[中亞高加索探險系列 4] 石灘走到雪山 --- 格魯吉亞之旅 [2024]

Day 10 Prometheus Cave (1)

跟住我地去下一個景點 Prometheus Cave，係一個鐘乳石洞。佢有特定入洞時間，我地嚟到之後跟埋人地一組咁入。

呢個鐘乳石洞開左幾部分比人參觀。


係個日本記者發現。

呢個鐘乳石洞有一千七百萬年歷史，鐘乳石洞有三隻形態，由頂部生長，由底部生長同兩者結合。蘇聯人曾經諗過用呢到做核戰避難所。





鐘乳石洞內部

Medan Hall係開始部分，入面啲空氣含氧量特別高，可以醫病。

Medan Hall

跟住係Hall of Love，有呢個名係因為有兩舊石好似人樣，互相望住對方。不過我同大部分團友都睇唔出有人樣。


Hall of Love


鐘乳石洞最高處

Day 10 Prometheus Cave (2)

最後我地去到最大個Prometheus Hall。當年日本探險家就係由呢到入，發現呢個鐘乳石洞。呢到係最深處，係地下80米。


Prometheus Hall


呢到有燈光show。

睇完之後就離開洞穴，出返市區。

紀念保護呢個鐘乳石洞嘅榮譽村民


有個檔製作紀念幣。


喬治亞最大城市公園

開左一個鐘就到Kutaisi，呢日攰返到去就直接休息。

返到Kutaisi市區


係河上見到日落

Day 10 完

Day 11 喬治亞老麥

呢日去附近城市一日團，集合地點係老麥。

朝早河邊景色




城市一角



市中心噴泉

有時間叫個老麥早餐。舊蛋係芝士奄列，味道一般，仲要同前日間奄列差唔多價錢。

自助機械人


老麥早餐

評分: 4/10

今日個團計埋我得3個團友，齊人就開車出城。



公路風景

Day 11 Mghvimevi 山洞教堂

開左一個鐘就去到第二個城市。今日我地去Chaitura，係一個山谷入面嘅礦產城市。導遊係入城先上車。


就快入市區

嚟到我地先參觀 Mghvimevi 山洞教堂，佢15世紀已經係到。

山洞教堂


行入主廳通道

附近係荒廢嘅蘇聯時代工廠，工廠駁出嚟嘅橋係怕纜車跌落嚟個陣可以接住。

廢棄工廠

我地行入山洞教堂，參觀個陣有人清潔緊教堂主廳。


主廳

隔離有個十三世紀嘅細教堂，牆上面有啲手工雕刻。同埋有個六世紀係到嘅超小型教堂。

石碑


細教堂


出面有壁畫

教堂有啲牧師頭骨，寓意牧師死左繼續睇住教堂服務信眾。

牧師頭骨

睇完山洞教堂我地入Chaitura市中心。

開入市區

我地先去劇院，本來行程有入劇院，不過個日歌院裝修封左唔入得。 劇院個頂有神嘅雕像。

劇院


斯大林頭像


城市創立者雕像

歌劇院隔離係火車站，呢度主要係做貨運。呢到可以坐火車出Kutaisi，只需要1 GEL。不過無人會坐火車，因為呢到火車站同啲鐵路系統係蘇聯時期留低，日久失修所以好唔可靠。

火車站

跟住我地去左搭纜車，纜車站附近有個小型動物園。

動物園

Day 11 纜車之城

Chaitura因為地勢問題所以有4組纜車，居民日常都係坐纜車係城市穿梭，所以呢到纜車收費特別平同被稱為纜車之城。我地去左搭最長個條路線。

纜車站





纜車風光

落車之後我導遊帶我地上山行。佢介紹呢座城得20000常住人口，呢到人少所以鄰舍好熟對方會互相幫助，呢到無露宿者。呢到收入主要係靠挖礦，所以大部分居民都係礦工。

街景

行到街尾見到座廢棄大廈，走廊可以遠眺Chaitura。

廢棄大廈


高處睇Chaitura

入左去一座廢棄醫院，呢間醫院本來係個有錢佬私人出錢起，政府係山下起左間醫院所以廢棄左。宜家有啲人會入廢棄大廈隊草。 喬治亞隊草係犯法。

廢棄醫院


廢棄醫院入面


間醫院入面見到牛屎

睇完我地坐纜車落山返市區。

"Georgia is my Pride”





纜車回程風光

廢棄醫院有啲打cs嘅感覺

有

Day 11 Sheilok

之後我地去左間local餐廳食飯。等野食個陣同團有個紐西蘭女人，佢由印度玩上去中亞，跟住去阿塞拜疆，亞美尼亞之後嚟呢到，之後去土耳其，十二月返一返紐西蘭睇屋企人之後由土耳其玩到歐洲。我發現中意玩得長時間比例上好多澳紐人。


今日間餐廳


Menu

紐西蘭團友食素嘅，佢叫左個Pkhali Assortment，係核桃醬溝蔬菜。最左邊係矮瓜配核桃醬，中間同右邊分別係紅菜頭同菠菜溝核桃打成丸。

呢碟其實好飽肚

我就叫左個蕃茄沙律同Sheilok。Sheilok係蛋黃醬芝士磨菇雞肉。佢煮埋一碟，蛋黃醬味唔係好出，都有啲芝士同食材鮮味。


今日午餐

今次試左vanilla味lemonade。

隻味有啲似益力多

評分: 6/10

Day 11 Chaitura 博物館

食完飯之後我地去下一站，行經一組停用嘅纜車。導遊話佢細個個陣成日坐呢架纜車上山。

上山的纜車


附近景色

跟住我地去左行博物館，入面都係展示係Chaitura挖掘到嘅文物。

啲人平時有咩聚會，例如睇波會去博物館隔離嘅呢到



博物館大廳


壁畫同同以前嘅劍盾

呢到係挖錳，係蘇聯時期開始發現錳，宜家都有挖。以前得好少工具，得紙帽就入礦洞。

以前挖錳啲賣家同相集


錳嘅模型，同產能


不同礦物樣本



以前裝備簡陋，就咁去挖礦



宣傳海報

以前唔同國家帶左啲禮物嚟換Chaitura啲錳，因為唔知咩質素就用禮物換啲sample。

都係啲貴價瓷器

呢到都展示左啲畫，係一個喬治亞畫家畫。佢死左先出名，生前好窮都係賣畫比餐廳。

畫作

畫入面呢個係 Shota Rustaveli，係King Tamar身邊其中一個助手，佢中意King Tamar。佢同時係一個著名詩人，對喬治亞文學有好大影響，好多街道，最大歌劇院係以佢命名，100元紙幣有佢嘅畫像。

Shota Rustaveli

Day 11 Katskhi Pillar

睇完我地就上山，我地先嚟到山上一個公園。

開車開到山上



山上公園

呢個公園可以見到Chaitura全景。




Chaitura全景

跟住我地去到最後一站，Monastry of Katskhi Pillar。係停車場要行一段樓梯上去。

Monastry of Katskhi Pillar

山上同山下都有一座用緊嘅修道院。

山下修道院



柱入面有個小教堂同牧師棺木

呢個奇景就係Katskhi Pillar，上面有修士係到住。以前一座大火燒左附近嘅山就淨低呢度突出嚟。

有吊繩吊物資上去


離遠小小影Katskhi Pillar

睇完就坐車返Kutaisi


沿途風景