石田三成被斬首前口渴，衛兵給他一個柿子，三成說「柿子生痰不利健康」

咁多件養仔 呢件養得最熟
其他都養唔撚熟

佢太後生無威望壓服班實力派家老
但係佢又想集權話事最後就攬炒
比內府大人食住上成為第二個比人KO嘅五大老

見到秀次咁樣比秀吉冚家鏟係尾張派都心寒

ching講得好中
本身係西軍贏緊 加上日本戰國不嬲玩衝殺主帥 就算之後大阪之陣德川10打1佢都差啲俾人衝死

但就算
西軍贏家康死->混亂割據
西軍贏->繼續打
東軍贏->德川幕府

性格上似係五飛做先
條友極端份子

反而想知西軍邊個真係做咗最多嘢
例如拖住其他部隊去主戰場之類

其實秀次嗰啲近臣若江眾嗰班 反而係傾向石田
所以嗰幾件冇腦嘅反骨 冇得洗

島津義弘係被人夾硬推上賊船
當時西軍有部分人係應德川家康召集，形式上參與上杉討伐戰，但石田三成舉兵迫島津義弘要立即決定

九州島津龍伯並唔積極參與，唯一既行動都係先保護島津義弘，再事後自己出家退位，交畀義弘個仔忠恆繼位，同家康講數；九州主戰場係北邊，趁立花不在而攻擊。

正

只能夠話德川家康中期開始已經只打勝算極大嘅仗
關原之戰本身東軍排兵部署上都奇怪
好似向住西軍安排好嘅袋口衝入去，圍圍吓大垣城就跟西軍一齊轉移去關原
但如果一早知道小早川就會做25，成件事就好合理

不過德川家康戰場上死亡，豐臣家都無力回天。毛利家點睇都唔係忠心，關原之戰只不過係睇住德川家康只靠政治手段就搞掂成堆大名，借石田邀請有藉口爭地盤

治部少輔好耐冇見你開post

仙石秀久害死佢個仔
結果理想既繼承者一死，元親就開始發癲殺親戚一門，就為左幫盛親鋪路

所以係西軍幾個大大名出功不出力（毛利 島津）又反水（小早川 吉川）情況
石田居然可以拉得成一隊睇落有機會打嘅大軍好難想像話係人緣差

應該唔係

「（慶長５年）７月15日付上杉景勝宛島津義弘書状」（ＤＢ…７月15日）の内容からは、毛利輝元、宇喜多秀家、三奉行、小西行長、大谷吉継、石田三成が相談して「秀頼様御為」であるので上杉景勝に味方する、としている。それに島津義弘も加わるということなので、７月15日の時点で、二大老・三奉行＋小西行長・大谷吉継・石田三成・島津義弘というメンバーが反家康で結束していたことがわかる。

http://repo.beppu-u.ac.jp/modules/xoonips/download.php/sg04605.pdf?file_id=8231

上杉討伐個時已經主動通水係自己友

係喎，睇返我個講法出處係幕府年代島津家既文書紀錄

9成9係事後島津家想洗白自己

入西軍我都係被迫架咋
我對內府大人好忠心

將長宗我部同其他並列

利長係對家康服軟但唔代表會幫德川出死力。佢已經係百萬石加賀大納言,唔通幫家康奪取天下仲可以增封做副將軍
伊達+最上+秀康已經同上衫相互牽扯雙方難以短期內有決定性勝利進入其他戰場

當然秀吉御諚留底既政治格局難以再維持。不過那怕保唔住地方藏入領同所有親豐臣大名不顧舊情,豐臣氏仍然係有數十萬石直領+秀吉兄弟藏金+大坂城+戰力馬迴眾點都未淪落到義昭咁

會唔會係石田自知得罪人多 冇能力指揮成個反家康陣營 所以拉壟煽動五大老之一嘅毛利去做領袖反家康
咁毛利同德川都係五大老 當然唔想家康獨大先聽石田三成支笛做西軍指揮 因為利益相同 都係要壓住德川
但如果石田想進一步控制控制毛利 你估毛利傻㗎咩

係鳥居元忠唔比島津入城先搞到義弘入西軍

後面幾認同 豐臣家只係名義上嘅共主
實際情況係秀吉死後嘅豐臣家同信長死後嘅織田家差唔多 信長班手下表面上支持織田家 只係為織田家搵最適合繼承人
實際上係借織田家家督做代理人擴張自己勢力
就算係最後「勝出」嘅織田家家督織田秀信都需要聽原本嘅家臣秀吉支笛

秀吉死後豐臣班細嘅都係擴張自己勢力
豐臣秀賴名義上係天下共主 但五大老已經各自擴張勢力 就算唔係德川家康其他人都會咁做
只不過秀吉死後家康透過自己政治本錢同手段比起其他大名最快壟斷大局
如果家康死左都只係換另一個有勢力嘅大老上

咪就係 大阪之戰 冇晒主心骨嘅情況之下
靠班二世祖仲可以拉到班浪人大隊同成個天下打返一場
何況如果關原贏咗 石田嗰班忠臣仲喺度嘅情況之下

豐臣點都唔會咁易收皮

近代啲學者睇返當時東軍嘅佈陣，好多都話唔似係一個久經沙場嘅人會做
好似係要西軍覺得「有得打呀喂」而佈咁

關原古戰場係四面環山嘅盤地，實際去現場行一次就知西軍佈陣優勢有幾大