【Forza Inter】國際米蘭球迷討論區85

其實杜林本身都係咁踢，係而家走去做中間支點多。
而家隊波有幾個比較大嘅問題。假如仲係呢個踢法，對面逼得緊，地面猜唔到，運唔到個波上去，咁就要靠長傳畀前面高點去攞第一二點，而家球隊問題係攞第一點同第二點嘅球員，背身護波能力唔夠強，呢個情況咁就要有第二種踢法，前邊要兩三隻快嘅，長傳打身後，全隊癲狗咁上前迫搶，如果唔係就都攞唔到個波

我都認同細恩教呢隊波到咗頂，球隊資源係得咁多，只能少修少補，佢留隊一定可以維持聯賽競爭力，但慢慢會畀人睇住嚟食，今季都已經有呢個情況。歐聯更加唔使講。
不過換教練都係賭博，換完可能連呢個水平都去唔返，但會有新嘢睇，所以係視乎想穩定，定係想搏下

打長傳反擊，但前線冇突破能力又冇背身，加上左翼衛dimarco永遠反擊唔見人，都真難搞。呢啲情況睇到以前嘅盧狗夏雞幾適合隊波

一換教頭
大部分人都唔岩用
到時又要沉幾年甚至更長
不過而家決定權係細恩到

老實講，我自己係prefer 穩穩定定賺吓錢，保持差唔多水平，等搞完個球場有錢，先去諗大搞。而家意甲球隊係咁上下，意甲歐聯最近嗰次冠軍都係我哋，保持到差唔多水平就已經好好

而家成績要突破唔係咁簡單，仲要冇乜錢，如果隨便諗住搏，隨時好似隔籬街同羅馬咁要沉淪

最大見頂位，前季我地75+曾經長時間0失球
今季失少一兩場已經意甲到手

今季我覺感係細恩季初季中無乜輪換導致球員過勞崩盤
其次係某幾個主力成季都上唔到狀態
其實要衝歐聯應該係上季衝會好啲
起碼LM 同成條中場都好fit
細恩+呢班波而家要單線處理意甲應該唔會太難

米希上季已經開始上唔到力，其實睇中場三個，運動戰入球就知，中場三個特別係米希下滑得太快

隊波幾個骨幹太老,
要保持兢爭力一定要換血.

今季前面後備前鋒太廢.
除左9 10號之外基本上其他前鋒連入波都做唔到.
好似阿奴, 呢季有好多次如果佢生性事但入多一球, 我地已經羸左聯賽.

講到尾如果細恩留,
有馬老大,
聯賽keep 住at least 頭2,3 名唔係問題.
歐聯就算吧.

細恩嚟咗咁耐我哋net spend係排二百幾，有咁嘅成績其實真係冇咩好投訴

有冇意甲球隊之間既比較？

真 捱過ffp
仲要有意甲 3年入2次歐聯決賽
大體上無乜得好投訴
對比出面有心爭歐聯既球隊
我地既資金投入的確未配爭歐聯
贏巴 拜都係人地傷左主力 +上我地超水準表現先勉強贏到

下季 其實細恩要改變隊波既方式 對面打地面逼搶 後防大腳上前次次都8成比返個波對面控 而家連舊時既防反都無哂
後防體能已經去到頂位 唔換血搞唔掂
中場 MK恩都應該走 仲會唔會入人定係回購返法比安踢呢個位
前鋒 一直唔換/賣走LM 我覺得隊波都好難改變進攻方法 LM係國米進攻一個黑洞 禁區內組織無咩默契 埋門就唔洗講啦 速度上都輸比人
橡樹到而家都未傳搵賣家 由生意佬角度諗 要起球場應該唔會放咁多錢去轉會窗
最保守都係留馬老大+細恩 之後幾季搶歐聯位黎搵下錢 至到起成球場先再打算 or 期間轉到手有土豪接

我係一直都好想賣馬天尼斯，其實佢之前話做續份貴約嗰陣應該要賣咗佢，不過諗吓諗吓，我哋兩個前鋒竟然可以去世界頭十，就可以諗到而家啲前鋒都唔係好掂

應該係話lm要配個射手
就好似干地年代 配個盧卡古比佢
Lm開路造波比前鋒拍檔
靠佢數糊太唔穩定
入球轉化率太低
杜林可惜唔係呢種射手

我都同意我地咁環境，細恩留，繼續前四加歐聯出線，保持一定競爭力，努力搞點球隊同搵新投資者比較踏實。

換帥賭博太大，我地又唔係多錢投入，可以改變到嘅唔多。睇AC 就知

細恩最怕PSG D快馬反撃
臨決賽先玩保守地面妹波

抵死

國米要贏只有一種發展，就係PSG 攻唔入，國米反撃領先再死守搏突擊拉開，即係對巴塞咁

只要國米失波先，要轉攻，就係打緊自己唔擅長嘅嘢，就好難翻身。

PSG 部署得當，睇來會有唔少意甲隊會嘗試用呢招喺國米度攞分

細恩係走，就留低一份心意快d決定
出面其實仲有柏拿甸奴 莫達兩個應該岩馬羅達心水

係安帥部署完全將死左細恩
可能係4強對巴塞兩回合比晒啲野安帥睇
加上兩隊球員質素本身有個明顯差距
再加上我地班球員無個在狀態
大敗係好合理

🚨🚨 𝐁𝐑𝐄𝐀𝐊𝐈𝐍𝐆: Simone Inzaghi will meet with Inter board at the beginning of next week to discuss his future and potential EXIT.

Al Hilal are pushing to appoint him. 👀🇸🇦

Fab咁報應該可以Thanks and Good Bye 細恩

最主要係自己防守踢得差，睇返第一球，成班友跟波唔跟人，無保持個防守陣式，根本係好低級嘅犯錯，中間可以咁樣空曬，我真係睇到拗晒頭

我都已經唔想再睇replay
就咁睇呢張圖原來d2都包埋, 唔淨係迪馬
首先艾切比點解走到咁出, 其二b23呢個防守係成場縮影
唔係冇跑係跑唔到位, 身位中場放咁多空間比對面
第2球孤寒波又係on9

本身隊波就唔係佈越位陷阱，細恩亦都冇呢個戰術安排

鄧費斯就冇失位，佢搵返最近嗰個球員mark返都係正常

迪馬高就肯定失位，佢自己冇理由逗咁深，佢起碼係要跟返貼佢自己面前嗰一個，而唔係俾咁多空間佢走入去

阿切比又唔知做乜跟咗個波走出去，漏空曬十二碼點啲球員

根本就係好低級一連串犯錯