老鋪黃金搭緊雞棚？

1. 港股今年首季跑贏全球，但講到今期股王，絕對唔係騰訊(00700)或者阿里(09988)等科技股，而係有「黃金界愛馬仕」稱號嘅老鋪黃金(06181)。

2. 該股去年6月底上市，用咗大約九個月，股價由40.5元升到今日收市868元，累升2,043%，總市值達到1,461億，已經遠超行業龍頭周大福(01929)嘅889億；前者PE高達197.3倍，後者只有19.87倍。換言之，老鋪黃金估值貴得十分誇張。

3. 問題在於，老鋪黃金值唔值得咁貴？定係搭緊雞棚？

4. 有好多分析指佢股價受惠金價破頂。不過參照周大福同期股價升幅只有12%，周生生(00116)只有3%升幅，A股老鳳祥更加跌9%。同樣背景下，好難解釋只有老鋪黃金股價可以升超過2,000%。

5. 第二，就係老鋪黃金以「古法黃金」為賣點，包括手製金飾。不過，話明係「古法」，即係唔係佢哋獨家啦。其實周大福同周生生都有古法黃金產品，如果上Google，第一個跑出係謝瑞麟(00417) 。雖然老鋪黃金定位領先，但any肥，用呢一點炒上咁多有啲牽強。

6. 而公司同其他金舖最大嘅分別，就係佢哋嘅銷售手法，除咗用「古法」呢個idea走產量少同高端路線，佢哋嘅金飾並非傳統以黃金重量逐件計，而係好似Tiffany或者Cartier咁，按産品設計統一定價。正如劉華咁講：比鬼佬睇到以為我無錢比，拎走個磅佢！呢種經營方式，係內地絕對係罕有。

7. 有內媒統計，如果換算每克計，老鋪黃金嘅產品售價比同行賣貴超過15%。以2月24日為例。老鋪黃金吊墜產品折合每克金價1,088人民幣(連手工)，同日周大福等同業金價為889人民幣(不含手工)，意味老鋪黃金賣得特別貴。

8. 翻查業績，老鋪黃金去年毛利率高達41.2%，而周大福截至去年9月底止毛利率只有31.4%。

9. 不過，賣得貴反而無影響老鋪黃金銷售。去年銷售業績增加166%至98億人民幣，經調整盈利增加253%至15億人民幣。去年底，公司只有36間自營店，但每間店平均銷售業績超過3億人民幣，全國第一。證明公司定位同銷售策略正確，可以解釋股價炒高部分原因。

10. 炒得起別一個主要原因，都係要睇街貨量，大股東徐高明父子合計持股67.6%，而前九大股東持股達1.33億股，佔總股本80%左右，意味貨源歸邊。

11. 講到呢到，到成篇文嘅重點。公司收市後發通告，表示獲聯交所批准將徐高明持有4,039萬股內資股，轉換成H股，以今日收市價計，市值約350億元。而徐高明等主要股東禁售期，將於今年6月27日收市後結束。

所以個雞棚6月前都唔會拆？

入貨了

明知係接炸彈音樂椅遊戲

搏入index逼index fund/etf入貨啫

ib 冇貨借

老襯黃金

好似痕遲同漠能耳膜發電

黃金升佢有咁多現貨都會升嘅

197x PE除左鳩炒雞棚
講咩增長業績咩賣點都係晒氣

汁：https://www.threads.net/@allaboutmoney_hk/post/DH6MQpATZ_S?xmt=AQGzM7vlOoTnH00EU9O1Vioj_WuCbSQSiAey4ptPL-hlJQ

老正黃金

早一個月要排隊幾十人先可以入場，依家又好似無人影

咩但any肥
好撚KAM

佢門店真係好多人, 夜晚8,9點都有人排隊買金
有時預定要等一個月添
而且佢比同行定價貴,銷售高
反觀其他金鋪因為金價升,銷售低左

可惜無期權

諗起當年隻蒙古語能源

會唔會係之前俾錢請人排隊呀?

入恒指之後就拆

隻野無得put又無short lol要等解禁？

依家啲後生都開始覺得買金保值過買珠寶首飾，佢就係捉到呢條水，加埋佢大陸宣傳得好勁，設計又靚過周大福周生生啲金飾，所以就算佢手工費佔價錢多少少都好多人買，當然現價就肯定係炒高，幾時拆就無人知

分析幾好

真係有人買，款係好過依家香港金鋪個d,新中式，大陸仔當中國chrome hearts

2016年 14000/ 両

2022仲係 20000/両

今年己經 30000/両

Labubu 泡多啲定佢多d

咁好賺唔怪得ifc見到圍咗板裝修準備開