教宗方濟各思想共賞：第一個同猶太拉比寫書嘅教宗，一齊跨宗教詮釋〈約伯記〉同巴別塔寓意丨《與教宗對話》

教宗方濟各嘅開放思想廣為人知，任內做咗好多個天主教嘅「第一」，例如：

1. 首位非歐洲教宗（阿根廷）
2. 首位耶穌會士教宗
3. 首位名「方濟各」嘅教宗
4. 不住教宗宮殿，住聖瑪爾大之家
5. 公開支持同性伴侶民事結合
6. 發布首份環境通諭《願祢受讚頌》
7. 首位訪問阿拉伯半島嘅教宗
8. 允許女性擔任讀經員、輔祭

而有一個「第一」，就唔係好多人知道——佢係首個同猶太拉比合著一本書嘅教宗，呢本書就叫做"On Heaven and Earth"。入面討論相當多唔同議題，包括上帝、原教旨主義、無神論、墮胎、同性戀、安樂死、同性婚姻、全球化。


依家，我哋藉由兩人嘅對話，睇下天主教當中嘅開放派嘅思想。以及呢本書點樣作為兩個宗教和解嘅一個見證。

「我們缺乏對話。」

當教宗方濟各諗起一個故事，佢就會如此感嘆道。

呢個故事喺教宗方濟各曾經所駐嘅教堂，首都主教座堂（ Metropolitan Cathedral）門面描繪住——約瑟同佢嘅兄弟重逢嘅故事。約瑟曾經被兄弟所賣，經歷入獄、誣蔑，最終因為解夢能力，成為埃及宰相，喺饑荒時期救返前嚟求助嘅兄弟，最終彼此以擁抱消融幾十年嚟嘅恩怨，然後佢哋向對方問到：「我的父親仍健在嗎？」



對於教宗方濟各嚟講，呢個故事對我哋嘅時代有重大嘅提醒，因為我哋生活喺一個築牆而非建橋嘅世代，人與人之間被錯誤資訊、蜚短流長、偏見、誹謗、中傷所分裂，習慣見到文化中嘅嘩眾取寵，而無辦法同他人完全坦誠、開放。無論係對話定係接觸，往往都會失敗告終。

不過，唔願意溝通並唔係人嘅天性，只係我哋唔容易放低阻礙自己同他人對話嘅身段，以霸道、唔願聆聽、挑釁言辭嚟阻隔自己同他人。

靠住首都主教座堂門面嘅重要提醒，喺跨宗教對話方面，教宗方濟各作為一個榜樣，同猶太教嘅思科卡拉比開啟對話——要知道，喺好長時間以嚟，猶太教同天主教嘅宗教領袖都無對話機會。

（呢度補充少少天主教同猶太教之間喺歷史上曾經有過嘅張力。喺中世紀，歐洲嘅宗教衝突同誤解導致猶太人屢受迫害，甚至被指責為耶穌受難嘅「兇手」，令兩教關係處於緊張嘅狀態。直至二十世紀，梵蒂岡第二次大公會議（1962-1965年）通過《教會對非基督宗教態度》（拉丁語：Nostra Aetate），正式否定猶太人集體承擔耶穌之死嘅罪責，開啟兩教和解之路。但即使係咁，真正嘅宗教領袖對話仍然罕有。因此，教宗方濟各同思科卡拉比嘅會面，唔單止係個人友誼，更係跨越數世紀隔閡嘅歷史性一步。）

留名學野

跟牛哥學嘢

之前已經有亞州 非州出生既教宗

廣告撚？