你其實可以直接叫佢用廣東話教你嘢
你想學數理化？ 隨時AI可以一步一步教好，絕對唔會好似真人老師咁又會嫌你煩又會閪鳩你
你想學語言？ AI隨時可以即刻俾回饋你，無論咩語言都可以keep住同佢溝通同佢學，唔使再嘥錢去出面嗰啲低質學店，最重要係AI甚至仲可以話俾你知唔同國家嘅文化同埋歷史，等你學得更加全面
甚至你想學Programming IT知識？AI直頭教得仲好過真人
都係嗰句，我其實好耐之前都抨擊過教育系統，唔係淨係香港講緊全世界，除非你本身係權貴或者有錢家庭，如果唔係根本學校系統就係教緊人做奴隸，讀書完全唔係要發掘學生嘅興趣或者強項，而係不停埋沒人才
而且事實我真係遇過好多老師都係仆街嚟，雖然我算係幾幸運冇乜點樣俾人仆街過，但係我就眼見好多人係俾個教育系統搞到好辛苦。就算我而家做緊part-time助教，都大把完全冇品德嘅老師喺度教書
每個人嘅長處都唔同，即係舉例有啲人數學好渣，但係佢藝術方面非常出色，咁咪俾佢專注喺佢長處方面囉，點解一定要一個人乜嘢都係好勁？ 點解有啲人數學或者英文其中一個科目費就要俾人踩？ 最重要係啲老師有冇反省過自己係咪真心有好好咁樣了解或者教好一個學生？
返學就係不停操卷
考咗一大堆考試，但係結果完全唔會融會貫通嘅 根本本末倒置，都冇學過嘢，淨係學過點樣攞分翻譯AI如果你好好善用佢，佢甚至仲可以同你討論好多社會哲理嘅嘢，我亦都有試過問佢可唔可以俾啲例子我微積分喺現實點樣應用，佢已經講到一大堆好有趣嘅故事。 比着我細個讀書？稍為問啲點解數字唔可以除零，啲老師淨係會話你記住就得考試高分就得
大部份人人生就係嘥咗，起碼20幾年時間喺學校，學埋啲你唔等使嘅嘢
都係嗰句，除非你有錢囉，有錢佬學校又真係唔同啲嘅
