.
關稅亂象太多，同大家拆局，睇吓呢場中美關稅大龍鳳，侵侵（Donald Trump）同美國佬究竟係「贏到開巷」定係「輸到甩褲」？
.
有啲人喺度猛咁嗌「中國又贏了」、「美國跪低」、「侵侵冇符」，話咩談判達成協議就係雙贏，唔好講邊個輸邊個贏。
.
本來都費事拆穿人哋啲「愛國SHOW」，話中國冇輸，大家和氣收場咪好囉。
.
但係呢，睇到有班人七情上面，指鹿為馬，火都嚟。確實有責任同我班讀者朋友，釐清返個基本事實：
.
第一階段關稅戰，侵侵同美國佬有冇輸？
.
首先就咪俾啲表面數字呃到，要睇真啲關稅變化。
.
大家唔好淨係睇個標題話咩關稅由145%劈落50%就以為美國佬「大讓步」。
.
我哋睇返下面張圖（中美關稅爭端時間線）計一計：
.
侵侵開波個價： 記得侵侵一開始舞「對等關稅戰」嗰陣，想扑中國幾多稅率？係 34% 。如果再夾硬砌多個所謂「芬太尼懲罰關稅」20%落去，咁就係 54%。呢個先係侵侵條「底線」，或者叫「開波價」。
.
依家中國實際「硬食」幾多： 呢輪「日內瓦談判」傾完一輪，表面上中國商品關稅由最高峰嘅145%（4月11日），降到依家協議嘅 30% 。但咪漏咗計嗰20%嘅「芬太尼附加費」呀！所以，30% + 20% = 50%！
.
結論一： 由侵侵最初想起釘嘅54%，到依家實質嘅50%，中國商品實際關稅只係象徵式咁減咗 4個百分點！少咗嗰雞碎咁多，你話邊個贏？
.
美國貨去中國又點呢： 以前中國對美國貨徵15%關稅 。雖然貿易戰期間一度加到癲（最高125%），但依家傾完，中國對美國貨嘅關稅減到 10% 。美國貨嘅關稅足足減咗 5個百分點 （由15%減到10%）。
.
結論二： 美國佬徵中國貨50%稅，中國徵美國貨10%稅。你話，邊個企喺度，邊個跪喺度呀？條數小學生都識計。
.
嗰班「離岸愛國KOL」最叻就係捉住個145%嚟打飛機，話侵侵由145%減到50%就係「大敗走」、「跪低求和」。你估侵侵真係傻㗎？開天殺價，落地還錢，街市佬都識啦。
.
所謂「獅子開大口」，嗌個天價（145%）出嚟，嚇到你鼻哥窿冇肉，然後再「皇恩浩蕩」咁減返啲俾你，等你覺得皇上開恩，仲要謝主隆恩？呢啲談判技巧，中環啲Deal Maker日日都玩緊啦！侵侵同美國佬由始至終個目標就係要鎖你喺50%左右，依家完全係「達成既定目標」，仲唔係淫人妻女笑呵呵？
.
「大外宣」任務艱鉅，要幫手安撫吓大眾，將敗仗講成勝仗，說好中國故事，唔係容易。
.
最後都係果句，睇中文媒體或好，外媒都好，睇嘢唔好淨係睇表面，更加唔好俾人帶風向。要識得自己計數，先可以睇清楚。
.
想知更多呢啲「國家級」財技博弈，點樣拆解啲煙幕彈？關稅戰點㨂股？Patreon見。
https://www.facebook.com/share/p/15JgfcJUX1/
自己知
都要食草
