去咗驗大便, 結果係消化道微生物失衡
一開頭試咗兩隻抗生素, 每隻都係有少少改善之後就復發
開始唔敢出街，無胃口，個人長期攰冇精神，不知不覺瘦咗成十幾磅
去到後尾醫生話腸入面啲惡菌可能開始有抗藥性, 問我要唔要試下做糞便移植搞返掂個microbiome
估唔到先至係惡夢既開始
個treatment有兩隻方法, 分別係口服定後面放入腸
因為我個情況嚴重 (脫水+有少少腸炎跡象), 醫生話口服效果好啲同少啲副作用
比咗一堆空膠囊我同埋兩大支donor既糞便(液態)
教我點樣屋企自己用dropper入膠囊
我原本以為佢係prepackage好既, 就問佢點解要食果陣先自己入
佢就話因為啲膠囊遇水會溶, 係有方法prepackage但需要預先freeze咗啲大便先
中途運送都有機會會溶, 同埋match donor個過程都好花時間
如果浪費咗啲大便要唔知等幾耐先可以再做
如果我自己係屋企整都可以整定一堆先再放入雪櫃雪住佢
但我又要自己諗方法點樣帶到啲丸返工又唔會溶 (每日要食3次, 每次7粒)
第一日用保溫袋+一堆冰, 返工個個同事都問我係咩黎, 我唔識點答
去到夠鐘食果陣開黎一睇已經溶到變一pat野咁
之後決定返工夠鐘食果陣先入, 特登走入廁所鎖住自己係廁格搞
試過唔小心滴到自己條裙, 出黎仲要比老細照肺罵我日日蛇王
食完之後有時嗝會feel到陣臭味, 成日形住個人成身都有屎味
而加個病只係叫好轉咗少少, 唔知仲要頂幾耐
我受夠啦
