其實上莊之後覺得唔啱就quit有冇問題？

唔負責個位喺邊？
你有講，但冇做手續喺成莊之前正式退出
令到支莊成立嘅時候有你喺度

如果真係要唔負責，直接失蹤都可以
極端例子無謂多講
況且，係你冇能力失蹤，唔係你想負責任

講真，我真係麻麻哋班老鬼，佢要我好尊重佢，我心諗你乜水？之前上莊嗰陣做過啲乜嘢要令到大家都要尊重你？成件事仲要係我望唔到佢冇打招呼，跟住同返我大佬講，跟住個大佬仲要好尷尬咁同我講，話我哋支莊出名有禮貌，唔好令到佢哋羞家，即係我依家係咪日日返學都要膽顫心驚喺度周圍睇邊撚個係老鬼？都戇撚鳩多撚餘，仲記得佢話我嗰日係好夜先開會，心諗特登返到學校就係開埋啲廢會，聽埋啲廢話

我番大學最後悔就係無quit莊

其實成件事我本身冇多講，係真係佢地周圍唱，跟住啲大學friend同我講返呢件事，跟住我先講多少少，我啲friend仲要話佢哋小學雞添

Ching，我唔係要同你嘈，純粹真係想講吓。

我入莊之前冇宣誓，同埋冇簽過任何嘢，佢亦都冇提過話有手續呢回事，淨係一味屌鳩我唱鳩我

再加上點解我冇能力失蹤？我係用緊凡事留一線，日後好想見嗰種態度，只係佢哋一味得寸進尺，以為自己係莊到好撚巴閉。

慘撚過返工
唔中意上咪唔好上
佢又無出糧比你
專心搞好自己gpa 好過

你都講到上連登啦打和啦super

同就算你啱晒佢錯晒咁又點啫，離職、分手、離婚等係咁架啦，一定係有幾廿萬樣理由但對方都有機會爆炸架啦

唔通你覺得你plan好晒點講都擇埋個好日揀埋個靚地點，你未來前女友就100%會同意分手仲可以再見亦是朋友咩屌

你啲friend喺你面前撐你，但同班莊員一齊嗰陣笑鳩你話你戇鳩，唔好咁天真

上莊仲要揀嘢做，唔啱做就quit。人哋唔話你話邊個

係㗎，我之前冇上過，第一次體驗就咁差，真係放學做吓gym搞好GPA仲好過

真，千其唔好覺得個啲「講返俾你聽」既人真係你朋友黎，死十次都唔夠

其實話人唔負責任算唔算PUA既一種

咁分工嚟做咩？直接唔好分話乜柒都要做啦，我自己Team嗰啲嘢我一定會做，唔係做啲嘢好難，成件事係個工作模式有問題

即係你返工明明叫你煮餸，跟住仲要你入貨啊做埋收銀嗰啲，跟住你話唔啱做，跟住就俾人話戇鳩，個道理去撚咗邊？

真係咁講啫，同大家講我個消息來源，我本身都同嗰邊炒咗，佢鍾意食花生玩吓咪玩囉，理得佢真心定係點

咁你係點上莊？你一定係做咗啲嘢講咗啲嘢，人哋先當你上莊

你想凡事留一線，無法接受社死/失蹤，就係無能力㗎喇，You have no card.

已經去到周圍唱鳩你嘅地步，你都冇嘢可以做嚟挽回任何嘢

係咪以為宣傳及出版秘書只係做宣傳及出版？財政只係管錢唔需要做其他嘢？
係你就抵俾人屌啦

咁人地都冇宣誓或簽過任何合約話唔可以講你壞話數臭你喎

咁人地有咩錯點解唔唱鳩得你呢？唱鳩你會犯法？定會危害國家安全？

唔好問我點上莊先，我淨係想講點解我唔做就有錯？

I have no card？呢個位我唔明，真係一定要同佢死過？

我冇諗住挽回，我純粹係知道有件咁嘅事啫，我開呢個post純粹睇吓大家有咩睇法，講真我依家個feel都冇乜特別，純粹覺得成件事有啲搞笑

咁又冇嘅，純粹覺得道理何在啫，我自問係莊上面做嘢嗰陣都好認真，都同佢哋交代咗話搞掂埋project某幾part我先唔做，直到我差唔多搞掂走嗰陣pua 我，我走咗之後就唱我，即係你覺得成件事合理嘅，我都冇嘢好講

你quit莊呢件事冇問題
但你份人個性格同社交能力幾大問題咁囉


結案啦，pin me 啦

點解我唔做就有錯？
好啦，就當你仲留喺支莊度，從來冇講過要quit，但你揀嘢做已經夠刻人憎啦
人哋話你
你又唔聽
仲要唔gur
仲要屌番人哋轉頭
咁樣仲唔夠錯？

真係一定要同佢死過？
可以點同佢死過
拎把刀血洗莊房？
You have no card.

無興趣睇你段野
但用kam 呢啲字眼唔該死返threads

Sorry Ching ，我講得唔清楚，係講緊點解我quit有錯，我未quit之前真係做晒佢啲野，我就係心裏面唔gur 呢個位，所以先話唔做

其實我唱返佢轉頭都得㗎，分分鐘佢睇完呢個post都知我講緊佢，我係有啲friend喺嗰支裝到，唔想搞埋佢哋啫，咁樣唱嚟唱去無止境，再加上依家個情況係知道佢有唱，我都冇人bully，我依舊有自己嗰班fd，有啲仲係支莊裏面添，我依家係對緊呢件事，真係我錯曬咩？

你不如講吓我有咩問題？我本身一直係冇出聲㗎，佢講埋啲嘢太過分，我先開始講

個問題唔係你quit莊有冇錯有冇道理

即分手咁，就算你女朋友痴線到白卡吸毒派綠帽全世界都支持你分手，你分手時你條女一哭二鬥三上吊都係好正常既事。

但你唔知點解好似好撚驚訝好似完全接受唔到點解呢件事會發生咁。

即你唔知點解覺得只要你係有道理果個，當事人就一定會接受成件事，只要你係有道理果個，成件事就應自動解決晒。唔會架，呢個唔係道理問題。

係，係有人做到無痛分手既，但你既社交技巧做唔到丫嘛。做到無痛個啲人唔係因為佢地有道理，係因為人地識social呀