特朗普擬大幅削減NASA預算 馬斯克公開反對：令人擔憂

如果你話我利益至上，我要澄清。呢個唔係淨係講緊商業利益咁膚淺，或者咁講，係價值至上。弱者可以提供某啲非物質嘅價值，例如助養兒童嗰啲，你要個金主每個月課金，做下樣都要叫個非洲兒童定期寫信畀個金主影幾張相多謝佢，終於依家讀大學做醫生。個金主又好開心，佢助養一百幾十蚊，有個非洲兒童寄啲相畀佢，佢又可以放IG打卡換幾百個like，顯示到自己又好有愛心。而間ngo喺中間撮合兩者，咁又會有油水可以撈到，乘機又可以同政府申請資助，係win-win-win，三贏！咁呢啲咪等價交換囉，說不上是互相利用，但一定係某種共生關係。

如果你啲左翼係務實嘅，你就諗下點樣可以雙贏三贏四贏，咁你會搵到生存空間。我建議你真係唔好再玩道德綁架，講乜嘢強者天生係欠弱者，“平等”呢兩個字講真已經開始覺得難聽過粗口，已經開始覺得變成“打劫”嘅同義詞咁大鑊。盡快諗下點樣提供物質或非物質嘅價值，咁就叫務實。

何謂既得利益者？你意思就係一啲好成功嘅人，係咪？說到底，即係強者囉。強者有需要聽啲弱者說教條嗎？冇聽過良禽擇木而棲，孟母三遷？呢啲就傳統智慧啦。要聽人說教，都搵畀自己叻嘅人去學習啦。對強者而言，又未必會覺得弱者係地底泥，但都一定要有物質或非物質嘅潛在價值比對方見到，自然有個默契，發展出一種共生嘅關係。

做又36唔做又36，呢句說話係源於真實歷史，唔係我嘅推論。源於大鑊飯年代廣東人嘅俗語嚟，事實真係導致社會停擺甚至大饑荒。應該就唔會發生你所講嗰種各盡所能咁烏托邦嘅情況

反了反了
竟然公開夠膽同偉大嘅侵皇公開作對
馬斯克過多排就會變極左左癌deep state 間諜
快啲出動美軍光復Tesla總部同火星space X 基地
好似係

所以咪話你扭曲囉
利益至上去到一個地步所有嘢都係工具
你根本唔當其他人係人而係只係工具
如果你係最最最top嗰班嘅話你咁認其實ok
如果你唔係嘅話你喺你嘅世界觀你都只係其他人嘅工具
可以將助養講成係IG打卡顯示自己有愛心嘅手段真係體現出你好扭曲
你係唔係孺子將入於井都仲諗下對自己有冇好處先救？

同你講ethics你就講「大自然法則」唔好道德綁架
你呢套互相利用喪失人性同道德嘅世界觀真係好得人驚
所有嘢都用價值衡量
個世界喺你眼入面係完全冰冷嘅
人喺你眼入面只係數字
去到咁冷漠都幾反社會下
不過對你嚟講社會同大自然冇分別
其實你係唔係完全冇人真心關心過你先會咁樣睇個世界？

我係質疑「平等如何推論出做又36唔做又36」
唔係質疑你大鑊飯
平等唔等於做就36唔做又36
錢唔係衡量平等嘅唯一準則
而且你呢種金錢至上嘅世界觀又係對人嘅錯誤理解
可能你覺得世界上最重要嘅係錢
但係呢個世界唔係人人都認為得錢係最重要嘅嘢

用返你logic
導致社會停擺嘅唔係淨係得做又36唔做又36
其他社會制度一樣有發生過呢啲事

佢咁多仔你聽佢係為咗其中一個變性同民主黨反面咩到最後都係為咗利益。佢自從向右之後影響力係大咗好多，埋到總統身仲可以畀佢整個部門成個聯邦政府話cut就cut 唔係侵嘅話佢有乜可能有咁嘅權力

全球最有錢嘅人同兩屆總統話打deep state真係笑撚死人又講到啲印票機咁撚勁又死者投票咁點解佢贏到兩屆佢哋講撚曬啦輸咗都無人去國會搞事乜個deep state 而家咁廢嘅

將文章用Grok3 fact check, 好多fake news!

費事拗咁多理論 嘥鳩氣 實際有邊啲左膠國家係行得成功行得強大？你有冇實際例子
真係一個都數唔出 現實執行唔到嘅理論吹到天花龍鳳都冇用 直接掉垃圾桶
我只能夠話你對人性係高估 冇乜了解 甚至乎係天真

好出奇咩？真係好多人助養都有部分咁嘅心態。咩商界顯關懷，嗰啲企業講真都係為咗自己拆靚個招牌，唔通同你講心。如果有錢佬捐錢畀大學，唔可以留自己個名落去，你估仲有冇人捐錢？我講路人皆見嘅現象出嚟，你就覺得我係冷血？我都真係服咗你。咁唔係冷血，咁係務實。你行得左翼其實都一定要識得務實，淨係玩情感勒索呢啲一定行得唔遠。背後金主資源就係得咁多，唔係話你扮慘扮週星馳賣身葬父咁就一定要養你，左翼團體之間都要競爭資源，結果都係行緊達爾文主義。

你咁中意達爾文主義而個討論語境係人類社會並唔係自然
咁我即管推斷你係講緊社會達爾文主義
其實對於社會達爾文主義嘅批評同埋達爾文主義可唔可以（唔係應唔應該而係可唔可以）應用喺人類社會上已經有好多討論
google 下都搵到

"To look at people in capitalist society and conclude that human nature is egoism, is like looking at people in a factory where pollution is destroying their lungs and saying that it is human nature to cough"

你而家對人性嘅理解正正受制於你身處嘅環境影響
唔好講到自己咁了解人性
人類呢個物種嘅歷史好長
人類文明嘅歷史都好長

我唔係用我身處嘅環境去評估人性，我係睇全人類歷史，咁多日子以嚟發生過什麼事，用歷史去評估人性，呢個一定係最準確。唔好咁多理論，咁多評估量度，通通都係諗多咗。