其實有無可能令九方輸入法變成 Open Source？

我見九方個網好似仲係上世紀嘅狀態，而且間公司好似越做越差，所以 FF 下，有無可能搞個眾籌買起間公司，然後 Open Source 造福人群？

肯定有人問點解仲要用九方，所以解釋定先。

我有嘗試過學倉頡 / 速成，但記憶力差，要記住嗰啲部件已經卡關。細個用過盜版九方，之後 Google 出咗廣東話輸入法之後就一直用到依家。日常生活打中文問題不大（包括大家見到嘅呢篇文都係用廣東話輸入法），工作又唔使打中文，所以覺得夠用就一直都無學倉頡。

打字要快就肯定要用倉頡，但如果唔係工作就係要打字（講緊例如上字幕，要聽到就即刻打到出嚟嘅速度），一般商業文書或者日常生活應用，其實真係無須要特登花咁大氣力去追求極致嘅速度。而且退一步嘅速成唔會快得過其他輸入法。無見到有正式統計，不過我自己嘅經驗，我無論用九方定廣東話輸入法，打中文字都比我用速成嘅同學 / 同事 / 朋友快。仲未計無論速成定九方都肯定易學過速成

廣東話輸入法暫時係我暫時嘅選擇，但係無論國語定廣東話併音，因為同音字太多，會好難打一啲比較少用嘅字。例如我玩遊戲王 Master Duel 要搵卡，如果遇上一啲音譯嘅卡名，就經常要好多頁之後先搵到我要嘅字，有時甚至用英文名 Google 中文翻譯會快過搵果個字。呢方面九方因為用字形搵字，速度會好好多。如果九方免費，我肯定會用返九方。

我都係學九方先
嗰陣玩online game 可以右手打字左手食零食
最勁1分鐘7x幾字
之前出嚟做嘢跟人學速成
用左過十年依家1分鐘都係得2x

Google 出咗廣東話輸入法
即係邊個？

其實九方個解拆字形部件係合理過速成
加上九方係易掌握好多

個專利過期未？

免安裝唔係 open source

九万輸入法

中文字無拼音底，係最最最最易入門又學得快打得快既中文輸入法，如果可以造福人群變成Open Source，真係華人之福

學倉頡其實一個星期度就搞掂
都係睇你有冇心

不如叫AI寫個OpenSource版

倉頡世一

老實講，仲未做到九方60%既便利，同音字好多都無列出黎，輸入便利度仲差好多

又係呢d自以為既回覆......跟跟標題唔好扯太遠thx

Google 輸入法入面咩輸入法都有
其中一個就係廣東話拼音輸入

咩嘢跟跟標題呀
佢內容有提倉頡㗎，唔係我扯太遠

老老實實而家有心點會做唔到，咁多ai嘢，同音字表又網上有
不過輸入法係冇錢賺的

可惜九方大陸唔多人用，(或者引唔到有能力多時間既人動手)，對香港人黎講，所有動機都係賺錢

九方我唔係用字型 用筆畫

學速成啦

就算真係人人一星期學得識，我真係無咁嘅心，為咗打字快 D，去學要一星期嘅倉頡。

我又唔係要用打字嚟搵食，廣東話輸入法已經夠日常使用，我真係冇咁嘅心去專心一星期學新嘅輸入法。當年我學九方只係用咗一個鐘，而因為我已經識英文打字，Google 嘅廣東話輸入法更加係完全唔駛學，裝完就已經打到字，問心我真係無動力去學倉頡。

學拼音好柒過啦，香港人好多人d 字讀錯晒音
新世代打拼音講野仲正過八九十後

九方好處係你可以單手係電話打字都可以好快。

你打倉頡又好，廣東拼音又好，都係個qwert keyboard ，本來就唔係預你單手打

要記碼、拆字...........
重要係！前題你一定要知個字係點寫，D人係因為搵食原因已經熟悉熟練倉頡，見人講親九方呢D易學易精既輸入法，就插咀笑人點解唔學倉頡.....日的就係要幫自已"辛苦"學成既技能刷光環