有冇人炒幣炒到人生玩完

人頭户口好似9成9都會判到入去
其實點解佢哋唔知情都會有事
條法例有講到明係要已知而又處理咗先會有事

姐係唔接納佢地證供

佢冇老點
係冇解決方法 銀行唔諗住再做你生意
商業原因 銀行怕做你生意會被告洗錢 到時銀行要交罰款

可能我同人頭户唔同既位只係分別在於我係自己操作
但個操作模式比咁多位師兄師姐講完之後好似真係同洗黑錢既模式冇咩分別

佢地唔做野既話係咪一定會俾人罸錢
聽講hsbc俾美國罸過成百億

咪就係罰洗錢

大機會好多囉
咁人地會質疑銀行有冇做AML

法律好講intent
例如運毒你話唔知入面係咩都會入到你
因為你有交收 有收錢 有duty to care
喺神志清醒成年無受人威脅下
個官會問你點解冇開喼查 點解冇問人地係咩
點解你會相信不勞而獲唔質疑入面係咪違禁品
唔係一句唔知就大哂

首先入你都好難
第一 啲錢洗到散哂可以係唔同騙案組合出嚟
第二 啲騙案源頭唔一定喺香港
第三 金額唔大唔得閒請你飲咖啡

唔一定騙案啦 上面假設啲黑錢源頭係騙案易啲明
黑錢可以係北韓黑客ransomware賺嘅錢，俄羅斯黑幫走私軍火錢，老墨毒販啲販毒錢

運毒好難解釋到自己唔知情 因為啲嘢係哂你身上邊有可能唔知情
但黑錢到底點樣分 啲錢一模一樣
我既角度只係佢買我嘢比錢我 我再賣貨比佢 成個流程以我角度嚟睇真係唔會覺得自己有問題

騙案可能佔大多數
另外你講個啲可能源頭都係現金比較多
係連登有人講過黑錢既原理只係無交稅 到底係咪真

可能遲啲真係要大生銀行

做乜要扮女人

扮嚟做咩 有獎拎？

逃左税嘅錢已經係違法所得啦佢違法收返嚟嘅錢經你户口轉一轉就變左幣，等於有左合法資金來源，咁解釋你明未？

好似撈偏嘅開酒吧，開菜檔，佢只要虛報返大個收入，再擺非法得嚟嘅錢入去，課一次税就變左合法收入。因為一個菜檔賣幾多菜，每兩幾錢全部任佢報，只要交易量夠多就好難追蹤到。傳統洗黑錢concept就係咁，你而家搬磚只係簡化左個流程

明白我搬磚只係簡化咗個洗黑錢過程
照你咁講其實對家係正常人交哂稅有正當收入咁我收到佢既錢都唔會有啲咩問題 因為我實在太多交易 希望對家都係正常人啦 最嚴重可能都係冇哂戶口用 如果真係洗黑錢既人經過我戶口真係隨時入去坐

你又唔洗太擔心要入去坐，要入到你洗黑錢其實好高難度，對面啲錢點嚟好難prove。基本上黑錢都係用人頭户口，而且一到手就轉去其他國家，追到機會微乎其微，你一年都見唔到詐騙集團俾人拉拎得返錢就係咁解。你用加密貨幣難度就更大。如果你講嘅係真嘅話基本上唔太可能會入到你罪

不過你都唔洗咁多幻想對家係正常人基本上搬磚主要用途就係俾人洗黑錢你交易量如果有10次以上我諗都實中硬，何況你都話你有三角詐騙上門揾你返去碌口供。。。嗰啲咪就係例子淨係本土追蹤到嘅已經揾左你，有更多錢係外地入嚟過個冷河，嗰啲已經好難追究

結論係你預你有好長一段時間都唔會有銀行用不過又唔洗擔心要坐，只係要煩揾工囉如果你之前賺得夠多嘅就抖下先啦，再諗下揾現金糧嘅工

百分之百係真 真係純粹買賣usdt賺bid-ask spread
希望係正常人啦 我有諗過全部人買usdt都係黑錢既話咁乾淨錢到底去咗邊度
上門錄口供再困住我幾個鐘 然後俾保釋金 開始每個月報到生涯 諗返都覺得麻撚煩
做住現金工先囉 或者係真係可能移民重新嚟過好過

其實入到洗黑錢呢條罪係咪冇想像中咁易 但睇新聞好多借戶口既人又輕鬆入到罪 仲要判得係唔輕

我身邊好多人都係炒鞋炒錶炒樓 代購名牌之餘此類 嗰個人銀行户口都係瘋狂又出又入 未聽過佢地有事 其實係咪玩usdt先會出事？

樓主真係冇撚腦果班，仲覺得自己好醒完

如果攞出去門市找換店賣 係咪就ok冇咁易出事？

第一次連登問嘢 發現連登其實真係好有愛 雖然好多都係鬧緊我但感覺似係想屌醒我 係鬧我既同時又俾解決方法同埋安慰我 好過啲損友多多聲

睇完終於明白 原來其他案件係告個方搵證據嚟告你
而洗黑錢係要你自己去解釋哂所有事情
咁我明點解借戶口個班會告到 因為佢地全部嘢都解釋唔到
我之前仲覺得佢地唔知情係冇錯

又咁講法律係社會嘅規則
社會嘅規則又唔一定可以直接同對錯掛勾

對於對錯可以每個人自己再判斷