梁牧講唔知道唔明點解會搞到咁，同埋佢主動聯絡受害人
好似真係佢只是因為知道對方死左先覺得自己有罪，before that佢唔知自己嘅錯，強姦先係成件事最嚴重嘅罪
梁牧真係應該浸死佢

Btw 你地話師母係知道個女壞嘅一面所以執房，有咩條件令佢會知？感覺上梁牧唔似會同佢講，就算講左，一個咁錫個女嘅阿媽都無咩可能咁容易接受施暴者嘅說辭，尤其是佢同梁牧唔同，一直對阿樂都係負面印象未改觀

我覺得佢食漢堡包場戲有啲帶出佢純粹同欲望容易主導佢嘅性格