2025年春季日劇討論(1)

點解見唔到有志田未來

終於諗境岡崎紗絵個 look 似邊個


Between 清乃勁搶戲

畀貼紙相愛麗絲嗰個人

記得呢幕但完全認唔到
好白

呢一集一開始
寬伯就睇緊排球賽
仲發現咗場邊嘅教練
竟然對贏波無喜悅之情，反而有啲憂心
我估，寬伯呢刻亦已經知道排球王子傷咗

上一集寬伯放料俾狗仔記者
叫佢追女主播緋聞
即係話寬伯早就知道女主播同排球王子有景轟
呢一集狗仔响臨檢現場同寬伯報料
寬伯知道王子係同女主播一齊去酒吧
王子唔係去賭
所以寬伯一開始就知道王子清白

到電視台高層叫寬伯幫手游說 IT 老闆
寬伯第一次去 IT 佬公司
就發現有差佬監視
推理出警察係跟緊 IT 老闆
（仲有 IT 老闆同蠱惑顧問有路（相片））
寬伯成個福爾摩斯咁估到 IT 老闆身有屎
（再次證明差佬查嘅唔係王子）

警察扣住王子部電話，但係無拉人
廢腦斷估係電話記錄嘅落注時間
都係王子响場上打緊波（練波同比賽期間，王子唔會帶住電話啦）
咁差佬相信賭外圍嘅係另有其人
寬伯拎咖啡去收買差佬
問嘅應該都係主腦係咪 IT 佬
或者係chok 下差佬嘅網絡罪行調查到乜嘢

寬伯叫芽妹去問王子點睇 Allan
應該係寬伯已經猜到犯人教練就係 Allan
條問題就係睇下王子其實係咪一早就知
同埋寬伯搵女主播監視犯人教練一舉一動
證明寬伯由差佬口中確認自己嘅推測

因為女主播影到 IT 老闆俾嘢犯人教練（唔敢肯定係咪清清楚楚影到機票）
寬伯知道佢之前向 IT 老闆（第二次見面）落嘅藥
話 Allan 唔出現就乜乜乜已經見效
所以接到 Allan 主動話肯電話連線
推斷犯人教練會著草
通知差佬同派攝影隊
仲叫埋王子一齊去機場捕螳螂