33遠征隊今年冇goty既話

其實都已經講過好多次TGA GOTY係睇果班媒體口味去頒獎而唔係睇大眾口味

今年目前媒體評分最高的確係33遠征隊，但係要睇埋下半年會唔會突然殺出隻黑馬攞到更高分

咁我就唔信你可以睇得晒同隻驚有關既comment囉！
點都好，係我意見！無所謂！BYE！

有時間就KC2 但預左頭十個鐘好難捱
冇時間+有game pass就33 快入局好多
兩隻都係玩到停唔到手

我pc用steam玩 冇game pass 會有咩影響?

咁去玩戰神黃昏算罷啦
咁去玩往日不再算罷啦

索尼遊戲都係咁上下啦

清小學畢業未？

睇班友啲口吻就知唔係太突破，正常請晒出trip 如果係超正一定讚到天花龍鳳

會貴2舊水同埋Sandfall Interactive會多一份銷量

等睇走數

講JRPG, 人中8仲正

可能會係dk猩猩呢

呢隻值得俾錢支持

人中7,8 都白金
都覺得佢轉左rpg 玩法係唔好玩囉
8強迫地城又悶又徙時間
變化又少

改革定義係喺既有foundation 入面作出增加/ 刪減 令後來者可以有個更完善嘅制度跟從
而33嗰種加入 just parry, QTE … 係之前已經有一堆例子 33不但唔係改革者 佢甚至只係之前改革性jrpg 下既受益者
以受歡迎程度determine 某一遊戲係咪改革性係你一相情願嘅諗法

我唔知你發揚光大定義係咩
可能你只係講緊多人玩 甚至連你呢啲少接觸jrpg 嘅人都有玩 如果係咁native 嘅講法當然無問題
事實上sea of stars 都過600萬累積players 重贏埋best idle game 你無聽過可能只係你睇開嘅media 無煲大佢/ 你無興趣直接碌走咗 (重有其他jepg例子其他人都有講我唔再重複)
但如果你係講緊33會帶領一個新既jrpg 潮流/ 令jrpg 受眾增加 我有所保留 至少唔會係一個而家可以判斷嘅命題
有創新性大作一直都有 e.g., BG3, DS 佢哋當時嘅話題性唔會比33細 但係咪真係帶領咗一個新潮流？你見而家有幾多新game 係用佢哋佢玩法又成功？

33絕對係佳作以上 但佢嘅好 相比起jrpg同戰鬥系統更多係劇本、音樂、特效、風格全部配合一齊整體嘅出色（劇情佔最大部分） 亦唔見33嘅支持者係因為戰鬥系統入坑 事實上都有唔少問題：延遲、過份着重just guard 令配裝配技嘅策略原素比例大減
少接觸jrpg 有新鮮感或者從just guard 拎到爽快感同整體戰鬥流暢而欣賞個戰鬥系統當然無問題 我都同意整體上33個戰鬥體驗感稱得上上佳 但要夾硬戴晒高帽又改革性創新又嘜又乜就不必

其實呢，你話我嘅定義錯嘅時候，我嘅諗法係一相情願
點解你唔證明下你嘅講法就唔係一相情願嘅

你同前面拗嘅人一樣，將改革放在喺第一個創新嘅人身上
而其實改革係喺推翻範式嘅人嘅身上
傳統JRPG嘅範式就係「即時操作唔可以重過戰略」
而33就正正係打破依個迷思
佢唔係令本身鍾意戰略嘅JRPG玩家愛上即時操作
而係令本身鍾意即時操作嘅玩家感受到JRPG嘅魅力

喺steam 33嘅評論數係sea of stars嘅5倍，講緊出咗半個月
另外就係33上到國際舞台

「如果你係講緊33會帶領一個新既jrpg 潮流/ 令jrpg 受眾增加 我有所保留 至少唔會係一個而家可以判斷嘅命題」
我覺得你要認真睇下條Thread嘅第一句
「33遠征可能係帶起JRPG嘅改革」
寫得好清楚架喎，我唔係先知，並唔係判斷佢一定會發生喎

0至6代個動作出咁多代咪又係垃圾而且8代係最快過百萬銷量

定義隨便搵下就有
https://dictionary.cambridge.org/dictionary/english/reform
https://www.merriam-webster.com/dictionary/reform
https://pedia.cloud.edu.tw/Entry/Detail/?title=改革#:~:text=主詞目-,解釋：,革新、變革%E3%80%82
33玩法同特色喺之前遊戲都出現過 佢只係強在將唔同特色好好咁融合到一齊
既然無加入過新嘅元素 又點’可能’ 做到新一輪改革帶領者

你所謂嘅嘅迷思其實一早俾之前嘅jrpg 打破過 只係其他game 唔夠hit你第一隻接觸嘅係33 咪以為33係第一隻打破迷思

600萬player, best idle game 都打唔出國際定係打唔入你個’國際’啊; 33係一個佳作 亦都係話題之作 亦hit 過之前眾多 你可以話佢係jrpg 改革下嘅代表作、推動者 再多就只係你本身無了解過其他jrpg game

最後又俾啲小品/小朋友game贏
然後又一大堆人話係好game

鬼知你拎乜嘢定義
前面講緊點樣嘅GAME可以達成改革，你講改革係乜
咁點解發揚光大嘅人唔計改革者，而只係受益人？
隻game唔夠受歡迎，撼動唔到個foundation，點樣達成改革？
你POST嘅定義有講依啲？
我哋講嘅TGA完全都係商業作品，要撼動foundation
講到尾就係隻GAME撼動到個Genre嘅主流

唔講定義，咁你認為JRPG嘅foundation係乜？
我認為有個位就係「即時操作唔可以重過戰略」
不如你講下邊隻JRPG 即時嘅parry同迴避係咁重要，撳唔到兩下就團滅？
而你講嗰隻JRPG又出唔出名？

33號就係做到JRPG現代化嘅演出
用Polish嘅3D動作模式一隻有少少似隻狼嘅防守系統

再強調一次，一個改革唔一定係創新，甚至復古都可以一場改革
魂系一樣為動作遊戲帶嚟一場改革，但你冇辦法拆魂系嘅元素然後講佢有乜嘢創新

LOL 改革個詞你創？你鐘意點用就點用？
改革個字嘅定義就係到 33做唔到咁就佢無論再好玩都唔qualified as a 改革者

33戰鬥個feature 即係你所講嘅破咗’回合制game即時操作唔可以重過策略’ 其實咪就係將real-time combat 融入咗 turn-based combat 到 用sea of stars 做例子就係因為佢喺呢幾年入面做得最出色嗰隻 33未出嗰陣時外國已經大把討論緊呢2隻嘅比較 甚至再舊啲嘅paper mario 係你唔知啫
根本real time parry, evade, 㩒combo喺turn-based 入面早就大把 你唔識嘅可以去ai問下先嚟高談闊論

又問出唔出名、主唔主流 你搵到一個source 改革既定義包含出唔出名我咪同你討論囉 33又有幾主流啊 BG3當時重hit 過33喇 幾時又做過主流game? 你又話你唔係先知 你又知33之後所有jrpg一定變倒模33?

魂系有無創新你去同啲魂學家指教下咪知；先當你復古都可以叫改革係啱 但復古都係講緊將已廢除嘅重新加入現存系統 33又重新加入咗啲咩？parry失敗會即死？ 你刷高少少lvl切菜咁切啲boss喇 大把其他game 打boss parry失敗都有機會一下死喇 定33癲到卒仔都parry失敗就會即死？我打苦戰都唔覺喎 我真係完全唔明白點解你覺得33既所謂’改革性’係在於呢點 你問10個人 相信10個都唔會得出到呢個答案

而家討論嘅位係點樣嘅遊戲可能達成genre嘅改革
用你嘅改革定義去講，點樣嘅作品可以達到改革一個game genre？
我肯定你post嘅網係冇講

「即時操作唔可以重過戰略」依個位
33係推到好盡，變咗即時操作遠遠大於戰略，Parry嘅收益極大
依個係設計思維嘅改變，就係改革嘅重點
並唔係好似你咁執著啲系統元素
「乜乜曾經用過啦，唔係新嘅嘢就唔係改革」

我從來都冇話我知33係改革者，我一直都係寫可能
我亦從來冇講33之後所有jrpg一定變倒模33
用返你個網嘅解釋

改革的觀念，在西方受傳統文化影響，對宗教、倫理和政治等一反容忍的態度，產生改革的意識，自中世紀萌芽，至十五世紀前後，首先出現了馬丁‧路德(M. Luther, 1483～1546)的宗教改革，創立新教，改變了天主教會的若干措施和弊端，也改變了一些信仰的方式。

改革並唔一定係令到舊模範唔存在
其實係你一直打稻草人

你再再睇清楚句嘢「33遠征可能係帶起JRPG嘅改革」
個起點就係設計思維嘅改變

傳統JRPG嘅範式就係「即時操作唔可以重過戰略」
而33就正正係打破依個迷思
佢唔係令本身鍾意戰略嘅JRPG玩家愛上即時操作
而係令本身鍾意即時操作嘅玩家感受到JRPG嘅魅力

關於「大把其他game 打boss parry失敗都有機會一下死喇 定33癲到卒仔都parry失敗就會即死？我打苦戰都唔覺喎」
不如你睇下#58嘅正負評數，你係小眾定我係小眾
你覺得大眾諗嘅嘢就係啱？

先年頭咁快開始燈 11月前老任是但整隻大作都可能收你皮

death stranding2有重大突破

新GAMEPLAY講今集會多好多人同人嘅戰鬥

你話33可能可以改革 我就舉出咗改革嘅定義俾你聽33並不附合 證明33可以嘅責任喺你到 你一係就拒絕接受定義 但要有convincing嘅solid ground 唔係你話係就係 一係就證明33附合原有定義

再留意返 你第一段講完改革性嘅game 要撼動到genre 嘅主流
咁主流得過去、現來、未來3種 相信你又未天馬行空到認為33會帶領過去嘅主流
帶領而家同將來最直觀有2種方式 1係囊括大部分受眾 1係就影響遊戲生態
而家嘅事實就可以睇到 33充其量係具話題性同hit 以上任1都做唔到
剩低嘅得返未來嘅主流 你又話你唔係先知
主流同出名2個概念都你引入 我咪用返你嘅概念同你講你定義下33都稱唔上改革性
Straw man? 上多2堂logic 先學人出嚟拋書包喇

當然你可以又龜縮話你話只係可能 即使證明咗33唔具改革性都唔關你事 我就係同你講你嘅所謂可能係基於 1 對改革定義上嘅誤解同扭曲 2對jrpg 發展認識不足 無足夠理據支持下單單用自己玩過1隻33嘅經驗就話33可能係回合制jrpg改革者咪即係單純9up