2025年春季日劇討論(1)

藤井道人擅長影靚人靚景，但係實在太過平鋪直敍，節奏溫溫吞吞，冇緊張感最後三個人搞聯署其實對劇情完全冇幫助重新調查都係因為山田孝之良心發現流星畀人屈嘅原因係衰on 9同差佬屎忽痕係都要屈佢又完全冇諗過以後會翻案，劇情薄弱咗啲

呢到笑左 講緊男主身為小學生中意乜嘢人
二宮戲份係咪完左 估唔到少到咁

睇嚟係笑片嚟
Gavv 大哥跣低嗰度

不過三個女人夾手夾腳綁手腳嗰度諗起出埃及記

個導演幾勁兩個子供咁細都拍到有演技
對比返麵包超人個細佬演技變左ETV級棒讀

江口對仔女喊得好真。
個仔煩到我想推佢落街

劇情狗屁不通剪輯零碎blocking混亂，頭半粒鐘都係頭痛住喺畫面到搵演員，之後劇情唔合理到頗為可笑
最令人難受嘅係導演話套片係關於殘障兒童，但對小朋友拍攝手法同表現方式都係攞十分之獵奇嘅角度，一路睇一路感受到莫大嘅惡意，鏡頭安排似拍野生動物紀錄片多過當佢哋係人，感覺導演完全不屑於了解佢哋，大佬呀鍊狗術師都會了解下隻狗想點先啦
班細路唯一作用係對家長造成負累破壞家庭，講咗幾次如果佢哋死咗/冇出過世就好，表現到班小朋友咁唔配生存為人最後竟然係情緒勒索再婚咗嘅啊媽湊返個畀人拐走7年嘅仔，又唔見佢哋去煩個單身老豆，同時拐子佬打老婆摸細路春袋粗心大意地亂鳩咁湊仔就吹到好有人性光輝，女人仆心仆命都描繪成失敗嘅母親，男人做少少嘢就仿佛見到神，CLS價值觀，少子化就係呢啲人造成
結局個仔真係一兩年後病重死咗大家解脫咗就當完，如果乘機宣傳下產前檢查都冇咁嬲，不過據聞日本非常唔鼓勵檢查
睇完覺得導演好mean好虛偽浪費卡士

睇完覺得成班人都當正自己罪人咁 但之後又點呢
覺得有相對嘅反應/感受唔係問題 但而家兩頭唔到岸咁
導演一開頭講到係黑暗？啲嘅故事 睇完心諗咪又係成堆好人溫馨劇場咁
滿島光就聖母上身咁 然後黑木華又會比佢說到
仲有個個講到佛祖大仆街咁 又會變咗做好人
至於導演就一直都有爭議㗎喇 今次出山再畫花啲個底姐