[中亞高加索探險系列 4] 石灘走到雪山 --- 格魯吉亞之旅 [2024]

Day 4 回到Europe Square

前一日日頭唔記得行Europe Square個邊，呢日去跟團之前去一去Europe Square。

St Nicholas Church側面


街景

好快就行到天文鐘，個鐘啲時分秒針同天文有關。

Mariinsky Avenue


天文鐘



Zoom in 天文鐘


Memed Abashidze 雕像，佢爭取Ajara地區一戰後回歸喬治亞，最後被蘇聯佬處決

隔離就係Europe Square，同夜晚對比，呢到朝早市集無開，得三兩個遊客。呢到啲建築幾有童話故事feel。



無人的Europe Square


Statue of Medea

去埋歌劇院，睇埋日頭嘅樣。Batumi 1879年已經有歌劇院，當時警察局長老婆同佢幾個朋友表演歌劇，5年之後就有第一個歌劇院。1937年呢個歌劇院落成，2015年裝修就係呢個樣。

Nepture Statue



歌劇院


港式茶餐廳

睇完我行去纜車站，報左一日團係纜車站等。


街景


附近係碼頭

Day 4 與團友進行激情對話

去到纜車站我未食早餐，就係路邊攤檔買左杯粟米杯，我唔記得買價錢就買。果然啲路邊檔係掠水。 見到導遊之後佢叫我等陣，另外啲團客嚟緊。於是我就食埋杯粟米。


呢杯野收成20 GEL

另外團友嚟到之後就上車出發，今日去喬治亞西南部啲樹林同瀑布。導遊係暑假part time，佢讀埋呢年就出海做水手。佢讀書都幾勁攞獎學金。

個pair團友係情侶嚟喬治亞度蜜月，男嘅係黎巴嫩基督徒，搬左去法國，之後係比利時旅行識到佢宜家女朋友。導遊話嚟呢度嘅黎巴嫩人都覺得好似返屋企咁，有山有水同係咁飲酒。

住宅區

開車出城就吹下水，講講下就講到用交友App，男團友係到問導遊有無用過Tinder，導遊話佢用過一次ONS。 傾完有個結論係交友App係用嚟約炮，拍長拖唔係無不過好少。

朋友W幾年前同我講過想出pool可以試下交友app，佢話佢有幾個朋友都係交友app識人出pool，不過佢啲朋友全部都係女人。

商業區


情侶唔夠現金要落車暢錢

車開入山區，男團友就教我地講法文，佢偷偷地錄音錄低市講到1999，跟住送比導遊叫導遊播。 跟住導遊就介紹喬治亞，佢提及Ossetia比俄羅斯佔據。跟住男團友講笑咁問香港都係共享中國人榮耀親俄羅斯。我比佢問到口啞，比人當同恐怖國家同一陣線係人生恥辱。

導遊打圓場講現屆喬治亞政府係親俄，啲大學持續示威，應該下屆大選會輸。[編按: 大選選舉舞弊，之後觸發人民上街抗爭。]

郊區



進入山區

跟住佢就介紹Batumi，Batu係喬治亞文解深，Batumi係解深水港。講到呢到就去到第一站。

Day 4 睇瀑布不如睇哈薩克妹豬

第一站嚟到河邊一個觀景台，個到有個心型雕像打卡同鞦韆。我地嚟嘅時候見到哈薩克妹豬係到影相。


觀景台，有個鞦韆


附近風景，都係山水






本節超重心---哈薩克妹豬


團友打卡

當我係到專心睇哈薩克妹豬嘅時候 ，團友叫左我去睇呢一站嘅真正景點---Kibura Waterfall。 我地行樓梯上去，見到條瀑布。 睇到瀑布我地睇左幾分鐘就走，心諗睇瀑布不如留係下面睇哈薩克妹豬。

好細條瀑布.....


團友又打卡

我地上返車去第二個景點，我地又繼續吹水。講講下男團友唔知點解講到佢老婆之前，講佢同上個女朋友拍左7個月拖。女團友用個好奇異嘅眼神望佢 ，男團友就問個陣都未識佢。 過左陣之後導遊話呢到公路上好多牛行嚟行去。

現在身處屯門

過多陣嚟到Makhuntseti Waterfall。落車先見到個市集。

市集後面就係瀑布

直行上去就係瀑布，呢個瀑布係呢區最大，不過水流都係一般，細條過新娘潭。

好多人打卡


有人玩傳統樂器

台長對中亞啲女咁有興趣，會唔會去溝返個？

Day 4 Cha Cha真係比人飲咩......

睇完就落返去市集，行過間鋪有得試戴喬治亞帽。

喬治亞帽demo


喬治亞帽特寫

隔離婆婆係一大桶自製蜜糖比左幾款我地試食，男團友買左蜜糖同講左一大輪野係到吹噓話自己無位唔係買多啲。

一大罐自製蜜糖


普通蜂蜜


白色係耐啲嘅蜂蜜


隔離檔都係賣蜜糖

呢個時候婆婆係個20L礦泉水樽比左杯類似水嘅物體。一睇就知唔係水係勁野。我先聞一聞，同工業酒精同一隻味。 已經feel到呢杯唔知乜撚野嚟。



Cha Cha

女團友飲左一啖已經頂唔順吐左出嚟。婆婆話佢每日都會飲一杯，呢杯野每日飲有助健康，輕鬆咁接左佢個杯飲。

我飲完之後狂咳，飲左兩啖已經放棄 ，隔離有個花生友叫唔好係個口停咁耐快吞。果然飲酒都係唔適合樓豬。 男團友見我頂唔順即刻比支水我溝淡啲酒精。

女團友問啱啱個杯Cha Cha幾多度酒精，婆婆話65度。65度同飲工業/手術用酒精差唔多，乜呢隻酒真係比人飲咩。

走之前女團友見到個俄羅斯娃娃，跟住男團友好自然被捉返去睇。呢個時候女團友講左一句名言：Woman is the power in the house ，最後睇唔啱價錢無買到。

俄羅斯娃娃


市集

停車場嘅另一邊係14世紀古橋，特別之處係用石頭同雞蛋起，仲要無洞。有人sell坐四驅車上山頂睇風景，不過見啲相一般般同價錢唔啱就無去到。

河流風景


古橋


隔離有啲橡皮艇

Day 4 Mirveti瀑布

無耐我地去到第三個景點，首先我地行經蘇聯時代嘅鐵橋。行個陣啲車一架行完先到第二架行，導遊話係啲車唔信條鐵橋。

鐵橋


色水多到


橋下有啲快艇係到行。

跟住就係樹林行一段路去睇瀑布。

行行下導遊見到兩日前嘅團友，就寒暄幾句。


有人騎馬行過

終於嚟到 Waterfall Mirveti，水流量一般般。


瀑布



有人係瀑布下禪修

再講啦 只能夠講到呢度

Day 4 遊船河

行完瀑布之後就行落去湖邊搭船。

呢間屋下面係防老鼠

去到碼頭就等人夾包船，啲船係fixed price 200 GEL一架。我地去到碼頭個彈無其他人所以等一等睇下有無其他人嚟夾團。 過左陣有啲人過嚟，個男團友問左沙特情侶，佢地本來話跟埋但係臨尾個女嘅唔想上船，就無去。

打卡點


有隻雞


平時會有多啲人，不過就係呢個時間咁啱無人夾

首先就係碼頭附近慢慢兜下。


碼頭附近風景


我地過嚟個條橋

跟住就開遠啲，個船長話可以丟煙頭落河比啲魚食即刻比男團友教訓要保護環境。 呢啲無公德心嘅事佢鄉下黎巴嫩見得太多。


架船遠離碼頭


今朝個鞦韆


有人係到玩jet ski

開到一半，快艇突然加速，風馳電掣咁開返返去碼頭。 有下太快我仆左係地下。

https://imgur.com/yfz3Zcw
全速前進

返到去碼頭見到第二批七八個人去搭船。隔離有得試檸檬味Cha Cha，今次無65度咁勁，55度。都係工業酒精不用分得那麼細，我就不了。 試完酒就沿路返私家車。

自家釀cha cha


啲人係附近嬉水


臨走係路邊買西瓜

Day 4 山區小屋與傳統盛宴

架車係山區飛馳，去我地食飯嘅地方。導遊介紹個陣就播啲喬治亞傳統民族音樂。 佢話一餐大餐會祝5次酒，會敬神，祝和平，敬先人同新生BB，第5次係敬酒席嘅大家。

Georgian音樂


山區風景

我地間餐廳係山腰小屋，間野位於 Zeda Chkhutuneti。

山區餐廳

我地去到都四點幾五點，今晚唔洗食飯。一入去間餐廳有啲傳統喬治亞舞蹈。

入面成堆人係到睇表演


https://imgur.com/pF784p8
傳統舞蹈

呢間野啲野食團費包左，見都係團客多。有唔同嘅喬治亞本地菜式。女團友用刀叉食Khinkali 比男團友撚 導遊話喬治亞用刀叉食Khinkali 同意大利啪斷意粉/pineapple pizza差唔多。

食食下就講起團友結婚，話最Optimal係生兩三個細路。佢地兩個都係有幾兄弟姊妹家庭長大。同埋啲黎巴嫩舞蹈真係搞唔掂。男團友撚我話如果唔出去跳舞就要留低洗碗。

檯上面有唔少喬治亞家常美食，留返美食篇仔細介紹

呢到位處山區，可以影到一片片嘅山脈村落景色。




高加索村落



有支國旗伸出窗外