[本地足球] 2024/25 港超聯、亞冠二及香港隊討論區 (233)

冇嘅，作為一個呢幾年都嘗試推人入坑睇女足嘅人，由Day 1開始都唔認為瑩花會帶動到喺香港嘅女足熱，更加唔好講香港隊女足啦。

Viu咁多年搞show嘅心態大家都有眼睇，都係短炒型咁炒起幾個月熱潮就算架啦，瑩花會有分別？佢哋not even想將瑩花呢隊波作為長期企劃咁run落去架啦。同埋好簡單，今年女子歐國盃年，係真係有心帶動女足熱嘅其實會係宜家先開始做呢場show啦。但Now直頭連歐國盃都冇攞返嚟播，都好明顯就叫我哋唔好FF咁多啦。

我講我身邊識得一個例子，車迷+港足狂熱fans，係港隊作客都會跟埋去嗰堆人嚟。《足球女將》出街嗰期佢都有追架，但有冇令佢開始真係睇女足？問佢車路士女足今季喺WSL踢成點，或者嚟緊香港女足有咩big game，佢都應該唔會答到啦。

希望佢有mon post嘅唔好介意，唔係blame佢或者情勒要佢睇女足盛盛，只係想講搞場show嘅都冇諗過呢個方向去推女足，而有追瑩花嘅人都好少會因此對女足有興趣而開始睇女足。冇期望冇失望，風氣嘅嘢唔係咁易推到。少咗人講埋啲九唔搭八嘅嘢已經還得神。

足球女將起碼令人識多左香港女足
最少有出鏡果幾位知名度都高左
呢啲野要慢慢build up，唔通你想個節目一出街就個個追女足嚟睇咩
我好坦白，本身冇乜睇女足，淨係識煒琪阿K少數女足球員，睇完足球女將之後而家都會上網睇英超女足南韓女足日本女足呢啲，世界女足都用左好多年時間先慢慢多人留意，香港連港超都係小眾野，諗住一個節目可以帶到全城追女足仲要係五人足球，未免諗得太多