為何西方文明會走向發達，而東方文明則不會

好多人覺得有繁榮但無武裝就等於一隻待宰嘅肥豬
然後將文明同武力或等號
或者就係呢種利己思想先係人類嘅原罪

如果唔係歐洲遺民喺意外發現之地建立共和國

地係意外發現，但之後點發展係人為
歐洲人地唔係單純移過去
而係有吸收歐洲嘅教訓
建立一個全新嘅政體同制度，擺脫歐洲嘅束縛
然後發展到今時今日，仍然係最強

另一方面，中國明朝之前，已經俾外族食過
然後都仍然為爭做皇帝自己人打自己人
結果又俾外族食多一次
然後又賴因為呢個外族，令到東方文明發展不如西方

不停上演爭皇帝，俾外族入侵嘅鬧劇
呢個已經唔係單純政體或者戰爭失敗，而係成個文明嘅失敗
一個文明的地方係唔應該不停loop 呢D野
否則頂多只係做到一時盛世，無得同西方文明比較

什麼不會？

眾領導走向發達。

上面quote錯人，我係想覆你呢句
如果唔係歐洲遺民喺意外發現之地建立共和國

地係意外發現，但之後點發展係人為
歐洲人地唔係單純移過去
而係有吸收歐洲嘅教訓
建立一個全新嘅政體同制度，擺脫歐洲嘅束縛
然後發展到今時今日，仍然係最強

另一方面，中國明朝之前，已經俾外族食過
然後都仍然為爭做皇帝自己人打自己人
結果又俾外族食多一次
然後又賴因為呢個外族，令到東方文明發展不如西方

不停上演爭皇帝，俾外族入侵嘅鬧劇
呢個已經唔係單純政體或者戰爭失敗，而係成個文明嘅失敗
一個文明的地方係唔應該不停loop 呢D野
否則頂多只係做到一時盛世，無得同西方文明比較

梁啟超係新史學同古思辦運動有嘗試去糾正呢個問題

重视史学与其他学科的关系，也是"新史学"的特点之一。梁启超认为：“地理学也，地质学也，人种学也，言语学也，群学也，政治学也，宗教学也，法律学也，平准学也（即日本所谓经济学），皆与史学有直接之关系。其他如哲学范围所属之伦理学、心理学、论理学、文章学及天然科学范围所属之天文学、物质学、化学、生理学，其理论亦常与史学有间接之关系，何一而非主观所当凭藉者！

好可惜個陣軍閥混戰佢整理唔到一本新史書出黎。

就咁睇佢係想研究思想嘅歷史
我諗而家啲大學歷史系就係做緊梁啟超想做嘅嘢
(雖然我估研究得唔徹底, 或者無將之轉化到政治力量上

我自己嘅睇法係無奈地出生喺一個用中文嘅地方
由細到大接受嘅畢竟係中文文化嘅薰陶
只能夠抽絲剝繭咁睇下呢個文化背景下嘅人(莫講話民族)
有咩思想留得低, 有啲咩係千百年來嘅陋習
其實我諗華夏文明同近代歐洲文明到底不同
歐洲文明可以"遞代", 蠻族入侵可以將上一個統治者嘅嘢消滅, 冇包袱重新開始
(呢方面唔係好熟書, 但意大利城邦同羅馬本國應該無關?)
但華夏文化由周朝到清朝, 法統畢竟還係同一個, 遺傳落嚟有好, 壞嘅不少
講起明朝覆亡, 有道德嘅士大夫殉國, 留低嘅屈服於滿人底下, 唔可以話錯, 但從此華人嘅基因唔會係正直不阿

再講點解中國可以流傳千百代
我諗其中一個原因係道德號召力太強大
同期嘅希臘入面我諗唔到一個好似孔子咁研究道德倫理嘅人
希臘哲人留下嘅思想係一啲好無關人呢個identity嘅嘢,
而即使後世研究倫理諸如康德, 讀起上嚟都唔係孔子嗰種切合人心嘅感覺
而孔子套倫理道德或多或少綁定係重建周朝嘅太平盛世嘅目標底下
導致後世人一讀書想做個好人, 就會諗起孔子, 一諗起孔子就會想完成孔子嘅未竟之志, 然後投身喺"建設華夏文化", 導致即使有外族, 亦被華夏同化

講咗無數次，關鍵係華夏文化用方塊字，而羅馬文明用拼音字。呢個道理連登仔全部眼光光諗唔明，我又冇咁得閒寫本書去解釋，期待緊智商150嘅同路人

老翻強國唔搶人野

其實進步唔等於成功
我真心想知係你眼中咩叫成功既文明
西方社會又成功左d乜野

其實古中國真係唔輕商，科技亦唔落後，只係人口億億聲嘅大國一定要壓抑低層人等佢哋耕田同搞實業維持人口紅利，商業留返畀貴族搞

由唐朝開始整個中國都大把外國人經商同傳教士傳教，明朝直情大國，全世界白銀都流入中國，中國人可以話最叻做生意，唔差過猶太人

不過清朝果陣一堆低能政策完整咁miss晒文藝復興同工業革命，中國人呢段時間可以話亡咗國做緊二等公民。果陣教育開始普及、蒸氣機加速生產效率，清朝完全反應唔切，不過除咗歐洲，全世界大部分地方都係一樣，其實唔意外

所以集權會發展落後，民主會發達進步，都唔係一定，二戰後嘅近代戰爭美國輸多贏少，好多時顯得一個龐大國家有太多聲音，機器入面每粒齒輪都唔穩定，最後效率就好低。大陸好多時同你玩超限戰同不對稱，就係針對呢點嚟打。

到近代中國，可能畀人嘅感覺就係抄抄抄，但係唔抄又點行捷徑呢？唔行捷徑咪永遠落後？到依家物流鏈獨步全球，曾經日本係一哥，到無人機技術領域，呢啲嘢都係從一個集權國家出嚟，事實上中國人民族性係抵佢發達，唔鐘意係一件事，發展得好又另一件事

成唔成功，係要比較
無人失敗，又點睇到人成功
今時今日
由你日常衣著、飲食習慣、睇電影、坃遊戲
到銀行、醫院、大學、各類運動、體育比賽
電話、抽水馬桶、汽車、飛機、冷氣、電腦、互聯網
政治制度、法律制度、會計金融、股市債市
日常生活接觸到嘅，近乎九成以上都係西方文明嘅產物

唔係因為有西方文明
而家我地應該仲loop緊中世紀生活，日日耕田
邊可能好似而家咁係網上鳩up
你而家正正就係享受緊人地文明嘅成果
注意我係講緊西方文明，如果講西方現代社會就另一回事

台灣都未打，就吹到中國天下無敵

中國發達到地下排污屎渠都無
可以有人無端端跌落化糞池死鳩埋
你叫歐美日本點追到你？

重慶大學生誤墮校內化糞池亡 同學：沒井蓋僅放爛木板鋪草皮蓋住
- 分享自 LIHKG 討論區
https://lih.kg/3931504

中國唔係天下無敵，但唔係從古到今都落後，依家都唔算落後啦

依家大陸都面對好多問題，負債、AI浪潮、全球化解體，有啲人口質素真係好低，前路係點都冇人知

你要舉呢啲例子外國一樣一大堆，大陸又唔係世界第一

不過低層人民生活質素，大陸真係好差，好大機會呢十年都唔會有咩改善，因為呢啲嘢唔係改善基建就得，係同個政治體制有關

長篇大論, 但講唔到重點.

當初東印度公司既成功係因為壟斷, 而唔係重商主義
只有佢有特許權, 其他人無, 自然會喺貿易上賺大錢.
Adam Smith提倡既自由貿易就係批評東印度公司既壟斷.
雖然各國都有東印度公司, 但早期塊餅大, 大家有得分,
到後來愈黎愈多人參與競爭, 甚至撼動個特許經營權,
競爭太大無得分, 各東印度公司就收晒左皮.
重商主義只係外貿發展過程既其中一種理論.
仲有, 重商主義其實同貿易保護主義係好似,
重商主義都係國家規範同控制既政策黎,
但同後來既歷史發展係南轅北轍, 隨著東印度公司消失,
自由貿易盛行, 慢慢無人提, 全球化零關稅既年代,
重商主義係一個幾乎走入歷史既名詞.
而家因為Trump搞關稅, 所以先再有人提起.
成篇文無真正解構咩叫重商主義. 寫左好多野,
出左幾個名詞同人名, 但你睇完唔會明白咩係重商主義.

最後補多句, 成篇文同樓主個主題無關.
西方文明走向發達係各方面進步, 唔係單一原因,
唔單止係商業. 樓主亂出題目.

問題喺個制度啊.

hater始終hater

「
甚麼是中世紀式的經濟？那就是財富從土地生出來，而國家的收入來自向金山銀山農田人民收租稅。國家屯積財富，最後花錢去打仗，奪取更多的金山銀山農田人民。用現代的說法，那就是錢的主要來源是收租，收到足夠的租，再去買更多的房地產，去收更多的租。
」

「
英國刻意的改造自身的經濟，比方說如果紡織能夠賺到黃金，那就妨礙羊毛出口使羊毛可以給本地紡織業用；減免某些有助出口的行業的稅負，例如各種加工業；補貼本地去生產一些要進口的物資，例如糧食；增加某些導致入口的行業的稅負，例如入口外國的高級紅酒或者煙草就要打重稅。用今天的看法，就是保護主義？對，也就是一方面盡量自給自足，然後剩下的生產力都用在出口經濟上。

所以這才叫作「重商主義」
」

「
重金主義非常重視節斂，因為在重金主義的邏輯中，一個家庭的祖先買到第一塊地，然後努力耕作，省吃斂用不要亂花錢，儲下大量黃金後。就拿去買第二塊地，收更多的租，累積到第幾代人之後，租就多到不用工作全家財務自由了。所以重金主義會導致地價昂貴，租金昂貴，以及到處都是以寒酸為傲的守財奴。
」

「
重商主義的邏輯中，政府應該鼓勵國民賺了錢就應該花掉，但不是花在買地，而是花在新的農作物，原料，船隻，工廠，僱用人員之上。也就是發展能夠有助出口的實業，或者能夠減少入口的實業，再用他們賺更多的錢。錢不是用來囤積而是用來循環的，錢滾錢。
」

「
這也只是將「儲蓄買地收租再買地」變成「賺錢做出口貿易滾更多錢」而已，他們本質上還是將「錢」等同「財富」，兩者的分別更像是獲得手段不同。正如之前重金主義所說過，財富不是錢而是人類的生產力，這一點重商主義就沒有搞清楚，只是歪打正著的為了增加出口，而順便刺激了生產力。他們知道有實業才能賺錢致富，卻不理解實業本身就是財富。
」

「
Cheng Lap：
另外這也可以看出為何西方文明會走向發達，而東方文明則不會。這其中一個重大的原因，是一個失敗的思想，影響會只限於一個國度，而另一個國度可以吸取他失敗的經驗，去進行另一次實驗。而東方文明則一個錯誤的思想錯誤之後，沒有其他實驗體，所以變成只能倒退。

Alex So：
鄭大可唔可以解釋多少少呢段，唔係好理解到

東方應該都有改朝換代過，唔係完全承襲上一個朝代㗎

Cheng Lap：
英國與西班牙是同時存在的，同時實驗的，一個成功，一個失敗。而改朝換代是清朝存在時明朝就不存在了，他的制度跟前朝不同，但問題是你怎知道新的朝代一定是比之前的好或先進？問題在於同時存在的制度太少，沒法比較。清朝用到用金銀實物幣制，消滅了明朝的發鈔，也將明朝發展起來的經濟體系倒退回去。

Clay：
那麼元朝統一前，或者現今美國的聯邦制，反而提供更多機會做制度實驗？其實有點像同行競爭？

Cheng Lap：
我是覺得是敵國才有意義
」

殺人霸地就答到
佢唔想接受啫

但女權都係西方
令出生率下降被其他文明取代

重商主義唔係淨係得保護主義，內容頗多，
保護主義只係其中一樣，實行手段前後不一。
一開始係討論貨幣逆差，後來先討論貿易逆差，
早期同晚期不同，因為經歷左本土轉向國際貿易，
隨著年代過去，英國有Mandras，荷蘭有Batavia，
成為遠東既貿易同貨幣轉換中心（仲有其他），
以往既貨幣轉換問題唔再係問題所以有呢種轉向。
而且重商主義既方法係用行政手段干預市場，
呢個先係重點，而家傳媒用重商主義去講Trump，
其實係就係講Trump搞關稅搞市場干預+保護主義。
鄭立篇文講左幾多？最後最搞笑係呢句

所以重商主義導致了全球性的殖民主義

當時所有經濟學派，無一派係叫人唔好搞殖民。
重商主義係外貿發展之下其中一種思想，
大海航商路開發後引致問題，然後引起討論，
再發展出各所種主義，重商主義係其中一種。
外貿係因，重商主義只係其中一個果，
講到係佢地造成殖民主義，啲因果關係倒亂，
唔笑死人咩。

現代一般好少用重商主義，因為內容複雜。
對一般大眾會用貿易保護主義一詞，
因為用詞簡單明瞭，睇字面就大致明白咩黎。
我話過幾次，鄭立喺ptt年代寫既野係正常，
文章唔算真知灼見，但都係言之成理有文有路。
後來為左嘩眾取寵成日玩弄學術名詞。
反而不倫不類。用返大眾認知既名詞好過啦，
佢只係喺自己想寫既野入面加啲學術名詞入去。
麻煩佢，做返正常人，唔好急功近利，
以為加幾個學術名詞就吸到人睇。
正正經經寫返啲大眾文章，唔好亂拋書包，
俾人笑架。呢句我唔係諷刺佢，係真心勸佢。
你同你腦細反映下啦，淨係話人hater無進步架

佢ptt時代就已講重商主義
你自己Google下啦
而且篇文邊度o黎講Trump？
都唔知你搞咩

其實
你閱讀理解係咪有乜障礙？

「
你的殖民地們讓你的生意好做了，所以重商主義導致了全球性的殖民主義，地球上不是歐洲人的人，都負責生產原料，而歐洲人則負責加工消費賺大錢。
」

佢ptt時代就已講重商主義
你自己Google下啦
而且篇文邊度o黎講Trump？
都唔知你搞咩

其實
你閱讀理解係咪有乜障礙？

「
你的殖民地們讓你的生意好做了，所以重商主義導致了全球性的殖民主義，地球上不是歐洲人的人，都負責生產原料，而歐洲人則負責加工消費賺大錢。
」

仲有
佢成篇文只係重點用左兩個術語
佢篇文要介紹重商主義
冇理由冇重商主義一詞
佢同系列前一篇文介紹重金主義
有重金主義一詞走唔甩
佢成篇文除左呢兩詞語外冇任何一般人唔識o既術語
並且術語少到乜
佢冇自創名詞
呢篇文亦冇需要並且冇理由自創名詞
術語只係代號
就如做數學題同寫程式
將一堆抽象而邏輯性o既資訊給予適當代號
可以幫助記憶同理解
並可減少冗餘同混亂
令表達清晰同整潔
只係之但係濫用代號
會阻礙記憶同阻礙理解

西方有民主法律去保護人權和版權, 自己賺錢歸自己
獨裁共產政權全部歸國家, 俾著你係發明家 會點?