（三國）遼東公孫氏有冇機會好似五胡前燕咁用遼東之地反攻中原

咁點解 荊南國 , 北漢 咁廢又可以計入去??

同樣地, 十六國都係一樣
西涼國 咁偏遠都計.......反而西燕曾經佔領長安 就唔計

士燮 無稱帝

但公孫淵真係 稱帝建國

公孫淵邊有稱帝
燕王咋

應該無關
又或者係好早嘅時候係同宗，但係到東漢時期已經分族
原因係公孫瓚係令支當地係半個豪族，得當地太守賞識嫁女，又拜到盧植做老師，家底有返咁上下，後來仲要舉孝廉做長史

但係公孫度依支要走佬去偏僻嘅玄莵跟遼東當地嘅公孫琙搵食
最後因為董卓聽佢同鄉徐榮推薦（違反三互法嘅情況下）任公孫度為遼東太守
如果公孫瓚公孫度真係同宗好難想像點解公孫度父子要走佬去玄莵而唔係遼西

都係，呢個先係核心

純FF

曹操打完河北到司馬懿平遼東都過咗n年，證明曹魏根本懶得勞師動眾去搞佢，地理上又唔係兵家必爭之地，人口又冇乜，如果唔係公孫淵作死會唔會有機會苟落去？

如果公孫家長期同中原政權結盟，然後走去朝鮮半島發展有冇得諗？

公孫淵死埋
應該曹氏就叫佢d仔入朝升官
再換人做遼東太守

可能會變土司咁

好似 播州楊氏
由唐朝到宋朝, 到元朝, 到明朝.....楊氏家族割據 超過700年, 一直無事
係楊應龍 條傻仔造反, 被萬歷帝消滅

五胡到南北朝真正排得上頂級嘅勁人隨時多過三國

到鮮卑強大左之後已經玩完啦

唔係隨時，係一定多過，漢末三國得幾十年，五胡到隋有三百年。

可能係西晉大亂的蝴蝶效應
始終好多中原漢人向外逃難，高調親晉的鮮卑吸收左部分難民，漢人的治國行軍知識都流入王庭
曠日持久的戰爭係天然的戰爭實踐

最先崛起係劉淵可以話係當時的名士，由西晉官僚體制入面出黎，石勒有漢人張賓相助

西晉不亂，外族的發展走向應該同兩漢匈奴差唔多

難講，當時全球氣候變凍，唔止晉朝被蠻族入侵，西羅馬都俾阿提拉打到土崩瓦解。

五代十國既勁人都可能多過三國啦

只係無人留意

西羅馬唔係比阿提拉打到土崩瓦解
事實上阿提拉個仔一個比日耳曼人殺死 一個比東羅馬軍隊殺死
西羅馬滅亡嘅原因係日耳曼王國瓜分曬西羅馬嘅經濟重地日 加上馬約里安派東羅馬同西羅馬去北非嘅十萬大軍比汪達爾人打到全軍覆沒羅馬人先真正衰退到東歐

去做海賊王仲好
佢啲水軍勁過孫權，真係玩緊日本海貿易

懶巴答咗你，都算間接衰喺匈人手上嘅

其實嚴格上黎講匈人係羅馬人眼前真係唔強
匈人戰鬥力係強但係文化太落後（比匈奴人仲要落後勁多），唔似日耳曼人咁大威脅
沙隆一戰其實已經打崩左匈人主力，如果唔係西羅馬想制衡西哥德人阿提拉可能已經gg左

沙隆戰役的確係阿提拉生涯嘅大挫敗，但整體嚟講，西羅馬嘅衰敗其中一個原因唔算係匈人西推，令到更多嘅日耳曼人西遷入羅馬，導致一連串嘅骨牌效應咩？

西羅馬帝國一開始已經係吊命mode

日耳曼人都無咩文化姐 同羅馬相比的話
但日耳曼人口多好多 又湧入羅馬 羅馬已經控制唔住

嗰期東西方大帝國嘅沒落走向都好似