石田三成被斬首前口渴，衛兵給他一個柿子，三成說「柿子生痰不利健康」

就算係有地理優勢，打到最後我覺得點都係東軍贏，西軍好多勢力都唔想參與其中全部都係扮打下卡

德川都無咩選擇，可能佢都唔係好想果刻開戰，如果班25仔突然變曬唔肯25，咪主動散水

唔覺得西軍有邊個敢主動撲過去

西軍的政治聯盟根本唔穩固，無左共同敵人隨時即刻互咬

東軍->德川家康+服從德川嘅盟友
西軍->反德川獨大嘅聯合軍

所以冇咗德川呢個共同敵人西軍就冇咗結盟基礎
當然 騎牆/買兩面先佔多
所以德川家康都需要一場大戰逼班騎牆派一定要站邊

多謝分享，後者以前高登D人日日講。

點會冇
Speer

見字飲水 斬頭唔會比小兵笑

日本有個教授推斷小早川唔係後半時間先反水
而係佢一上松尾山城，西軍就判斷小早川係東軍
所以半夜轉移陣地，第二日首先同小早川軍開戰
東軍收到消息就跨過杭瀨川救小早川軍
毛利軍唔阻止東軍前進，所以東軍直接攻擊西軍側翼
西軍極短時間就戰敗

次次落注都落錯，眼光好差

石田三成個人應該幾善良，屌鳩加藤清正喺韓國濫殺平民
同埋又叫秀吉唔好殺基督徒

石田好似打韓國個陣篤過灰，話小早川秀秋濫殺無辜，本身小早川就憎鳩佢。後來石田開咗個空頭支票俾小早川，話贏咗就俾佢做百萬石大名，假到小早川都唔信，半推半就先落疊。

唔係比小早川係秀賴成年前做關白咩 空頭支票係人都識開

多謝指正，一時唔記得咗，所以小早川本身就唔信石田

三成的缺點，在於他不會做人，或者說，在權謀運用上少了一份人情味。他過於追求忠實而有效率的執行命令，而得罪了太多人（家康則完全不同，在關原之戰之前，幾乎是極盡能力籠絡人心）。當然，由於他正直的性格也有一票兄弟和他情投意合、全力相頂（直江兼續、大谷吉繼等）。他的家臣對他也十分敬重，在關原之戰中，雖然人數不多，但西軍中的三成軍是最有戰鬥力，而且支持到最後才崩潰的。但可能是因為少年得志，能力過人，三成處世上的確有太過自信自傲，沒替別人著想之處。打個比方，在小學班級裡可能都有這樣的同學存在：功課名列前茅，做什麼事都符合學校規定，總是被老師稱讚。其他人頑皮搗蛋總是他第一個向老師打小報告，和他吵架會被他說的啞口無言，想欺負他他就會叫老師把你叫到辦公室罰站。三成大概就是這樣的一個人。

呢樣野秀吉都屌
只可以講三成太老實

係啊，石田三成放喺現代社會，就係技術型人才，但絕對唔係管理型人才

另一方面，如果石田愛惜羽毛，豐臣秀吉都唔會重用佢，石田本身係做秀吉白手套上位，秀次謀反案已經得罪咗一大班人。

結果西軍最後輸咗，責任在秀吉，多過石田。

正直老實人

朝鮮遍地義軍都係多得班大名濫殺，本身日軍勢如破竹，朝鮮國王又拋棄百姓逃去明朝境內，石田可能真係plan緊點統治朝鮮

政治潔癖無得搞,又冇可能妥協
加藤清正如果係企向石田三成個邊
可能仲有得同家康鬥落去

一直覺得純粹將對秀吉既不滿射晒落三成到

題外話，日本未係時候統治朝鮮，明末東北係一個怪物房，日本打完朝鮮仲要打女真，打完女真仲要打察哈爾蒙古。萬曆衰就衰在屎忽痕幫朝鮮，打完咩著數都冇，反而俾努爾哈赤睇穿哂明軍弱點。

日本淨係馬種已經唔夠明朝嚟，又冇重炮。佢極其量係鐵炮佔優勢，但當時係冷兵器同熱兵器新舊交替嘅年代，好難話用鐵炮一項贏人，如果唔係明朝後來唔會輸得咁慘。

加藤清正當年試過打到去野人女真部落，已經俾當地人教做人。我係明朝真係外判俾女真落場，以夷制夷算。

但係加藤同淺野都keep住戰後親豐臣
東軍班友似真係想打鳩三成

唔好諗得人咁理性
唔係hr 就唔會係最乞人憎嘅部門

你個答案似乎解答唔到個問題

人人都等死，點解要努力？
呢個係人生意義問題

一日未死，都唔應該放棄

呢個係講緊喺漢字絕望嘅困境之下，其實都仲有生存落去嘅可能性（儘管呢個可能性好味）

咁毛利小五郎可能做到警視總監

加藤清正係秀吉屍骨未寒已經違背禁令私下同德川系大名聯姻
淺野長政受領甲斐,係東國德川系勢大既情況仲支持參與會津征伐
佢地真係會唔知家康咁樣發展最後只會將豐臣公儀取而代之

家康受封征夷大將軍源氏長者宣下,豐臣公儀已經唔係獨一無二
佢地既忠誠最多只係希望好似秀吉對秀信咁,秀賴保住清華格同幾十萬石領地,已經算對得住太閣老人家

福島正則 黑田長政的確係蔡巴係所謂，純德川派
但係加藤清正係慶長四年二月仲係支持前田利家責難德川家康一方？應該真係無咁反骨
（所以加藤清正嘅身後名比起福島正則係日本人眼中都好好多？）