(歷史筆記)明太祖廢相之前﹐宰相制度已經爛左百幾年----南宋F4

浙黨算唔算浙東派繼承者？

山東嗰隻電報編碼，其他例子可唔可以引用馬日事變或者豔電之類？即係如果當初唔用齊做編碼可能山東簡稱就用返齊而非魯？
湖北我諗叫荊（別號荊楚，湖南就係湘楚）點都好過鄂啩，鄂單指武漢比較合適

廢相唔係因為胡惟庸案？

阻止權貴土地兼併同降低通貨膨脹

以南宋既威望同實力
都係做戲居多
最後都係只會變益自己人

由一開始已經有
胡惟庸被殺都係因為聚眾
宣宗有海禁派同下洋
英宗時期有于謙等主戰同主和
世宗有大禮儀之爭
最出名就明末東林黨爭

李世民殺兄上位
晚年殺太子
立左個壞先例俾成個唐朝

1.直接導火線係
2.唔少人將廢相單單解釋為朱元璋為一己獨裁而做既、打壓士權既行為
依度從另一角度睇﹐宰相制本身已經爛左成百年﹐其實本身都需要改革了
3.我諗我自己從前睇得太多錢穆-余英時有一種錯覺﹐覺得士權同皇權係對立﹐士權有佢既獨立/為天下/制衡皇權既意識。
而家諗返﹐士權同皇權其實係共生體﹐要爛係可以一齊爛。制衡之類係笑話黎

https://zh.m.wikipedia.org/wiki/%E4%BB%A3%E6%97%A5%E9%9F%BB%E7%9B%AE
馬字係其中一個例子

至於湖北點解唔叫荊
因為民國時候武漢地位超然而江漢平原嘅荊州唔重要，武漢唔可能接受自己省以荊而唔係自己簡稱

李世民幾時殺太子

Simon以佢晚年仲想打高句麗，而且仲識退兵計
應該未到擺爛level
不過表現放鬆咗係真嘅

張居正抄家篇論文太長﹐唔睇唔緊要
記住丘橓個仆街就得

懶人包：
1.早年張居正睇佢唔上﹐心有怨恨
2.張居正死後﹐誇大張居正家產引萬曆去抄家
3.結果張居正根本就無咁多家產﹐於是對張家用嚴刑卒數﹐搞到左張個大仔自殺
4.交唔到差﹐又有人傳張家收埋左D錢﹐萬曆又派佢抄多次張家 (無錯﹐張居正死後比人抄左兩次家)
5.張家抄唔夠錢﹐逼張家話自己借左錢比其他人﹐抄埋格離兩三家

最最仆街既係﹐佢第一次事後留左封咁既信：



「阿大早死早著﹐你地應該開心。差完重有兩畝田﹐你地應該知足多謝皇上﹐飲水思源....」

6.咁既仆街﹐比佢班同鄉粉飾到「抄家無累到其他人」、「張個大仔抄家之前已經畏殺自殺死左」
明史館史臣無用到依D記載﹐但仍將丘橓同海端合傳﹐話「橓強直好搏擊，其清節為時所稱雲。」

如是褒貶﹐如是文人﹐不外如是

圖好似出唔到﹐引原文出黎

丘橓留書與張府諸公子作別。信中說：
「汝兄樂地，生者苦海，是何言之酸愴若此。汝家之事，朝廷惟祇抄沒，而且免抄者五人，復給田宅以贍養汝祖母。皇恩不可謂不厚矣。祇宜飲水知源，知止足而安義命，何羨死者之為樂，而悲生者之為苦耶？汝兄既為樂地，汝嫂之晝哭，家汝之持服，又何為者耶？道府已慨然許存問汝家，此後凡有可託，吾不惜叮嚀，不但就此託道府而止也。吾行矣！寬心度日，俛首聽天，焉用愁哭等為？」

唐朝人事任免權制度上要中書 門下 加皇帝先完整
但專制皇朝你懂的
所以中宗一朝出現斜封官
即係皇帝繞過中書門下任命嘅官

張居正抄家﹐前後抄出20幾萬兩：
「誠等盡發其諸子兄弟藏，得黃金萬兩，白金十餘萬兩...」

「其長子禮部主事敬修不勝刑，自誣服寄三十萬金於省吾、篆及傅作舟等，尋自縊死。」(支離按：依度抄人地屋企﹐最後又抄到二十幾萬兩)

反觀嚴嵩抄家﹐明史本傳：
「籍其家，黃金可三萬餘兩，白金二百萬餘兩，他珍寶服玩所值又數百萬。」

係啊，所以睇歷史要有critical thinking，你要知萬曆本身智商唔係好高，佢信啲小人嘅說話有幾出奇

好似返工咁，有時候你明明咩都冇做錯，但有職場小人同你個弱智老細篤你背脊，最後你俾人整走有幾正常

所以朱家最後冚家剷係俾天收，你幫佢打工，佢當你係契弟，崇禎一朝又重演一次

感覺都似現今國家嘅行政法案程序咁
提案-》覆議-〉簽署

咁點解江蘇唔簡稱做吳？

同點解湖北唔叫楚有兩份似
一 春秋吳國嘅核心範圍有一大部分係浙江，而吳國唔包括江北一大部分
二 其實江蘇比越國同楚國統治嘅日子可能更長
所以江東一直代指都係吳越之地
所以江蘇叫吳 咁浙江點算

越囉
雖然紹興簡稱就係越

浙江都唔係越 浙江核心部分都係吳國
吳國係江蘇江南加浙江北部嘅核心地區（即係杭州）
你叫江蘇做吳時叫浙江做越變相即係貶低浙江（秦漢之後後面好多吳王，你聽過有越王？）
浙江會肯？唔好玩啦

你覺得正德同天啟既「落水而死」有冇所謂既陰謀論

咁我覺得浙江叫返做浙係冇問題只係吳就可以商量
係陝西同寧夏我仲有啲意見啫

主要係省同省之間要傾數 江蘇自己霸左吳依個名咁同在三吳嘅會稽（即浙江大部）唔可能會服氣
陝西咪叫秦
寧夏叫夏 嘅問題？

不過依家叫陝同寧
可能同以前嘅陝甘寧邊區有關
明明陝係河南嗰個縣，寧係指南京