【Forza Inter】國際米蘭球迷討論區85

相信傾向留T99
但佢打法要轉
今年打法明顯好想融入隊波
好多時有得射都夾硬傳波想做比隊員
之後搞到自己無乜信心射

都要睇新帥咩陣
如果打單中鋒，咁就真係唔使咁多
唔覺得LM 杜林打到左右翼鋒

如果法比真係打4231
個1點都係LM
到時杜林唔打左翼就無位踢
另外迪馬高應該唔會踢得耐
迪馬高踢左閘 信心崩潰係遲早既事

Dimarco 進攻係好高質 但防守真係不敢恭維
如果真係要轉打4231 寧願佢打左翼杜林冇位應該都有好價可以賣 首選一定係留隊長

4231 布查蘭隨時有位岩踢 唔駛走

法迪斯都啱踢

咁我哋話晒都係豪門（不過係窮嗰隻），三年入兩次歐聯決賽，絕對係去英超頂級球隊又或者去拜仁、巴塞、皇馬之前嘅最佳踏腳石

我自己個人唔係特別想用法比加斯，首先用佢應該係代表推到重來，基本可以肯定係打433同4231，我哋又冇錢滿足佢？佢經驗少預咗要陪佢成長，肯定會犯埋啲戇鳩嘅錯誤，特別係意甲嗰啲咁不利我哋嘅環境。以佢做球員嘅名氣應該壓得住個更衣室嘅，同埋我哋更衣室問題應該唔係好大，但係佢點說服啲球員推倒重來呢個又係另一個問題。
最後一個係，如果佢真係教起咗隊波好大機會，以佢本身個背景應該好容易俾人撩一撩就走咗去其他真豪門，特別係巴塞

咁用佢都一定有啲好處，佢後生可能有啲新嘅戰術概念同埋激情。第二佢係巴塞人加埋佢以前踢波經歷，佢做球員跟過雲加、哥迪奧拿、摩佬，應該有學到嘢，加上佢應該係偏進攻型教練（我自己係prefer個教練要去進攻，冇成績起碼都好睇），佢會願意用後生仔（甚至可能寧願用後生仔，可能真係會有青春風暴）

基本上 有幾個球員都要走
J哥 阿奴 亞斯 mk
有機會走 d6 阿些比 大米安 比錫 杜林 T99

加拿大仔真係可以打翼，迪馬高冇乜速度同腳法，我懷疑佢冇位置

當佢低配版丹尼爾

4231我都唔敢講有冇佢位置，佢波底實在太差，如果打進攻佢應該冇圍攻嘅能力

依家得捷禾、韋拉揀，法比似乎已經係比較好，至少帶como去到中游都唔錯同埋依家話佢唔識睇餸食飯就言之尚早，如果佢要求太高，管理層唔會請佢
想當年干地走請細恩，都係有唔少質疑，相信馬老大

其實可以杜林打正前，馬天尼斯墮後打個1

阿斯蘭尼如果打4231可能未必要走

既然換教練，推到重來，我覺得啲老球員都係時候走或者退休，米希、達米安、阿切比、迪維積，32以上嗰啲可以全部走

帕拿甸奴，唔知係咪去真藍黑。細恩其實走得唔係時候，而家冇乜教練揀，全部好嘅都就業中

係，而家啲轉會停曬，要盡快搞掂個領隊，決定買咩人

但個克羅地亞仔到 同亞斯撞功能

破產版啦

拿同隔離分別傾緊kdb同摩笛
佢2個唔係普通養老球星，係SS級

佢兩個可以輪換，其實米希退休，5-6個人換3個位

我想簽摩迪，輪換好好用，kdb成日傷唔啱我哋

而家傳話可能會用U23領隊去頂住先，因為而家要急住打世俱杯

好似傾緊3m年薪左右摩笛踢法應該好難會伏
就算跑唔郁都仲有key pass

但世俱都可能打5，6場
啱晒新教練練兵

因為重點係時間少，未必傾得切新教練，加上係個杯賽可能新教練都未必想攞嚟試，試衰咗好樣衰