年輕人把ChatGPT當人生攻略器！OpenAI執行長Sam Altman：超過35歲完全跟不上

將自己資料送晒畀AL，同除晒衫褲畀AI睇有乜分別

廿年前嘅網絡世界都係冇保護個人資料嘅意識，之後 keep 住爆鑊先培養到現代人喺網上保護個人資料。當然都可以理解成年輕人習慣咗現代網絡公司嘅資料保護，唔認為有洩漏嘅風險。但係 AI 會唔會攞你上載嘅資料成為佢 database 嘅資料，網絡世界上有人問就攞去答，暫時係未知。理論上做到隔離，但係現行嘅公眾 AI 工具係咪咁做就未知。之前係咪話 Samsung 有個泡菜仔 upload 咗公司獨家技術上去最後變咗公開。我依家用佢都要先確保畀佢嘅資料冇嘢可以洩漏

夠錢買冰杯未

公司都join咗chatgpt
每個staff都有自己account玩

廣闊都好嘅，起碼知道呢個世界有咩存在，容易搵到自己覺得有趣嘅去發展，到時再喺返嗰行深入研究

我已經唔敢想像，如果成長時冇互聯網，我會學少知少幾多嘢

智商稅冰杯留返畀你依啲腦殘柒頭買啦

認真睇你點用
如果係齋學術上嘅嘢，我夠膽講ChatGPT已經聰明到起碼碩士生水準

我讀工程系，幾乎你問佢數學嘅嘢甚至微積分嗰啲佢100%啱（只要你數值冇錯） 物理嘅話佢由一開始啱啱推出ChatGPT嘅時候做到一坺屎咁，去到而家準成度已經接近八成，如果你用得更加仔細，直頭真係100%啱

甚至比較難啲嘅電學，你只要將啲數值分類得整齊啲，甚至你要計電路圖，你將啲路徑圖畫得好少少放落去，可以同你分到清清楚楚 甚至每一個Step都好仔細話俾你知由頭到尾係點樣做

我覺得如果你哋好好善用用AI嘅話讀書根本就可以自學，甚至AI教得好過老師，起碼老師都有個人情緒，亦都真係有所謂嘅教畜，甚至有啲老師臭閪啲又會偏心又會特登玩鳩佢唔鍾意嘅學生，但係AI唔會

正如好耐之前人類發明計數機都俾人屌，畫計數機機會荼毒下一代啦又話計數機會令到人類唔識思考 結果而家咪又係演變到大家係學習點樣同計數機共存 所以我覺得未來日子AI都會變咗計數機咁

而且咁樣會令到啲知識普及化同埋免費，老實講，如果用社會角度，學校根本就係奴隸制度再加呃錢系統，我自己都係大學生，亦都喺學校呢個系統入面玩咗30年（因為仲要讀埋Master）老實講，真正有意義或者有價值嘅時刻根本唔多，我鍾意學習，但係我唔鍾意返學，我覺得AI反而令到人類可以自學到更多實用有用嘅知識，更加有效率

我因為有時都會part-time去大學做助教，最近備課發覺，用AI極高效率，我直頭將啲學校嘅PowerPoint或者Lecture note成份File放入去AI，叫佢幫我總結啲知識點同埋將唔同嘅圖形公式全部列舉晒俾我

結果啲效率又高又準，直頭有晒步驟咩數要點樣計，甚至仲可以叫佢安排埋啲生活例子等我可以上堂講解俾學生，所以我反而唔反對AI

唔係AI嘅問題
問題係OpenAI

OpenAI個CEO過橋抽板馬一龍呀嘛

我主要淨係用ChatGPT ，Grok 成日有咩idea都會輸入落去又會久唔久當佢維基咁用學吓嘢 其實幾好

有好有唔好
網絡爆發多咗好多內容農場
資訊氾濫得制
寧願去睇YouTube 等快餐都唔會睇書
（YouTube 同AI都一樣有人去幫你做summary)
慢慢會演化到skip自己思考推敲個過程
絕大部份人都係平民 根本就唔想去研究啲咩知識

得罪講句 我而家比架戰機畀你
你最多咪又係識畀油向前行 起飛都做唔到啦
唔通隻嘢又係垃圾咩
有時唔係工具嘅問題 係人嘅問題
你覺得佢廢 只係你唔識操作啫

雖然ai 下下trust me bro係一個好大嘅問題
但你又唔好講人就啱曬咁樣先

你諗下小學啲老師 9up多撚過呼吸啦
小學生嗰個年紀 老師講乜就信乜 咪又係吸收曬啲錯嘅嘢入腦

尋日睇到篇講semi-Dirac fermion嘅文
就叫GPT講解吓
短短一程車入面（仲短過你去上lecture)
Material Science入面嘅應用潛力 理論物理學入面嘅代表意義 甚至乎想layman啲 學十萬個為什麼解釋相對論咁樣生活化少少去理解呢粒fermion 再可以俾幾個實驗例子睇睇應用上研究到咩地步
問心 真係教你書嗰個都未必涉獵到咁多範數 可以咁macro去理解一個概念 仲要paper都唔係即時cite到俾你

只要你語氣指令設定得好 直接copy GPT gen出嚟嗰篇文已經可以教書

AI正正就係一個可以激發你思考嘅工具
我敢講 而家呢個moment正正就係開始收斂返網絡資訊爆發呢個亂象嘅轉捩點

絕大部份人都係平民 所以學術教育嘅目的本來就係要篩走呢啲平民 將資源集中喺精英身上 而AI普及就可以將呢個篩選過程擴展出去 精英好自然就會識得用AI去提升自己價值 去接觸到一啲本來你要用好多年時間考大學先會接觸到嘅資源

點解香港仲要用vpn先用到咁落後

唔好同脫節既人吵
老人家話汽車難控制，一個鐘頭都出唔到鎮
所以都係馬車好

而家係咪真係好多大學生會用AI做功課同論文

慶應大學直頭考你識唔識用AI 專登set啲題陰你 睇你識唔識防範hallucination

matrix

未中過招咪唔怕

係，而且因為自己都有做part-time助教
老實講，老師都係人，好多老師都係會偏心或者特登針對某啲同學，大學就更加多，遇到啲冇咁聽話嘅學生直頭佢哋個權力大到可以屈死人哋平均分Fail人哋

而且好少有老師係會好有耐性幫助啲弱勢學生，再加上唔同人口唔同性格，理論上一種學習方式係冇可能適合晒所有人

所以我反而都幾支持AI ，你用AI自學佢係會不厭其煩，甚至每一個步驟點樣樣去學佢都plan好晒俾你，而且你哋試吓將自己學校或者上網download啲教材百幾頁嘅PDF放入AI，佢可以即刻幫你總結，仲會可以分享好多日常生活嘅嘢掛鉤返你想學嘅知識話俾你知點樣融會貫通

又唔使睇人面色，想學啲乜就隨時學，而且問心我真係唔覺得大部份大專院校嘅教學質素好高，浪費時間金錢不停磨啲好無聊嘅知識，所以我反而幾支持AI，只係當然工具嘅嘢要用得其所，你太過濫用或者喺啲無聊地方咁就冇得講啦

尤其你想學嗰樣嘢嘅source係華文世界冇人整理過 你就會好admire當代AI 嘅出現
我想學演戲嘅發聲技巧 真係得英文同日文有整理過 仲要日本聲優課程係更有加有科學系統
雖然我本身識英文日文 但唔係母語 理解起上嚟真係有難度 有AI翻譯真係成個世界唔同晒

推敲過程係學出黎唔係自己領悟
香港教育就係無教點樣有系統有效率學習
好多所謂既推敲過程根本就磨爛蓆
死操爛操past paper