梵蒂岡正式選出新教宗

係 有聽過天主教學校有
住高層，學生唔會入到去嘅地方

但係好多天主教學校校舍都好殘好細

點到新過住天主教堂啦
第一次聽人話天主教學校細

你係唔係講緊以前D火柴盒校舍, 而家都拆得七七八八, 好多校舍都好大

當然啦

我讀尼姑庵, 修女真係住學校高層, 會欄住走廊唔比學生入去, 但學生會見到佢地平時浪起D衫
唔知天主教男校D神父係唔係咁

咁其實都係要睇學校係咩級數？即係保祿六世係女校， MCS 德望又係女校，但係校舍差好撚遠

曾經天主教會晌好多國都係撐軍事強人同獨裁，西班牙佛朗哥最大支持者之一就係天主教教區，係比新教反過來克制住，新教拒絕神同人之間多一重"中介"先至係真正民主開端

其實亦都無得唔做，否則一定輸比新教
有興趣呢段歷史推介睇netflix幕府將軍，套劇重點之一就係天主教葡國同新教英國競爭，澳門就係當時天主教在遠東最大據點

我地隔離馬交埠係天主教明朝時在遠東最大據點，大三巴就係呢段歷史反映，考古時發現好多傳教士人骨葬響度

美國立國歷史響教廷面前真係冇得比，美國存在只係佔最近十幾任教宗時長

反而想知佢點睇亞洲
Francis 非常重視中國教區，甚至不惜犧牲台灣

明朝中文

兩睇
始終中國本身都有本土信仰，外來宗教唔易生根，同期日本幕府都有多次殺基督徒

意大利剛統一消滅教皇國後，有三任教宗都住響梵蒂岡不出，同新統一意大利政府關係緊張，意大利政府有考慮過派軍強行接管趕走教宗，但因為意大利人信仰冇做到，到墨索里尼為確保教廷唔會干預法西斯政府，就直接比佢國家地位

我讀地茂和尚寺，神父有自己堂區唔住學校，係有mass先請過嚟主持
修士就一樣住學校高層，但係度門成日唔閂學生想揾修士隨時自出自入

有兩個修士後生d 中年人嚟有份教書，但係成日唔係教員室
揾佢地交功課都要入修士宿舍
其中一個好鐘意同學生踢波，成日操場踢到6點閂閘先趕學生走

我懷疑我知你讀邊間 maybe大部份和尚寺嘅神父修士都係差唔多style, 總有一個修士好like同班仔踢波
神父好多時係係多間學校校監, 冇可能長期stay係學校, 跟返堂區住方便好多, 修士就真係學校一份子
想當年我細佬中小學都係天主教學校(不過應該唔係你呢間), 亦都係同一個校監神父, 升中班仔見到校監神父, 第一反應係, 乜又係你

東正教正統上唔係應該以君士坦丁堡普世牧首為東正教嘅最高權威咩？雖然喺東羅馬（拜占庭）帝國滅亡之後就變咗虛銜。

所以天主教嗰邊真係喺權術上高一個層次，經歷羅馬帝國嘅滅亡、天主教大分裂、羅馬之劫、新教(Protestantism)嘅興起、聖公會嘅裂教，意大利王國滅教宗國等等重大事件，羅馬教廷直到今時今日都仲可以keep 到天主教嘅最高權威，而冇變成虛銜。

喂唔好我果間應該未去到咁出名（？
老一輩d brother好鐘意摟我地傾計，真係行過走廊傾兩句only，有時又講下大道理咁
大概都咁上下style啦

反而我一直感覺女校sister 好似好古肅？有個ex又係讀尼姑庵講過
d sister成日要佢地莊重d注意儀態，行過俾佢見到粗手粗腳麻甩格會訓話

羅馬教廷能屈能伸去到今時今日反而比起好多新教（香港人叫開新教做基督教，但我覺得呢種叫法極為混淆）更加包容到現代社會好多變革

反面教材就係伊斯蘭教

尼姑庵真係無你地和尚寺呢種氣氛, 修女一定唔會摟我地傾計, 神父更無可能得閒無事去學校啦
我入學時班修女已冇再教書, 見得最多就係校監修女(香港人), 佢又真係住係學校高層, 平時真係古肅 反而高層其他外籍修女(應該就係以前教書)多D笑容,
當年仲係聖望保祿二世, 校長室左邊掛聖母相, 右邊教宗相, 借黃子華嗰句, 以為聖母係教宗老婆

伊斯蘭教逼你一出世就入教, 又唔比中途離開教會, 再加上佢地生咁多, 雖然教義好cls, 但反面信徒越來越多

在傳統的伊斯蘭法，叛教者在監禁中可被給予最多三天的時間去悔過及重新接受伊斯蘭教，如果期限過後該人仍然不從，就可以殺他。或者發佈教令追殺叛教者，刺殺叛教者的穆斯林將會得到獎賞。

梵蒂岡城係梵蒂岡領土

同PAPAL STATE已經唔係個回事