點解劉備諸葛亮唔落軍令，叫關羽唔好攻樊城？

青樓落地生根，即你係祖先做雞？

張飛、馬超、黃忠、魏延、趙雲個個都有份打益州
佢自己企係荊州8年無任何戰功, 中間果d 青泥尋口荊城都係刮沙而且少少劣勢, 215年仲要比呂蒙攻陷過三郡
關羽218年其實都攻過樊城/襄陽, 不過比曹仁討走左

219年呢一仗難得有上天幫忙+東吳果邊陸遜新仔唔知乜水又夠客氣, 要all in博盡

魏強蜀弱 則聯蜀抗魏
蜀強魏弱 則聯魏抗蜀

咁樣東吳先可以立於不敗之地

關羽已讀不回

懶係英雄氣概最後激到張飛劉備輪流同佢死

所以三國最少fans 就係吳
完全搵唔到理由捧佢

孫權同班臣子冇睇春秋、史記、戰國策有睇既話都知蘇轍所講既六國論，東方六國為咗自身利益不斷互害，反過黎懶醒想利用秦國服務自己國家，最後個個都不知不覺令秦壯大，比軍力最強既秦逐一吞併，睇書讀歷史讀屎片

諸葛亮都知戰國七雄既教訓，孫吳仲日日發和平夢

兩邊加埋都未必收到魏皮

你叫漢朝既人
睇宋朝既六國論

樓上好醒

少fans 三國演義 同 光榮 係主因
其實唐宋詩人都勁鐘意寫 吳國 尤其周瑜同陸遜父子

劉備治下荊州民力地力係攻益州時已差不多耗盡，仲要再支援北伐班人民根本頂唔順，吳軍嚟到望風歸降就係因為跟吳國打少好多仗

所以成件事係治理問題多過戰略問題，北伐理應係策應牽制荊北魏兵，見好就收而唔係主戰場。

遙想公瑾當年 小喬初嫁了

signal危險，一陣有記者混入去洩漏曬所有軍事指令

關羽覺得自己都打到點解要俾佢幫，同佢分享戰果？
俾吳軍入荊州幫手，打完佢唔肯走點算，客觀效果同後方守軍投降一樣
冇理由主動送個背脊俾佢背刺
就算信佢真心幫手，見佢喺合肥柒到咁都怕佢拖後腿

吳嘅角度，蜀攞埋襄樊涼州，實力雄厚，更加驚對方到時大石砸死蟹

劉備做漢中王，孫權北伐失敗，聯盟雙方平衡打破其實就好難再繼續合作

因為關羽輸係比下屬背叛 唔係輸唔夠打

呂蒙陸遜誠姦賊，消為孫登為婦翁

演義都唔係正史
劉備同諸葛亮從來冇講過唔好攻樊城，俾得荊州關羽睇，就佢話晒事

你估個陣劉備唔知關羽打緊襄樊咩，冇俾過任何指示，即係默許佢咁做

開打之後仲還返長沙、零陵三郡俾孫權，名義上仲要同東吳結盟緊

打襄樊之前，關羽都有留後手，冇人估到咁都會被人背刺，麋芳係劉備大舅都投埋降

馬後炮咁講先話唔應該打，實情當時打到曹操想遷都，東吳如果醒水啲打埋合肥，曹操應該收咗皮

把他轟出去 不 可 能

題外 于和偉既演出係幾jeng

客觀講返三件事實
曹操就算有遷都都打消左念頭
徐晃係曹操中軍參戰之前已經打嬴左關羽 樊城解左圍
關羽係樊戰後期 孫吳突襲前 已經同時面臨兵源同補給問題,

襄樊之戰 基本上係敗局已定

孫吳舉動係動搖左蜀國根本, 但極其量只係加快左襄樊之戰結束, 並冇直接影響場戰爭既結果

最近隻三國無雙我玩孫吳先
起碼重女有孫尚香

有聲

女主角係張飛

三路進攻

冇諗過合肥個邊被張遼佢地以少勝多 局勢大轉

樊城有曹仁有滿寵守咽喉位 又係拖延戰