P牌仔柒野分享

唔熟路就望預先望街景圖
同睇路牌
我由細係油尖旺大 所以啲路可以話唔複雜
但去撚到銅鑼灣 我一早睇地點入 唔鳩識
新西全九龍我都OK 反而新東 上水大埔同港島就要望一望先識行

好之後練習下
睇到俾油入依到就明點解啲人話細車難cut線

睇得多車cam group好驚閘到人俾人1823

爽手d 踩油出

迴旋處就行外圈，螺旋處跟返指引咁行
唔係鼓勵外圈L但新牌首先係唔好出意外
如非必要唔好懶係守規矩行內圈搵自己嚟搞
入圈前要望清楚隔嚟線車輛嘅動向
假設有車同你並排入，你就會有意識望側鏡睇佢點行
反而唔好不停望住側鏡，眼望前方最重要
仲有一招龍sir有講過我覺得好有用
就係行外圈嗰陣要禮讓內圈行先
一來係變相佢做單檔幫你入圈
二來內圈正路會行得快過你
你比佢行先佢就一定會喺你右前方
你會更容易觀察佢嘅動向

匯合同cut 線一樣
首先你要有一定穩定到同主車群車速一致
由零到50 同50定速50匯入係兩回事嚟
如果你零到50 基本上你由鏡睇到嘅嘢 應該係一架車都冇（或者熟自己架車加速性能） 唔係大概限速五十嘅路段 應該要預留四支燈柱位置 唔好覺得 仲有好多距離
畀個例子你
https://maps.app.goo.gl/xU8N1Vm6Y4f2nAT2A?g_st=ac
呢個位 去到由高速落嚟嘅出口 你望到好似好望 如果一架jazz 由零起步 係圈中嘅車行到五十 正常圈中嘅車過咗高速嘅出口嘅車 jazz 嗰吓起步 圈中嘅車唔收係會撞到
換句話 呢個位 除非tesla launch 彈射出去 三秒破百 秒幾兩秒就五十 咁就冇問題
你融入返 匯合同cut 線 如果你停咗係度 基本上就要預好多空間
但如果你同主車群差唔多車速 就可以打燈 望住鏡 見到夠嘅位就可以cut 入 車速over 少少 就要留多少少cut 入空間
cut 線匯入一率要車速 仲要畀油 唔係踩個迫力 踩迫力減慢係仲危險 因為後車見你慢或者停 佢未必畀你 因為你夠唔應該出 如果你咁樣硬出 搵食車會多謝你 唔係搵食車都好 如果經驗夠 主線車見後車貼 左右線冇位走 就算夠剎車距離 佢都未必急停 最多減慢撞你 最少唔會被後車撞到失控唔知去邊 仲傷過唔撞你
係條路 匯入成日見人明明前面吉嘅 你cut 入嚟踩咩迫力
我知 揸車要識停 但高速係條線就唔可以停呀 大家都七八十架你慢到三四十邊個等你

我講得唔好 慢慢 i 過去的意思係壓線... 唔係車速慢
sor for 1999

咁當然慢慢入係好處
我只係補充姐

Thanks ching 教路.

舊式迴旋處，即係我行緊外圈時，內圈同時有車行緊的話，我就讓佢喺我右前方，唔好快過佢，唔好同佢並排或爬佢頭，咁就可以睇清楚內圈車既動向，佢打左燈有意切外圈出主路時，我收慢d讓佢出先，佢出左我先繼續轉。係咪咁既意思？

嗯，另外你講得啱，對於迴旋處，我應該做翻外圈L一排先，慢慢捉翻好行迴旋處既感覺，熟咗再練行內圈出。之前行外圈俾內圈車撞左之後，依家入親回旋處都驚驚地。

假設車速一樣，你哋一齊入圈的話，內圈車一定行得快過你，所以唔需要專登行得慢過佢，正常車速就可以。比內圈車行先一來係舊式禮儀，二來可以更加確保內圈車行得快過你，會容易啲觀察

我覺得個大原則係，專注望前方一定安全過一邊望前一邊望側鏡。基本上做外圈L就只需要專注自己條線，就算內圈車同你出同一個路口，佢有佢行內線應該都唔會影響你。尤其遇上繁忙多車嘅迴旋處，真係唔好增添自己嘅駕駛難度

我上次單意外就係專注行外圈，點知去到第3個出口就比架內圈想出嘅車撞埋黎
因為突然需要兜翻轉頭關係，所以要行成個外圈，點知未到第4個出口就GG左。
不過你講得啱，對於新牌仔嚟講唔好為自己增添無謂嘅難度，勁多車既迴旋處加行緊內圈，我呢刻都冇信心點切返出去，又要邊行邊轉，邊睇鏡盲點，再睇邊個出口出，兜兜下已經唔知邊個出口，其實幾難吓

請問下呢種迴旋處外圈加內圈合埋一條線出，如果我行緊內圈想出既話，但同時不段有外圈車繼續兜或出緊圈，呢個位我係咪應該停低等外圈冇晒車先出？定唔停得，要繼續兜多個圈等外圈冇車行先出？

我齊牌去加拿大考返晒g2 full g 都一樣有好多嘢要學

頭入同埋左轉呢啲經驗真係估唔到會幫到我第一次喺日本自駕

L位都泊唔掂，九成商場唔使去

上一個出口就cut定出去外圈
繼續兜 唔係有咩意外千奇唔好係入面停

好多人話香港要考埋上公路
但香港邊有一條公路容納定你學車考車

而家嗰班新學車嘅
揸車望住個gps都唔望路
有啲仲學人揸uber
我搭佢車好似同佢上架駛課程咁個個位都要提住佢咁

公道講句，外國考嘅highway 都係要去少人啲嘅town 仔考場先易考，就算都係100km 嘅公路都易啲cut 線

我考嗰個考場嘅所謂highway 都係將軍澳跨海大橋/觀繞level

所以結論係要出第2/3出口時早d cut定外圈，唔好臨去到先cut出去？另外出唔到就繼續兜唔好停。

但唔係個個迴旋處都會合流1條線出（其實我覺得咁樣合流出去，一多車好易撞，我見呢個迴旋處入口set左紅綠燈，證明出過好多次事）

一定唔好停 情願兜多幾個圈兜到出圈為止
過咗目標前一個路口就搵機會cut出一條線先
太多車嘅話就兜多個圈等機會

所以真心舊式迴旋處唔好浪費時間
以上logic其實都係教你安全地cut去外圈再出圈
倒不如一開波就做外圈L
除非你話你日日行呢個迴旋處
非常熟悉路況同埋駕駛者習慣
知道行內圈都可以安全走返出嚟，咁就唔怕
利申我日常揸車都係螺旋處所以去唔到呢種境界

我住大西北基本上出市區一定遇到唔同路線既迴旋處，所以冇得預計。我唯有行舊式做住外圈先，除非迫左入內線行。

經過果欄揸到唧車(有人拉緊)